Êlâo anăn, tlam hruê 6/5, Khua knŭk kna Phạm Minh Chính, Khua hlăm Anôk bruă Đảng gưl dlông Trương Thị Mai mbĭt hŏng phung khua hđăp kiă kriê Đảng, knŭk kna nao dưm leh kwang mnga, čuh brui mngưi bi hdơr kơ phung kahan jhŏng ktang djiê êngiă ti Wăl msat kahan djiê êngiă ala čar A1 ti čar Điện Biên. Khua gĭt gai Đảng Nguyễn Phú Trọng dưm leh kwang mnga bi hdơr kơ phung kahan djiê êngiă.

Kwang mnga phung khua kiă kriê Đảng, Knŭk kna lehanăn êpul mă bruă gưl dlông mâo pruê̆ čih “Hdơr nanao kơ phung jhŏng ktang djiê êngiă” bi êdah klei hdơr knga prŏng prĭn mơ̆ng ala čar, mơ̆ng mnuih ƀuôn sang truh kơ phung jhŏng ktang săn leh asei mlei djiê êngiă kyua klei êđăp ênang, hnŭk êngiê mơ̆ng djuê ana. Ăt hlăm tlam hruê 6/5, ti Sang yang bi hdơr phung kahan djiê êngiă ti Kdrăn mblah Điện Biên Phủ, Êpul bi ala bruă Đảng kahan gưl dlông, Phŭn bruă lĭng kahan mâo Đại tướng Phan Văn Giang, Khua phŭn bruă lĭng kahan nao čuh leh brui mngưi bi hdơr kơ phung kahan Jhŏng ktang djiê êngiă ti Điện Biên.