Knăm tŭ drông dưi mkŏ mjing kdrưh kơăm ti gŭ klei gĭt gai mơ̆ng Đại tướng Phan Văn Giang, Khua phŭn bruă lĭng kahan Việt Nam. Leh knăm tŭ drông, Khua phŭn bruă lĭng kahan dua ala čar ngă hdră kkuh kơ gơ̆ng knăl knông lăn, pla ana kyâo bi hgŭm knông lăn Việt Nam – China ti ƀăng jang knông lăn Lào Cai.
Khua Phŭn bruă Phan Văn Giang măl êa mil gơ̆ng knông lăn klei dưi kiă kriê 102 tĭng kơ Việt Nam. Hlăm klei mjĕ mjuk, Khua phŭn bruă Phan Văn Giang leh anăn Khua Phŭn bruă Đổng Quân mbĭt hŏng phung bi ala Phŭn bruă lĭng kahan dua ala čar nao hgŭm khăt mnal ba yua sang dhar kreh bi hgŭm knông lăn Việt Nam – China, nao čuă leh anăn mđup brei hnư mnơ̆ng sang hră gưl 1 Kim Đồng (ƀuôn prŏng Lào Cai), nao čuă kđông kahan ƀăng jang knông lăn Lào Cai. Khua phŭn bruă lĭng kahan dua ala čar Việt Nam – China ăt nao hlăm knăm bi klă dŭm hră mơar bi mguôp.
Viết bình luận