Hlăm mmông anăn, êdeh ôtô mâo mrâo 43C-145.16 mơ̆ng Nguyễn Quang Nhãn, 32 thŭn, dôk ti să Quế Châu, kdriêk Quế Sơn, čar Quảng Nam mgăt êdeh êran mơ̆ng čar Quảng Nam nao ti Kon Tum, truh ti kčŭn čư̆ Losor, kdrêč Km1420+170 ti alŭ Măng Khênh, să Đăk Man, kdriêk Đăk Glei, čar Kon Tum mâo hĕ klei truh.
Anôk mâo klei truh brei ƀuh êdeh ôtô mdiăng mnơ̆ng mơ̆ng Nguyễn Quang Nhãn kdâo hlăm mnuôr êa khăt ti djiêo êlan. Boh jhat pô mgăt êdeh Nguyễn Quang Nhãn leh anăn pô đĭ mbĭt jing Nguyễn Tấn Toàn, 25 thŭn, ăt thŭn, dôk ti să Quế Châu, kdriêk Quế Sơn, čar Quảng Nam hlŏng djiê tinăn mtam, êdeh ôtô jhat rai kjham. Sơnăn knŏng hlăm 4 hruê êgao, ti alŭ wăl čar Kon Tum mâo 3 klei truh hlăm êlan klông, ngă truh klei jŭ jhat kjham mâo 4 čô̆ djiê leh anăn 26 čô êka.
Viết bình luận