Nguyễn Trọng Nghĩa, Khua anôk bruă kiă kriê klei hâo hưn gưl dlông gĭt gai leh knăm anei. Klei êdah êdi mơ̆ng hdră anei jing knăm trŭn ruê̆ kahan mphŭn pŏk hŏng dŭm êpul êdeh phiơr dakwak hlăm Êpul kahan êlan phiơr, Lĭng kahan yang ƀuôn Việt Nam ba hla čhiăm gru mơ̆ng Đảng, mơ̆ng ala čar Việt Nam.

Leh kơnăn jing knăm trŭn ruê̆ kahan hŏng 40 êpul, mơ̆ng êdeh mâo gru knăl ala čar, êpul hla čhiăm gru Đảng, hla čhiăm gru ala čar, êdeh mgrông rup Khua gĭt gai Hồ Chí Minh; gru hmô bi êdah 70 thŭn Hdră mblah tŭ dưi Điện Biên Phủ; êdeh gĭt gai, Êpul kriê dlăng kluôm lĭng kahan, êpul lĭng kahan mniê, êpul lĭng kahan Điện Biên... Leh knăm mprăp kơ hdră anei gưl ala čar, knăm trŭn ruê̆ kahan bi hdơr 70 thŭn Hdră mblah tŭ dưi Điện Biên Phủ srăng dưi hưn mthâo kơ hdră mprăp kluôm hlăm hruê 5/5 lehanăn klă klơ̆ng mkŏ mjing knăm anei hlăm hruê 7/5./.