Hruê mbruê 2/5, Khua čih hră Bruă kƀĭn ala ba mdah leh klei hưn mơ̆ng Dhar bruă Kƀĭn ala kơ bruă tiŏ nao gĭt gai klei ngă bruă mơ̆ng Dhar bruă Kƀĭn ala leh anăn Bruă Kƀĭn ala. Hluê anăn, Dhar bruă Kƀĭn ala tiŏ nao Trần Thanh Mẫn, Khua hlăm Phŭn bruă kđi čar, K’iăng khua bruă Kƀĭn ala gĭt gai klei ngă bruă mơ̆ng Dhar bruă Kƀĭn ala leh anăn Bruă Kƀĭn ala.

Êlâo kơnăn, leh hmư̆ dŭm klei hưn mdah mơ̆ng Vương Đình Huệ, Bruă kƀĭn ala ngă klei bi trông, mplĕ hră hgăm leh anăn bi klă hdră mtrŭn brei mdei ngă Khua bruă kƀĭn ala, Khua êpul gơ̆ng bruă lĭng kahan leh anăn klei êđăp ênang, brei mdei ngă bruă klam pô bi ala bruă kƀĭn ala hŏng Vương Đình Huệ. Trần Thanh Mẫn k’kiêng thŭn 1962, ti kdriêk Châu Thành, čar Hậu Giang, tuôm ngă lu mta bruă msĕ si: k’iăng khua gĭt gai, khua bruă sang čư êa, khua bruă Đảng ƀuôn prŏng Cần Thơ, k’iăn khua kiă kriê, khua dhar bruă gưl dlông mặt trận čar kwar Việt Nam. mlan 4/2021, Trần Thanh Mẫn mâo bruă kƀĭn ala gưl 14 ruah mdưm păn ngă K’iăng khua bruă kƀĭn ala.