Jing sa hlăm 5 êlan ksŭng mblah nao mŭt hlăm Sài Gòn, Êpul kahan prŏng mrô 3 hŏng mta kñăm čiăng mâo mă tač êdeh phiơr Tân Sơn Nhất knơ̆ng kiă kriê kahan roh. Čiăng mâo mă dŭm anôk yuôm bhăn anei, djŏ hlăm hrue 30/4 hƀuê ênuk, Êpul kahan prŏng mâo leh dŭm mnêč bi blah hŏng klei pral lehanăn ktang.

Trung tướng Nguyễn Quốc Thước, hălk anăn jking khua kčĕ bruă kiă kriê êpul kahan prŏng mrô 3, jing pô gĭt gai êlan ksŭng mblah mŭt hlăm Sài Gòn lŏ yăl dliê klei amâo mâo dưi wơr anăn hlăm hrue mâo klei êngiê:“Tač êdeh phiơr Tân Sơn Nhất knơ̆ng kiă kriê kahan roh leh mâo mă kluôm ênŭm hlăk 11h30. Snăn mơ̆ng 11h - 11h30 jih 5 êlan ksŭng mŭt hlăm Sài Gòn dưi mâo mă mđrăm hlăm sa blư̆. Mgei ai tiê prŏng êdi, leh mâo mă dinh độc lập, klei êngiê dưi wĭt hŏng drei leh, bŏ hŏng klei mơak êdi, ƀiădah mâo sa mta klei, jing amâo mâo ƀuh awa ôh ti anăn. Hlăk hmei kut kat mblah Mi mmông anăn awa ruă kjham leh, Awa lač, brei diih gĭr bi mâo mă pral Sài Gòn čiăng kơ kâo mâo nao čuă kwar dhŭng mơh...

Aguah hrue êdei hlăm sang mđung asăp blŭ Việt Nam mđung klei mmuiñ mơ̆ng Phạm Tuyên čih“Như có Bác Hồ trong ngày vui đại thắng”, hlăk anăn hmei ƀuh mgei ai tiê êdi, mơak êdi msĕ si awa mbĭt leh, mnuih ƀuôn sang kwar dưr truh leh, pô čih mkra klei muiñ drông brei leh awa hriê hŏng hmei, snăn mmông anei ƀuh ai tiê êđăp ênang”./.

Giăm 50 thŭn êgao leh mơ̆ng hruê mtlaih êngiê kwar Dhŭng hluh lir lăn čar, ƀiădah klei hdơr êpul kahan mtlaih êngiê nao ti Sài Gòn ăt adôk mrâo mrang hlăm ai tiê phung ƀuh leh. Ktưn hưn jing sa čô hlăm êpul čih klei mrâo Việt Nam tal êlâo mâo ƀô̆ mta ti Dinh Độc lập hlăm yang hruê 30/04/1975, pô čih klei mrâo hlăm kdrăn bi blah Trần Mai Hưởng, jing Khua hđăp Knơ̆ng bruă klei mrâo Thông tấn xã Việt Nam čih kơ klei mblah dưi hŏng akŏ “Êdeh sar mtlaih êngiê nao hlăm sang Độc Lập yang hruê 30/4/1975" leh anăn lu klei čih kơ hruê mtlaih êngiê hƀuê ênuk. Pô čih klei mrâo Trần Mai Hưởng brei thâo hlăk êdeh mdiăng êpul čih klei mrâo nao giăm ƀuôn prŏng, boh phao phung roh ăt lŏ dơ̆ng raih, êdeh mdiăng phung čih klei mrâo nao giăm êdeh sar ñĕ kơ phung roh. Ƀiădah truh ti ƀuôn prŏng jing sa rup mrâo, mñuih ƀuôn sang bi kluh nao hlăm êlan klông drông êpul kahan mtlaih êngiê: “ Mnuih ƀuôn sang mơak snăn, mđup brei mnơ̆ng leh anăn êa mnăm  kơ ayŏng adei. Sa čô hđeh 13-14 thŭn đĭ ti êdeh phung čih klei mrâo păn ti êdeh leh anăn ur ktang: mâo klei êngiê leh, mâo klei êngiê leh. Bi mnuih ƀuôn sang dua nah êlan nao kmiêk phung kahan, mă kiê kngan tlao mơak leh anăn mmuiñ. Mmuiñ klei mmuiñ Nao Phă Hà Hội mơ̆ng Văn Cao čih mkra, mâo pruê̆ snei: êpul kahan msĕ si êa poh yă, êpul kahan dôk kluh hruê. Klei anei djŏ hlăm wưng anăn. Grăp čô bi mmuiñ leh anăn mơak snăk, diñu ktrâo êlan kơ hmei nao.”