VOV4.Jarai- Ling tơhan Sư đoàn bộ binh 2, juăt iâu le\ Sư đoàn Thép, dưi ako\ pơdong blan 10 thun 1965. Hơdôm boh tơhnal ba glăi blah dưi hong ang mơng Sư đoàn 2 anai djă gru [ơi lu tơring ]ar anih anom tơdron blah ngă đưm kah hăng: Hiệp Đức-Đồng Dương, Đường 9 Nam Lào, Đak Tô-Tân Cảnh. Sư đoan anai 2 wo\t laih tu\ mă tơlơi bơni anăn Ling tơhan sông kơtang mơng mơnuih [on sang.

            Sư đoàn bộ binh 2 dưi pơ anăn Sư đoàn kwăt pơsơi, hmư\ hing sit lăi nao khom truh, sit blah khom dưi. Khoa tơhan đại tá ơi Trần Như Tiếp, Khoa hơđăp anom bruă boh thâo  tơhan kual 5, tom djru mơne] blah ngă kơ Trung đoàn 1, Sư đoàn 2 brơi thâo, thun 1965 Sư đoàn 2 phrâo ako\ pơdong dưi ngă djơ\ bruă tơlơi hơkru\ amăng rơnuk phrâo. Tơdơi kơ ako\ pơjing krep  20 hrơi đu], Sư đoàn hơmâo blah dưi hing ang [ơi Hiệp Đức-Đồng Dương. Đại tá ơi Trần Như Tiếp lăi:

Ling tơhan Sư  đoàn 2 glăk hrăm  hơdră blah ngă

            Lom ako\ pơdong Sư đoàn thâo laih bruă mă kơsung blah blung a, khut khăt khom dưi. Blah [ơi Hiệp Đức-Đồng Dương dưi ngă djơ\ boh tơhnal le\, blah pơrai ayăt lom mông ta tơnap tap, ayăt hơmâo [ôm, krăp blah ta. Tơlơi dưi hơtal dua le\ yua hơmâo tơlơi gum hrom mơng ling tơhan hăng mơnuih [on sang amăng plơi pla anun yơh khut khăt run pran blah ta` tơdơi kơ anun pre lui tơdron blah to\ tui dong.

            Ăt yua kơ hmư\ hing tơhan Sư đoàn Kwăt pơsơi, sa đại đội gah Trung đoàn 1-Trung đoàn Ba Gia, Sư đoàn 2 blah dưi lu anih anom. Kơnong 18 ]ô tơhan đu], khoa git gai tơhan djă anăn Trung đoàn Ba Gia hăng Sư đoàn 2 blah pơrai abih sa Tiểu đoàn [ing ayăt truh kơ hơdôm rơtuh ]ô [ơ\i. Đại Úy ơi Trần Ngọc Thuận, khoa kơđi ]ar hơđăp gah Đại đội 6, Tiểu đoàn 2, Trung đoàn 1, Sư đoàn 2 hơdor glăi, tui hăng tơlơi pơtrun mơng dlông, 4 mông tlam  lơ 17/5/1970, [ơi Suối Cát, Đồi Tranh, gah Dơnung Hiệp Đức tơring ]ar Quảng Nam puih tơhan Trung đoàn Ba Gia ngă hrom ha amăng ple\ pơnah phao blah Tiểu đoàn 2 gah ayăt, Trung đoàn 25, Sư đoàn 2 tơhan gah Việt Nam Cộng hòa. Khă hnun,  truh mông “G” jing mông pơ]ah laih aka [u [uh ôh khul tơhan pơpă pơnah phao hlâo. Lom anun, 18 ]ô tơhan Đại đội 6  yua kơ ơi Thuận git gai nao truh laih pơ anih pre lui kơsung blah, do\ amăng anih hơgom lom puih tơhan ayăt mơtam. Mông anai, hu\i rơhyưt biă mă yua 18 ]ô tơhan anai glăk dong [ơi anăp hăng sa Tiểu đoàn hơdôm rơtuh ]ô [ơ\i. Đại úy ơi Trần Ngọc Thuận hơdor glăi: 

            Ta mut nao hlom amăng anih ayăt do\ baih, ta khom pok jơlan hăng drah kơtăk ta yơh ho\. Đại đội do\ glăi 17 ]ô, tom kâo dong 18, hăng sa Tiểu đoàn mơtam hyư\m ta blah anai. Lom pơnah phao kơsung blah [u pơnah phao Ak ôh, [u yua phao tiểu liên mơn kơnong mă boh garnat glom đu].

Khoa moa  hơđăp hăng ling tơhan phrâo [ơi  anih  hrăm bơblah gah Sư đoàn 2

            Jing puih kơđông phun mơtam mơng tơhan kual 5, Sư đoàn 2 blah dưi na nao, hmư\ hing djop tơdron blah. Blah dưi h^ [ơi Đường 9 Nam Lào ako\ thun 1971 [uh rơđah. Hăng mơne] rơgơi thâo blah ngă, goang dar, blah jơ`e`, Sư đoàn 2 blah dưi hăng Sư đoàn 1-tơhan gah Quân lực Việt Nam Cộng hòa. Mơng anun, djru kơ lu puih tơhan ta blah dưi [ơi Lam Sơn 719 gah tơhan ayăt. Đại tá, Pô sông kơtang ling tơhan mơnuih [on sang ơi Nguyễn Đức Chuyển, Kơ-iăng Khoa tơhan su\ hloă kual 5, khoa tơhan kơsung khin hơtai lăng su\ gah Trung đoàn Bộ binh 1, Sư đoàn 2, nao blah hrom tơdron blah Đường 9 Nam Lào ră ruai:

            Pơs^t blah khom dưi [ơi Lam Sơn 719, jơlan Đường 9 Nam Lào blung hlâo yua kơ pơblang glăi tong ten, khom thâo tơlơi pơhing mơng ayăt, djơ\ tong tui hăng tơlơi thâo mơng Gơnong dlông, mơng ding jum ling tơhan dêh ]ar ta pơtrun. Kơsung blah djơ\ hơdră  ta pơphô laih. Laih dong, tơlơi kơsung blah anai, bruă git gai, pơ]râo ba mơng khul tơhan đường 9 Nam Lào hmao kru, djơ\ hơnong, hmư\ su\  tong ten djơ\ biă anun hlong ru\i nao kơsung blah laih anun ăt pre lui jơlan kơdun đuăi. Mơng anun, hơne] mă mông gêh gal, iâu pơtum abih bang nao hrom blah ngă, hmao kru djru tui klôn, [ing ayăt [u hmao thâo dong tah, gah tơhan ta blah dưi h^ yơh.

Tơdơi kơ tơlơi blah truh kih [ơi Jơlan đường 9 Nam Lào, Sư đoàn 2 hơmâo pơjing hơdră blah wang [ơi tơdron blah pơkon dơng kah hăng: Kơsung blah pơtlaih rơngai Đăk Tô – Tân Cảnh ( tơring ]ar Kon Tum), anih anom puih kơđông kơtang hloh mơng Quân lực Việt Nam Cộng hòa [ơi }ư\ Siăng; Kơsung blah hơdôm anih anom pơtlaih rơngai [ôn prong Đà Nẵng hăng bul pơtâo ia rơs^ Trường Sa.

            Găn rơgao 20 thun blah ngă pơtlaih rơngai kơ djop djuai ania, wai lăng lon ia, laih anun gơgrong bruă jar kmar [ơi dêh ]ar gơyu\t gơyâo Kur, Sư đoàn 2 hơmâo gum hrom [ơi 20 tơdron blah ngă hăng tơhan pơkon gah tơhan hơkru\ ta, hơmâo blah sit nik năng ai `u 3.400 wo\t tơlơi blah anet pơprong. Sư đoàn hing ang, 2 wo\t mă pri Ling tơhan sông kơtang mơnuih [ôn sang. Amăng Sư đoàn hmâo 4 Trung đoàn, 8 Tiểu đoàn, 18 Đại đội hăng 18 ]ô mơnuih ăt ư-ang dưi hơmâo mă pri anai mơn.

Ling tơhan hơđăp hăng ling tơhan phrâo gah Sư đoàn 2 bưp nao rai

            Blan 4/1988 Sư đoàn 2 pơdong [ơi plơi prong An Khê, tơring ]ar Gialai, amăng jang blah ngă mơng kual }ư\ Siăng trun nao pơ kual Tong Krah. Hrưn đ^ tơlơi gru grua mơng Sư đoàn hmâo dua wo\t apah bơni Song ktang, mơnuih apăn brua\, ling tơhan Sư đoàn 2 hlăk hur har pơtop tơlơi blah ngă, pơdong Sư đoàn kơtang hơđong kjăp, pioh ngă klă brua\ Kơnuk kơna jao amăng tơlơi rơnuk phrâo. Đại tá Đoàn Văn Nhất, Chính uỷ Sư đoàn Bộ binh 2, ling tơhan kual 5 lăi tui anai:

             “ Amăng jơlan hơdră hơkru\ phrâo, pioh hrưn đ^ tơlơi gru grua mơng Sư đoàn Song kơtang, ling tơhan mơng Sư đoàn ăt ngă tui klă hơdôm tơlơi nik nak yôm kah hăng: pơtô pơhrăm na nao, pơdong tơlơi pơmin brua\ kơđi ]ar hơdong kjăp brơi kơ ling tơhan, mơnuih apăn brua\. Ngă giong klă hơdôm brua\ Kơnuk kơna jao, ktưn blah pơrai h^ tơlơi pơmin [u sat mơng [ing ayăt, gah ling tơhan khom gum gôp kjăp mơng mơnuih apăn brua\ truh ling tơhan amăng Sư đoàn ”.

            Hmư\ hing sit “ Nao khom truh, blah khom dưi”, tơlơi iâu pơsur anai jing brua\ phun yôm mơng Sư đoàn 2, hơmâo gum gôp pơjing rai tơlơi hing ang, brua\ ngă yôm phan ling tơhan hăng mơnuih [ôn sang ta. Tơlơi yôm phan jing pơsơi kwăt kjăp phik mơng Sư đoàn hơmâo hơdôm gưl mơnuih pơhrăm pơtop pioh djă hơđong tơlơi gru grua mơng Sư đoàn dua wo\t tu\ mă tơlơi bơni Song kơtang.