Êpul nao čuă leh aduôn Phạm Thị Sinh (kkiêng thŭn 1930, hdĭp ti kdriêk čar Bình Thạnh), jing pô tuôm nao leh hlăm klei bi blah Điện Biên Phủ. Phạm Thị Sinh mâo jao leh mêđai klei blah dưi mrô 2. Leh kơ anăn êpul nao čuă Nguyễn Đình Xướng (kkiêng thŭn 1934, hdĭp ti kdriêk čar Bình Thạnh). Ñu tuôm nao hlăm klei bi blah Điện Biên Phủ mơ̆ng phŭn hrue bi blah hlŏng truh kơ ruĕ.
Bi ala kơ êpul nao čuă, khua êpul gơ̆ng bruă ƀuôn sang ƀp.HCM Nguyễn Thị Lệ lač, lu gưl hđeh ară anei ăt hdơr pioh nanao ai tiê prŏng prĭn mơ̆ng phung khua kahan, kahan lĭng, knuă druh, hlăk ai ba anăp lehanăn mnuih ƀuôn sang tuôm nao hlăm klei bi blah Điện Biên Phủ, mđrăm mbĭt mjing leh klei dưi prŏng hlăm klei bi blah sua mă klei êngiê kơ lăn čar. Nguyễn Thị Lệ čang hmăng kơ digơ̆ dua mduôn khua leh mâo nanao klei suaih pral, mơak mñai hŏng anak čô, lŏ bi êdah nanao ai tiê lĭng kahan awa Hô mâo lu bruă đru mguôp kơ klei rŭ mdơ̆ng alŭ wăl ară anei./.
Viết bình luận