Ti wăl Đại tướng Võ Nguyên Giáp, Khua knŭk kna Phạm Minh Chính hŏng êpul mă bruă myơr brui mngưi leh anăn pioh ƀiă mnĭt mmông bi hdơr kơ Đại tướng Võ Nguyên Giáp leh anăn phung jhŏng ktang săn leh asei ti Kdrăn mblah Điện Biên Phủ. Anăn, klei thâo bruă kahan mơ̆ng Đại tướng Võ Nguyên Giáp -  Khua gĭt gai klei bi blah, khua lĭng kahan yang ƀuôn Việt Nam, Pô mbruă lĭng kahan leh anăn pô tui hriăm êdah êdi mơ̆ng Khua gĭt gai Hồ Chí Minh; klei đru mguôp, săn asei mơ̆ng Đại tướng Võ Nguyên Giáp leh anăn phung săn asei srăng čih hlăm hƀuê ênuk djuê ana drei, lĭng kahan msĕ si sa klei yăl dliê amâo dưi wơr.

Leh kơ anăn, Khua knŭk kna Phạm Minh Chính hŏng êpul mă bruă nao čhưn ti Wăl kriê pioh Anôk bruă gĭt gai lĭng kahan Điện Biên Phủ, mđup brei mnơ̆ng kơ  20 čô lĭng kahan leh anăn gŏ sang ti să Mường Phăng, să Pá Khoang, ƀuôn prŏng Điện Biên Phủ.