}răn 1: Mơnuih ping gah đăo lăi nao kơ tơlơi đăo hiam, hơdip tơpă

          VOV4.Jarai-Tơdơi kơ 12 thun ngă tui tơlơi pơtrun mrô 123/QĐ-TƯ lơ 28/9/2004 mơng Ding jum kơđi ]ar kơ bruă pơmut mơnuih đăo mut ping gah laih anun mơnuih ping gah đăo dưi nao jơnum kơkuh pơpu\ tơlơi đăo; truh ră anai, hơdôm tơring ]ar kual }ư\ siăng hơmâo lu tơlơi bơblih prong biă mă. Boh tơhnal anai gum hrom kơtưn tui tơlơi gơgrong git gai mơng ping gah, gru\p anom bruă ping gah; pơtrut tui bruă ngă tui djơ\ tơlơi pơtrun mơng kơnuk kơna pioh kơ tơlơi đăo hăng mơnuih [on sang djuai [iă; kiăng plai [iă ano\ pha ra tơlơi kiăng kơplah wah ping gah, gong gai kơnuk kơna hăng mơnuih [on sang đăo. Lu mơnuih đăo kơ yang rơmang, [ing djru đăo, hlâo adih ngă yang, iâu lăi hơgom, pơdop, ră anai [ing mut ping gah sit lăi nao jơnum pơhaih rơđah rơđong amăng sang jơnum đăo, laih anun gơ`u ngă klă tơlơi pơtrun “đăo tong ten, hơdip mơda tơpă ba jơlan hlâo, djru hrom bruă gum pơgop djuai ania”. Khă hnun, bruă mă anai [ơi kual }ư\ siăng ăt do\ lu tơlơi kơ[ah. Dong mơng hơdră hrơi anai, gơmơi hơmâo tơlơi ]ih lăi pơthâo kơ bruă do\ kơ[ah hăng  tơlơi gêh gal ako\ pơdong laih anun pơđ^ kyar ping gah amăng plơi pla mơnuih [on sang đăo  [ơi kual }ư\ siăng.

            Lơ\m adai tlam mơmo\t [iă laih, Hoàng Quốc Huy, mơnuih ngă bruă pơkă lo\n sang kơ mơnuih [on sang, sa ]ô mơnuih ping gah, laih anun sa ]ô mơnuih đăo khop mơn, hrom hăng [ing mă bruă amăng anih `u ngă hră pơar kơ mơnuih [on sang [ơi să Tà Nung, plơi prong Đà Lạt, Lâm Đồng ăt do\ mă bruă đô]. Glông grê gah rơngiao, ăt do\ hơmâo hơdôm pluh ]ô mơnuih [on sang  tơguan ngă brơi hră kơ [ing gơ`u. Khă hnun, [ing mơnuih mă bruă kơnuk kơna hăng ană plơi lêng kơ do\ tơguan mă bruă hăng pran jua mơak soh. Hơdôm ]ô mơnuih [u anăm do\ tơguan le\, do\ bơ ră ruai pơ rơngiao adih ăt mơak mơai mơn. Amai Đoàn Thị Bích Phượng do\ tơguan arăng ngă brơi hră lo\n kơ `u [ơi anih do\ tơguan anun, `u lăi:

            Rai pơ anai, hơmâo tơlơi djru mơng [ing adơi ayong mă bruă, pơ]râo brơi ta hơdră ngă hră pơar amu` laih anun ta` biă. Kâo do\ tơguan sa ]ô mơnuih dong rai pioh k^ hră, samơ\ pô anun aka truh ôh, [ing adơi ayong [ơi anai prăp lui hră pơar giong abih laih, samơ\ pô mơnuih s^ mơdrô hăng kâo aka [u truh ôh.

            Ayong Hoàng Quốc Huy  brơi thâo, `u phrâo mut ping gah Cộng sản Việt Nam dong mơ\ng ako\ thun anai. Aka jing mơnuih ping gah sit nik ôh samơ\ `u kjăp pran jua biă mă yap dong mơ\ng hrơi `u mut ping gah, pơmin kơ bruă kơđi ]ar, mơnuih mơnam. Hơdôm thun hlâo adih, lơ\m do\ hrăm pơ sang hră Cao đẳng Kinh tế-kỹ thuật Lâm Đồng, [ing ]ơđai sang hră đăo khop kah hăng `u do\ pơmin le\, bruă mut ping gah kơ [ing đăo ataih biă mă. Samơ\ dong mơ\ng hrơi `u glăi mă bruă pơ să, `u [u hơmâo pơmin tui anun dong tah laih anun abih sang ano\ `u đăo khop soh, `u kơtưn na nao kiăng dưi mut ping gah yua `u mă bruă hur har hăng tơpă, `u lăi:

            Hlâo adih hơmâo lu mơnuih lăi tui anai, tui adih, jing mơnuih đăo kah hăng đăo phrâo hiam, đăo Cao đài, đăo khop, tơnap biă mă mut ping gah, jing đảng viên. Dong mơng hrơi rai mă bruă, kâo [uh tơlơi anun [u hơmâo hnun ôh dah. Yom hloh le\, pran jua ta pô kơtưn mă bruă ngă hiư\m pă kiăng arăng đăo kơnang dưi brơi ta mut ping gah. Gah ping gah ăt kiăng na nao djop mơnuih mut ping gah, hlơi hơmâo tơlơi kơtưn mă bruă, hơdip tơpă hiam. Lơ\m kâo ]ih hră ră ruai kơ ta pô jing lý lịch, abih sang ano\, kơnung djuai, djru soh kơ ta. Tơlơi đăo ta ăt do\ đăo. Ping gah [u pơgo# ta khom lui đăo ôh laih anun  gah [ing đăo ăt [u khă lơi ta mut ping gah.

            Hăng djop grup ping gah amăng plơi pla  [ơi tơring ]ar Lâm Đồng, bruă pơmut ping gah tui hră pơtrun mrô 123 mơng Ding jum kơđi ]ar yom biă mă, kơtưn tơlơi git gai mơng ping gah [ơi djop să, phường, plơi pla, [on [ut amăng plơi prong hơmâo lu mơnuih [on sang đăo. Hăng [ing mơnuih đăo mut ping gah, anai jing bah amăng ngă gêh gal prong biă mă kơ abih bang gir run hloh, [ư\ pơkra tơlơi hơdip pô, pơyơr pran jua mă bruă. Amai Nguyễn Thị Mỹ Dung pơ plơi Quỳnh Châu Đông, să Lạc Lâm, Kơ-iăng Khoa git gai ping gah să Lạc Lâm, tơring glông Đơn Dương, jing să hơmâo 87% mrô mơnuih [on sang đăo, lu kơ đăo khop, `u lăi: Dong mơng hrăm anih prong truh rai mă bruă gah tơlơi phiăn să, laih anun ngă khoa khul ping gah pơyu\, Kơ-iăng khoa git gai ping gah să, `u kiăo tui ping gah dong mơng bruă anet truh bruă prong, kiăng thâo hluh kơ plơi pla ala [on anih ta do\ kiăng mă bruă abih pran jua, `u lăi:

            Hlâo adih, ta kơnong thâo mă kơnung djuai adơi ayong, plơi pla ta đô] ră anai gơyut gơyâo [ing gop hrăm abih anih prong truh kơ anih mă bruă, plơi pla tơl plơi Lạc Sơn ta khom thâo mơn, yua dah anun le\ bruă ta git gai wai lăng khom thâo. Rơđah biă `u plơi anun hơmâo hơdôm boh sang ano\, hơdôm sang ano\ pơdrong, [un rin tơnap tap ta khom thâo abih. Laih dong tơlơi je\ giăm, rô nao rai amăng plơi pla lu hloh, ta khom nao e\p lăng ]uă jơmư kiăng thâo, laih anun gum hrom ngă bruă.

            Ăt kah hăng pơ tơring ]ar Lâm Đồng mơn, bruă mă pơđ^ kyar ping gah amăng plơi pla mơnuih [on sang đăo, ră anai kual }ư\ siăng glăk pơtrut tui. Hơdôm rơbâo ]ô mơnuih ping gah dưi pơmut amăng hơdôm thun rơgao laih anun tơlơi anun [uh rơđah jơlan hơdră ping gah kơnuk kơna ta pioh kơ tơlơi đăo hăng mơnuih [on sang djuai [iă djơ\ biă mă, kiăng djop mơnuih kơtưn mut ping gah, pơyơr pran jua mă bruă djru ană plơi pla. Khoa pô pơtô Y Ky Êban, pô wai lăng sang ơi adai să Êa Tul, tơring glông }ư\ Mgar, tơring ]ar Daklak brơi thâo, [u djơ\ kơnong [ơi Daklak đô] ôh, sit nao pơ Hà Nội adih, [udah nao pơ anih pơko\n amăng dêh ]ar ta, `u hmư\ [u [iă ôh [ing djru đăo phrâo hiam lăi, mut ping gah. ~u lăng anai sa tơlơi pơhing phrâo mơak biă mă. Khoa pô pơtô Y Ky Êban lăi:

            {ing djru đăo lăi, Ơ khoa pô pơtô, kâo mut ping gah  hơdôm thun hăng anai laih lah. Kâo hmư\ hling hlang biă mă. {uh gong gai kơnuk kơna pok brơi jơlan kơ [ing djru đăo dưi mut ping gah, pioh ngă gru kơ ană plơi [ing djru đăo, kiăng ta rơbat jơlan đăo tong ten, hơdip mơda hiam klă, tơpă hơnong, laih anun dưi mut ping gah gum djru bruă lo\n ia hiam yơh anun.

            Hrom hăng bruă mut ping gah amăng kual plơi pla đăo, hơdôm boh tơring ]ar kual }ư\ siăng pơtrut ngă tui djơ\ jơlan hơdră ping gah, ding jum kơđi ]ar pơtrun, gum hrom pran jua kơtang blah ngă, yua ping gah nao hlâo, anăp nao kơ bruă mă djru ană plơi pla hơdip mơda hiam mơak, pơgang rơnuk rơnua kơđi ]ar, rơnuk rơnua plơi pla. Yua kơ anun, lu mơnuih pơ kual plơi pla đăo hrưn đ^ mă bruă pơđ^ kyar tơlơi bơwih  [ong huă, man pơdong khul gum pơgop djuai ania kjăp kơtang. Anai jing tơlơi pơhing gơmơi pơtruh brơi [ing gơyut hmư\ bro# boh yom phun tơlơi ]ih to\ tui ako\ `u “Ping gah plơi pla đăo hăng hơdôm tơlơi lăp djă pioh bơwih [ong huă hiam klă”.

          Nay Jek : Pô ]ih hăng pôr