Ti anôk bi kƀĭn, phung khua dŭm Phŭn, dhar bruă bi trông, hlak mblang kơ dŭm klei êdu kƀah, dleh dlan mơ̆ng hdră BOT kyua klei bi mlih hlăm bruă ba yua dŭm klei bhiăn, hdră mtrŭn djŏ tuôm čiăng msir mghaih dŭm hdră bruă ăt msĕ mơh klei đua klam mơ̆ng dŭm tĭng hluê si klei kuôl kă bi hgŭm.

Klah čŭn ti anôk bi kƀĭn, K’iăng khua knŭk kna Trần Hồng Hà mtă kơ Phŭn bruă Êlan klông dŭ mdiăng mjêč bi leh dŭm klei hưn mdah, bi mklă mta phŭn klei dleh dlan, gun kpăk mơ̆ng 8 hdră bruă BOT, êlâo kơ Hdră bhiăn duh bi liê ƀĭng hgŭm knŭk kna êngao knŭk kna dưi ba yua.Hlăm anăn, bi mklă boh phŭn, hdră bi mlih, bi leh hdră mtrŭn, klei bhiăn hlăm grăp wưng, klei đua klam mơ̆ng dŭm tĭng djŏ tuôm./.