Hlăm mmông bi kƀĭn, phung bi ala hmư̆ klei hâo hưn dŭm akŏ djŏ tuôm kơ knông lăn ala čar leh anăn dŭm bruă êdah êdi ti dŭm ktuê êlan knông lăn, krĭng êa ksĭ hlăm boh klei ară anei; răng mgang wăl hdĭp mda hlăm bruă hrui mƀĭn djah djâo, gang mkhư̆ djah djâo ksu leh anăn kdô ksu hlăm wăl hdĭp mda, dŭm bruă mđĭ lar bruă klam phung khua thŭn hlăm wưng mrâo.

Phung bi ala ăt bi trông, kah mbha klei thâo hlăm bruă êpul, hdră hâo hưn mtô mblang bruă klam mơ̆ng phung hlăm êpul hlăm klei răng mgang wăl hdĭp mda, knông lăn ti dŭm alŭ wăl. Klei bi kƀĭn kñăm mđĭ bruă klam, klei thâo săng leh anăn klei hgŭm mơ̆ng phung khua thŭn hlăm bruă răng mgang wăl hdĭp mda leh anăn knông lăn, plao ksĭ. Mơ̆ng anăn, grăp čô hlăm êpul srăng jing phung ba anăp, bi hmô, mđĭ bruă klam “thŭn khua bi hmô”.