VOV4.Jarai-Lơ\m rơnoh apui lơtrik ră anai đ^ lu, bruă mă yua apui lơtrik pơkra hăng pil hrip pơ-iă yang hrơi, dưm [ơi bơbung sang amra djru kơ lu sang ano\ huăi bơngơ\t kơ ano\ kơ[ah apui lơtrik yua, nua đ^ trun.

Yom hloh le\, anai jing apui lơtrik rơgoh biă mă djru pơgang ayuh hyiăng lo\n glai adai rơhuông.

Jing sa boh kông ty pơkra kơdung djă, prăk hua] r^m blan prong biă mă, anun yơh khua mua kông ty mơnuih [on sang ngă pô pơkra kơdung kơsu Hồng Đào pơ anom tuh tia pơkra pơjing sa [ut Hòa Khánh, [on prong Đã Nẵng, hơduah e\p djop jơlan hơdră pơtrun [iă rơnoh prăk hua] lơ\m pơkra ming.

Anom bruă s^ mơdrô anao, dăp glăi bruă mă, mrô mơnuih mă bruă, dăp glăi anih mă bruă yua hua]  lu đơi apui lơtrik.

Pil hrip pơ-iă yang hrơi dưm [ơi bơbung sang mơtam

Samơ\ anun le\ hơdră ngă jăng jai đô] mơn. Anun yơh pơmin nao kơ bruă pơkra ming, dưm truă pil hrip pơ-iă yang hrơi, kiăng pơjing rai apui lơtrik, gơ`u dưm truă pil [ơi bơbung sang bruă mơtam.

Blung hlâo, anom bruă anai tuh pơ alin 300 klăk prăk pơkra apui lơtrik hăng pil pơ-iă yang hrơi.

Ơi Phạm Ngọc Bình, Khua phun kông ty pơkra kơdung kơsu Hồng Đào brơi thâo:

‘’Tui hăng ako\ bruă rơnu] blan 6, ako\ blan 7 thun 2019 anai, abih bang apui lơtrik mă yua amăng sang bruă phun gơmơi, amra pơke\ hăng apui lơtrik pơkra hăng pil hrip pơ-iă yang hrơi soh.

Tơdơi kơ anun, tơdah pil pơ-iă yang hrơi mă yua hơđong mơn, dưm [ơi bơbung sang măi [ơi Đà Nẵng amra pơke\ yua sit nik.

Adai pơ-iă kơtang kah hăng ră anai, apui lơtrik pơ-iă yang hrơi jing jơlan hơdră djru kơ anom bruă s^ mơdrô dưi pơkrem apui lơtrik, prăk tla apui lơtrik hăng prăk apah mơnuih mă bruă’’.

Pơ kual Tong krah-kual Dap kơdư pơ-iă yang hrơi pơ]rang lu, tơlơi gêh gal pơkra pil pơ-iă yang hrơi dưm [ơi bơbung sang le\ gêh gal biă mă.

Bruă mă apui lơtrik anai tu\ yua lu, kah hăng pơkrem apui lơtrik, pơkrem prăk kơ sang ano\, kơ anom bruă apui lơtrik.

Tui hăng rơnoh ju\ yap mơ\ng sa boh sang ano\ dưm pil pơ-iă yang hrơi [ơi bơbung sang, prong rơhaih 14 met karê, jua kơtang 2 Kw Pick, dưm dưm hăng 270 Kw mông apui lơtrik, rơnoh prăk tuh pơ alin 1 kw le\ 20 klăk prăk.

Tui anun yơh, rơnoh prăk tuh pơ alin năng ai 40 klăk prăk đô]. Khă hnun, pơkă dưm dưm pil pơ-iă yang hrơi sang ano\ pơke\ yua 30 %, do\ glăi 70% s^ glăi kơ anom bruă apui lơtrik kơnuk kơna blơi.

Hrom hăng anun, ring bruă pơkra pil pơ-iă yang hrơi dưm [ơi bơbung sang, amra hơmâo hơdră pơgang ano\ pơ-iă kơ sang ano\, anom pơkra ming…

Ơi Mai Văn Chung, Khua anom bruă pơđ^ kyar s^ mơdrô, gah anom bruă group pil pơ-iă yang hrơi Bách Khoa brơi thâo, hơnong pơ-iă [ơi kual tong krah [iă hloh pơkă hăng kual dơnung.

Khă hnun, rơnoh prăk tuh pơ alin pơ-iă yang hrơi amu` hloh hăng dưi pơkrem pơkă hăng rơnoh prăk apui lơtrik dêh ]ar ră anai:

‘’Rơnoh apui lơtrik le\, ăt khom e\p lăng rơnoh blơi mơ\ng anom bruă apui lơtrik.

Hăng sang ano\ mơnuih [on sang yua apui lơtrik lơtrik nua yom, dơ\ng mơ\ng 2.800-2.900 prăk le\ klă [iă tuh pơ alin pơkra apui lơtrik pil pơ-iă yang hrơi pơkrem hloh, bơ bruă s^ glăi kơ kơnuk kơna le\ kơnong ha bơnah đô].

Bơ anom bruă pơkra ming le\ tuh pơ alin ta` s^ apui lơtrik tu\ yua hloh, yua rơgêh [iă’’.

Mă yua apui lơtrik pơkra mă pô, dưm pil pơ-iă yang hrơi [ơi bơbung sang jing sa hơdră lu dêh ]ar do\ ruah mă ră anai.

Anai le\, gơnam yua klă, pơgang ano\ hơdjă kơ ayuh hyiăng, huăi ngă hua] dram gơnam amăng lo\n tơnah glai klô.

Khă hnun, truh ră anai, mrô tuai rơnguai mă yua pil pơ-iă yang hrơi dưm [ơi bơbung sang amăng kual Tong krah-Dap kơdư lăi hrom, [on prong Đà Nẵng lăi pha aka lu ôh.

Yap truh ră anai, hơmâo năng ai 400 pô dưm truă pil pơ-iă yang hrơi pơke\ hăng apui lơtrik phun kông ty apui lơtrik kual Tong krah.

Yă Nguyễn Thị Thúy Mai, Kơ-iăng Khua gơnong bruă s^ mơdrô tuh pơkra [on prong Đà Nẵng brơi thâo:

Apui lơtrik pơ-iă yang hrơi dưm [ơi bơbung sang jing sa jơlan hơdră gleng nao hlâo hloh [ơi [on prong Đà Nẵng pơ anăp anai:

‘’Apui lơtrik pơ-iă yang hrơi dưm [ơi bơbung sang, anai le\ hơdră ngă pơđ^ kyar gơnam yua gleng nao hlâo hloh mơ\ng [on prong yua dah lo\n tơnah amăng [on prong [iă laih.

Anai le\, hơdră pơđ^ kyar apui lơtrik yua  rơgoh kơ [on prong. Laih dơ\ng thun blan rơgao [on prong jao kơ Gơnong bruă s^ mơdrô tuh pơkra e\p lăng, pơkra hơdră pơđ^ kyar apui lơtrik pil pơ-iă yang hrơi dưm [ơi bơbung sang, ră anai gơmơi glăk pok pơhai.

Rup: -Apui lơtrik pil pơ-iă yang hrơi dưm [ơi bơbung sang pơgang pơ-iă kơ sang ano\

            -Apui lơtrik rơgoh hiam klă kơ ayuh hyiăng

Nay Jek: Pô ]ih hăng pôr