K’iăng khua phŭn bruă mdrao mgŭn Đỗ Xuân Tuyên brei thâo, bruă lŏ dăp wĭt mkŏ wĭt sang êa drao dôk hlăm phŭn bruă mdrao mgŭn kiă kriê hlue hŏng hdră êlan bi hrŏ ênoh khua kiă kriê, rơ̆ng hluê ngă djŏ hdră êlan mơ̆ng Đảng, hdră bhiăn knŭk kna, djŏ guôp hŏng klei čuăl mkă bruă mdrao mgŭn lăn čar, hlăm boh klei ară anei.

  Klah čŭn klei bi kƀĭn, k’iăng khua knŭk kna Trần Hồng Hà mñă: Bruă lŏ dăp wĭt jih jang bruă sang êa drao dôk hlăm phŭn bruă mdrao mgŭn, lehanăn dŭm phŭn dhar bruă, kñăm lŏ mkŏ mjing klei duh bi liê, rŭ mdơ̆ng dŭm boh sang êa drao bi djăp ênoh čuăn mdrao mgŭn kơ mnuih ƀuôn sang. K’iăng khua knŭk kna Trần Hồng Hà mtă leh kơ phŭn bruă mdrao mgŭn ksiêm, dăp wĭt, mkŏ wĭt dŭm boh sang êa drao bi djŏ hŏng ênoh čuăn ară anei, lehanăn duh bi liê kjăp hĭn, mă bruă ti dŭm alŭ wăl dleh dlan, krĭng taih kbưi ka djăp ôh ênoh čuăn kơ bruă mdrao mgŭn./.