VOV4.Jarai- Hơdor tơlơi pơtô mơng Wa Hồ ‘’Pơlông mă bruă jing khăp kơ lo\n ia, khăp kơ lo\n ia le\ kho\m pơplông, laih anun [ing nao pơplông jing [ing khăp kơ lo\n ia hloh’’, 5 thun laih rơgao, tơlơi Pơplông truh kih hơmâo Anom bruă ling tơhan plơi prong Kontum, tơring ]ar Kontum pôr tơlơi pơhing [ơi lu anih, pok pơhai jai hrơi tu\ yua hloh, djru kiăng pơplih phrâo hiam klă amăng bruă ling tơhan [ơi tơring ]ar.

Kiăng tơlơi pơplông ngă bruă truh kih hơmâo boh tu\ yua hloh, Trung tá Nguyễn Hoàng Nam, mơnuih apăn bruă kơđi ]ar Anom bruă git gai ling tơhan plơi prong Kontum brơi thâo, puih kơđông ngă hro\m bruă pơplông na nao hăng pơplông amăng hrơi yôm pơphăn, pơlir hơbit pơplông hăng hơdôm tal hrăm kơđi ]ar ‘’Hơdip yua kơ Kơnuk kơna, yua kơ mơnuih [on sang, yua kơ sang ano\, gơyut gơyâo’’.

Biă mă `u le\, pơtrut kơtang bruă hrăm tui, ngă tui gru kơnuih, tơlơi pơmin mơng Hồ Chí Minh amăng puih kơđông.

Rơgao 5 thun pok pơhai, bruă ngă anai hơmâo tơlơi pơplih phrâo laih amăng tơlơi pơmin, bruă mă hrim c\ô apăn bruă, ling tơhan, djru ako\ pơdong ling tơhan blah ngă amăng plơi prong hơđong kjăp kơđi ]ar, tơlơi pơmin:

‘’Amăng 5 thun pok pơhai tơlơi pơplông jao pri laih anun tơlơi pơplông ngă bruă kho\m truh kih, ling tơhan blah ngă plơi prong hơmâo lu boh tu\ yua yôm biă mă.

Tal sa le\, djru ako\ pơdong ling tơhan blah ngă plơi prong hơđong kjăp kơ bruă kơđi ]ar, tơlơi pơmin, pơphun bruă mă, sit nik jing ling tơhan blah ngă hơmâo tơlơi đăo gơnang mơng Ping gah, gong gai kơnuk kơna tơring ]ar.

Tal dua le\, djru ngă klă bruă lăi pơthâo kơ djo\p gưl, gong gai kơnuk kơna ngă tui bruă pơgang lo\n ia, ling tơhan, ngă tơlơi geh gal kiăng tơring ]ar pơđ^ kyar bơwih [ong huă, boh thâo, mơnuh mơnam’’.

Tơdơi 5 thun pok pơhai, tơlơi pơplông ngă bruă truh kih djru kual pơgang plơi prong jai hrơi kjăp hloh, pơhlôm tơlơi hơđong kjăp kơđi ]ar, tơlơi rơnuk rơnua mơnuih mơnam [ơi tơring ]ar.

Rup pơ[uh ling tơhan, tơhan pơgang amăng plơi, hơi mlăm do\ gak, pre c\i blah wang, pơgang brơi tơlơi rơnuk rưnua hơđong kjăp kơ mơnuih [on sang jing tơlơi hiam klă, mơ-ak amăng pran jua, bơwih brơi kơ mơnuih [on sang, [uh rơđah rơđông pran jua hiam klă mơng ling tơhan amăng rơnuk phrâo.

Amai Nguyễn Thị Hồng, Khoa wai lăng Tiểu Đội tơhan pơgang plơi pla phường Quang Trung, plơi prong Kontum lăi tui anai:

‘’Kâo juăt tơgu\ ta` biă, pơmin kơ bruă sang ano\, brơi [ing c\ơđai [ong huă giong, truh  arăng iâu lơ\m hơmâo tơlơi truh, kâo nao [ơi anih mơtăm.

Rơkơi kâo juăt mă bruă ataih, samơ\ `u ăt pơ alum pran jua kâo mơ\n, kiăng kâo gir run, tơhan đah kơmơi pơko\n arăng dưi ngă le\ ta ăt dưi ngă mơ\n’’.

Jing sa amăng plơi pla pok pơhai hơbô| bruă ling tơhan pơgang plơi pla [ơi 19 boh plơi, [ut plơi. Mơng bruă ngă tui, hơbô| bruă hơmâo boh tu\ yua, pơgang tơlơi rơnuk rơnua mơnuih mơnam [ơi phường Quang Trung. Mrô mơnuih kle\ do\p, ngă rung răng tơlơi rơnuk rơnua plai [iă laih.

Dong mơng giăm truh 70 c\ô tơhan pơgang plơi pla, truh ră anai, mrô tơhan mut amăng grup rơbêh 110 c\ô laih.

Hrim hrơi, hơdôm c\ô tơhan anai ngă bruă hyu tir, biă mă `u le\ [ơi anih hmư\ hing, e\p [uh [ing ngă prung, [ing ngă soh glăi, ngă hro\m hăng kông ang pơsir hơmâo tlôn; laih dong jê| giăm mơnuih [on sang, thâo rơđah tơlơi c\ang rơmang mơng mơnuih [on sang, kiăng hơmâo hơdră pơsir hlâo [ơi anih.

Ơi Phạm Thanh Đoan, Khoa git gai Anom bruă ling tơhan phường Quang Trung, plơi prong Kontum, brơi thâo:

‘’Kơ ling tơhan mơnuih [on sang, [ing gơmơi ruah mă tơdăm dra hlăk ai, đah rơkơi mơng 18-45 thun, đah kơmơi mơng 18-40 thun, hơmâo pran jua, tơlơi pơmin hiam klă, hơmâo mơnuih [on sang đăo gơnang.

Yua anun tơhan hyu pơ pă tu\ mơ\n, lêng hơmâo mơnuih [on sang đăo gơnang, laih anun djru brơi ling tơhan.

Biă mă `u le\, hrim wơ\t rơbat hyu gah rơngiao, nao iâu pơthưr lêng hơmâo mơnuih [on sang đăo gơnang laih anun djru abih pran jua’’.

Tơdơi 5 thun pok pơhai pơplông ngă bruă truh kih, plơi prong Kontum hơmâo 88 grup, laih anun hơmâo 164 c\ô mơnuih hơmâo mă pri thâo rơgơi. Lu thun laih, ling tơhan blah ngă plơi prong hơmâo Ding jum ling tơhan, Khoa git gai tơhan quân khu V, apah pri laih anun akhăn gru dêh ]ar yua ngă truh kih bruă arăng jao.

Pơtrut tui boh tu\ yua anun, amăng hrơi mông pơ anăp anai, Anom bruă git gai ling tơhan plơi prong Kontum djă pioh na nao, pok pơhai dlăm hloh dong bruă pơplông anai, jing pơtrut đ^ pran jua blah wang amăng puih kơđông, djru hơđong kjăp tơlơi rơnuk rơnua mơnuih mơnam [ơi tơring ]ar.

Siu H’Mai: Pô ]ih hăng pôr