Bi mklă Đảng, knŭk kna mđing dlăng kơ grăp boh sang Việt Nam, sa anăn hŏng hdră êlan “amâo brei hlei pô lui ti tluôn”, Khua lăn čar bi mni kơ bruă sang čư̆ êa leh anăn mnuih ƀuôn sang kơ boh tŭ bruă êđăp ênang ala ƀuôn mâo leh hlăm wưng êgao, hlăm anăn Đường Lâm jing sa hlăm dŭm să ƀa anăp hlăm wăl krah Sơn Tây hlăm bruă mkŏ mjing krĭng ƀuôn sang mrâo tơdah bi leh 80% hnơ̆ng kčah, amâo lŏ mâo gŏ êsei ƀun, mnuih ƀuôn sang bi đru, bi khăp, hrăm mbĭt mđĭ kyar hlăm sa ala ƀuôn jăk mơak leh anăn bi hgŭm.
Mđing kơ klei bi hdơr lu bruă yuôm bhăn mơ̆ng Sơn Tây hlăm thŭn 2024, Khua lăn čar đăo knang wăl krah Sơn Tây, hlăm anăn mâo să Đường Lâm srăng lŏ dơ̆ng mâo lu klei tŭ dưn prŏng hĭn, bi hgŭm mkŏ mkra ƀuôn sang ƀrư̆ đĭ kyar leh anăn mdrŏng sah, mâo thiăm lu phung mbruă đru kơ bruă đĭ kyar mbĭt mơ̆ng lăn čar./.
Viết bình luận