VOV4.Jarai- Pơtrut đ^ tơlơi kjăp bruă, thâo pơce\h phrâo hăng pơlir hơbit bruă mă mơng ri\m c\ô mơnuih amăng bruă pơplông ‘’Pơc\eh phrâo măi mok pơkra gơnam djơ\ lăp’’, amăng thun blan laih rơgao, [ing apăn bruă, công nhân amăng Kông ti Apui lơtrik Daklak hơmâo lu tơlơi pơc\eh phrâo, pơlih măi mok mă yua gêh gal, ba glăi ano\ klă, djru pơtrut đ^ boh tu\ yua amăng bruă pơkra gơnam hăng s^ mdrô gơnam tam.

NuLec le\ sa djuai măi pơdjai apui lơtrik dưm [ơi anih kret [u hơmâo angin, [u hơmâo gơnam hơget ôh amăng lăm, pơke\ hro\m hăng ano\ kơtit pơdjai apui mơng ataih, hơmâo anom apui lơtrik Daklak dưm troă [ơi lu anih pơdong jua pơđuăi apui pơplih đ^ trun amăng tar [ar tơring ]ar.

Anai le\ măi blơi mơng dêh ]ar arăng, [ơi anih s^ mdrô ră anai aka [u hơmâo ôh măi c\ih pơplih tơdah răm (juăt `u răm gai to\ thanh truyền tui anun măi amra [u thâo ngă hơget dong tah, ngă huac\ truh hơdôm rơtuh klăk prăk.

Ayong Phạm Hữu Huỳnh, công nhân gah Sang măi Điện Cơ, Kông ti apui lơtrik Daklak hăng măi mok amăng măi pơdjai apui Nulec

Kiăng plai [iă c\ơđang [udah pơc\ah gai to\ thanh truyền – anai yơh tơhnal ngă răm măi pơdjai apui, ayong Phạm Hữu Huỳnh, công nhân mă bruă pơ sang măi Điện Cơ, Kông ti Apui lơtrik Daklak thâo pơc\eh lui h^ bơnal bơrơh`ai hăng kơsu [ơi gai to\ thanh truyền tơdơi kơ anun pơkra ming jing sa [e\ đing đal hăng pơsơi dong.

Hăng tơlơi pơc\eh phrâo anai, măi pơdjai apui NuLec hơmâo dưm troă mă yua sui thun laih anun hơđong kjăp [ơi măi pơkra apui lơtrik Daklak mơng 2016 truh ră anai.

Ayong Lưu Công Vĩnh, k^ sư Grup pơkra lăng hlâo hăng pơkra măi mok, Sang măi Điện Cơ, Kông ti apui lơtrik Daklak glăk do\ tut măi pơkă jua apui lơtrik pơđuăi đ^ trun

‘’Măi pơdjai apui amăng mông mă yua amra răm yơh, `u [u dưi pơdjai apui dong tah, lơ\m ta c\i ku\p le\ `u [u thâo ku\p ôh, tui anun [u pơhlôm rơnuk rơnua ôh, jing lơ\m ta ba glăi ta [u tơlơi [u klă anun.

{ơi anih s^ mdrô [u hơmâo ôh măi pơplih h^ yua anun kâo pơmin ngă hiư\m pă pơsir h^ bruă anai, pơkra măi dưi pơplih h^ ano\ răm hơđăp samơ\ ăt pơhlôm dưi gơgrong jua apui pơđuăi laih anun huăi hri\p apui ôh, kiăng măi pơđuăi rơnuk rơnua’’.

Sa tơlơi pơc\eh phrâo pơko\n dong [ơi Kông ti Apui lơtrik Daklak, djru pơplih tơlơi gêh gal kơ công nhân ngă bruă sem lăng hlâo apui lơtrik le\ ‘’pơkra măi tut pơplih nao rai gưl jua apui pơđuăi mơng ataih amăng bruă pơkra lăng hlâo măi pơplih jua pơđuăi đ^ trun’’ mơng k^ sư Lưu Công Vĩnh.

Bruă [ơi grup pơkra lăng hlâo hăng pơkra ming măi mok, Sang măi Điện Cơ, Kông ti Apui lơtrik Daklak dong mơng thun 2011, ayong Vĩnh [uh ta` bruă pơkă lăng hlâo măi pơplih jua pơđuăi đ^ trun ngă hăng tơngan kiăng dua c\ô mơnuih kah mơng dưi ngă laih anun rơngiă lu mông biă.

Djơ\ ano\ măi ba rai lu đơi [u hmao ngă le\ jing pioh dun glăi. Ră anai, hăng măi tut pơplih gưl jua pơđuăi mơng ataih, juăt tui hlâo adih le\ kiăng 2 c\ô pơkra rơngiă mơng 10 truh 15 mơnit dưi hre\ pơkă 1 boh măi gleh hơhon pran tui hăng hlâo adih, ră anai kơnong kiăng kơtit mă mơng ataih đôc\, laih anun rơngiă mă sa mơnit đôc\.

Dong mơng hơmâo pơsit hăng mă yua amăng thun 2017, Sang măi hơmâo pơkra lăng hlâo [ơi 500 boh măi pơplih jua pơđuăi đ^ trun amăng abih bang 1.230 boh măi, pơhlôm ngă bruă hmar, tu\ yua, djơ\ lăp hăng rơnuk rơnua, hro\ trun mrô mơnuih kiăng ngă bruă anai pơhmu hăng mơng hlâo adih.

‘’Lơ\m kâo rai pơ anai, kâo [uh 2 c\ô ngă bruă, sa c\ô pơplih sa c\ô pơkă, bruă pơplih ngă gleh pran [ing mă bruă biă, lơ\m anun hơdôm boh măi jua pơđuăi đ^ trun phrâo ba glăi lu biă mă, djơ\ ano\ `u truh ha rơtuh boh măi, yua anun kiăng ngă ta`, mă yua boh thâo măi mok hơget thơ kiăng ta` [iă.

Lơ\m anun, bruă pơkă sa bơnah hăng pơkă mrô pơplih jua le\ kaih hloh. Pô anun kho\m pơplih abih gưl jua pơđuăi apui c\i pơkă, jing kho\m kiăng mă măi mok pơko\n yơh djru ngă.

Lơ\m mă yua măi mok le\ ta pơmin mă yua hơdôm bơnut tu\t c\i pơsir h^ bruă anai. Tơdơi kơ mă yua, mă bruă ta` hloh plai [iă lu mơnuih djru ngă’’.

Tui hăng ơi Tạ Minh, Kơ-iăng khoa Kông ti apui lơtrik Daklak, tơlơi ‘’pơc\eh phrâo pơkra măi mok ngă bruă amu` [iă’’ hơmâo pok pơhai lu anih, laih anun jing bruă hơmâo lu anom bơwih [ong huă gum ngă, hăng rơbêh 250 tơlơi pơc\eh phrâo măi mok hơmâo arăng pơsit dong mơng thun 2010 truh ră anai.

Lu tơlơi pơc\eh phrâo măi mok hơmâo mă yua amăng bruă pơkra gơnam tam, djru pơkrem prăk kăk, hrơi mông.

Anai le\ boh tu\ yua mơng bruă gir run man pơdong anih anom mă bruă thâo pơc\eh phrâo mơng ri\m c\ô mơnuih mă bruă mơng kông ti:

‘’Amăng bruă pơplông khăp kơ lo\n ia kông ti apui lơtrik Daklak [ing gơmơi djă pioh hăng đ^ kyar bruă pơc\eh phrâo măi mok.

Yôm biă mă le\ tơlơi pơc\eh phrâo mơng [ing k^ sư, công nhân ngă bruă pơkra gơnam. Sa, dua tơlơi pơc\eh phrâo bruă pơkra pơjing gơnam tam, măi mok ăt kah hăng pơtrut đ^ tơlơi klă mă bruă hơdec\ hloh mơng [ing công nhân laih anun sa dua tơlơi pơc\eh phrâo gleng nao pơplih phrâo anih anom mă bruă pơhlôm tơlơi suaih pral kơ mơnuih mă bruă.

Tơlơi pơc\eh phrâo pok pơhai ngă tui amăng lu thun anai laih. Hrơi mông pơ anăp anai kông ti [ing gơmơi amra pơtrut đ^ kơtang hloh tơlơi pơc\eh phrâo pơplih phrâo măi mok hloh dong’’.

Bruă ‘’pơc\eh phrâo măi mok’’ hơmâo pok pơhai [ơi Kông ti apui lơtrik Daklak ba glăi lu boh tu\ yua.

Bruă anai pơtrut đ^ pran jua mơng [ing apăn bruă, công nhân pran khăp kơ bruă mă, pơkra rai lu măi mok bơwih brơi bruă mă, djru pơtrut đ^ boh tu\ yua amăng bruă mă, tơlơi klă amăng bruă mă [ơi anom bruă.

Siu H’Mai: Pô ]ih hăng pôr