Êpul ngă bruă nao čuă, mđup brei mnơ̆ng kơ kahan hđăp Nguyễn Hữu Chấp, kkiêng thŭn 1931, dôk ti ƀuôn hgŭm Him Lam lehanăn kahan hđăp Nguyễn Viết Điểm, kkiêng thŭn 1930, dôk ti ƀuôn hgŭm Thanh Bình, ƀuôn prŏng Điện Biên Phủ.

Tinei, Khua lăn čar jing êjai Võ Thị Ánh Xuân nao čuă êmuh klei suaih pral, klei hdĭp phung kahan Điên Biên, bi êdah klei mpŭ, lač jăk kơ dŭm klei đru mguôp, săn asei mơ̆ng phung kahan Điện Biên hlăm hdră bi kdơ̆ng mblah hŏng Prăng, đru mguôp hŏng lĭng kahan lehanăn mnuih ƀuôn sang mjing leh hdră tŭ dưi hƀuê ênuk. Bi ala êpul ngă bruă, Khua lăn čar jing êjai h’êč hmưi phung kahan Điện Biên suaih pral, jing anôk jưh knang kjăp čiăng kơ anak čô tui hluê, lŏ čuê knhuah gru aê ama, mbĭt anăn mđĭ lar knhuah gru jăk siam “Lĭng kahan Awa Hô”, krơ̆ng kjăp ai tiê mơ̆ng phung “Lĭng kahan Điên Biên” thŭn êlâo, lŏ dơ̆ng đru mguôp klei thâo, hgŭm kngan mkŏ mkra ƀuôn sang jăk siam, kreh dhar./.