VOV4.Jarai - Blan 12/2013, Ping gah Khul ling tơhan dêh ]ar ta ba tơbiă tơlơi ]râo ba pơ phun Bruă pơsur “Ngă tui phiăn juăt, tuh rơyuh bôh thâo, djơ\ hăng anăn Ling tơhan Wa Hồ”.

Anai le\ tal pioh [ing apăn bruă tơhan, [ing ling tơhan ngă tui hloh dong phiăn juăt ngă hơkru\ mơng djuai ania, mơng Khul ling tơhan, gru than klă hiam mơng “Ling tơhan Wa Hồ”, run pran hrưn đ^ ngă giong klă bruă mă hmâo jao.

{ơi kual }ư\ Siăng, hrom hăng hơdôm anom bruă ling tơhan pơkon, Binh đoàn 15 hmâo ngă tui klă laih bruă pơsur anai hăng hmâo lu bôh tơhnal lăp djă pioh.

Amăng năng ai `u 5 thun rơgao, noa kơtăk kơ su trun [ia\, djơ\ ano# `u [ia\ biă, bơdjơ\ nao [u anet ôh tơlơi hơd^p mơda, prak pơhrui glăi mơng hơdôm bôh anom bruă pla kơ su gah Binh đoàn 15.

Khă hnun hai, tui hăng amai Rah Lan H’Blơn, gơnang kơ Binh đoàn 15, gơnang kơ phun kơ su mơ\ neh wa tơtlaih mơng rin rơpa, tơlơi hơd^p mơda pơplih [ia\.

Hmâo bôh tơhnal anai, anun le\ yua kơ mơnuih mă bruă kơ sang bruă hăng sang bruă leng kơ thâo jơlan gah: jai tơnap tap, jai gir run yak rơgao tơlơi tơnap. Amai H’Blơn brơi thâo:

“Amăng hơdôm hrơi anai, jai tơnap tap le\ [ing gơmơi jai khom gir run, jai hrưn đ^, ngă hiưm hơpă pioh dưi, kiăng yak rơgao lom bưp tơnap tap anai, gum pran hrom, sa jua hăng anom bruă, sang bruă kiăng đ^ kyar kơja\p hloh”.

Hăng amai Rah Lan H’ Kem, djuai ania Jarai, Khoa gru\p mut phung plơi Nu\, Sang bruă 72, tơring glông Đức Cơ, tơring ]ar Gialai, [u djơ\ kơnong kơ gir run hrom hăng anom bruă, sang bruă yak rơgao tơnap đo#] ôh mơ\, `u do# pơtô brơi neh wa amăng plơi bơwih [ong huă sang ano# dong.

Pơdo\ng phun akha bruă bơwih [ong kơja\p mơng hrim sang ano# amra djru gru\p mơnuih mă bruă hmâo tơlơi gal ke\ ph^ hăng anom bruă, sang bruă.

Anun le\ hơdôm bruă mă sit nik mơng `u lom ngă tui bruă pơsur “Ngă tui phiăn juăt, tuh rơyuh bôh thâo, djơ\ hăng anăn Ling tơhan Wa Hồ”:

“Hơdôm bruă mă mơ\ anom bruă pok pơhai, sang bruă jao le\ pô ngă giong na nao. Hăng bruă khoa gru\p mut phung amăng plơi le\, kâo pơsur neh wa hyu kuăh mă kơtăk, nao mă bruă, ngă tui tơlơi pơkă mă bruă, tơlơi pơkă phiăn mơng anom bruă, sang bruă.

Laih anun kâo pơsur neh wa, rơngiao kơ nao kuăh kơtăk kơ su giong glăi pơ\ sang do# bơwih [ong huă sang ano# dong, pla phun bôh `ông, pla phun kơ phê, pơ\ sang le\ pla a`ăm pơtăm, rông rơmô, un, mơnu\ kiăng tơlơi hơd^p mơda hơđong.”

Bruă pơsur “Ngă tui phiăn juăt, tuh rơyuh bôh thâo, djơ\ hăng anăn Ling tơhan Wa Hồ” dưi hmâo Binh đoàn 15 pơ phun ngă tui mơng thun 2014, amăng mông noa kơtăk kơ su trun [ia\ hăng sui dong; tơlơi hơd^p mơda mơnuih mă bruă, abih anom ngă tui bruă mă [ơi kual guai lon ia do# hmâo lu tơlơi tơnap.

Rơgao kơ 3 thun ngă tui, bruă pơsur hmâo brơi [uh bôh tơhnal rơđah đông lom Binh đoàn hmâo hro\ trun prak mă yua pla pơkra kơtăk kơ su truh kơ 40%, dong mơng 50 klak prak lom sa tơn trun do# 30 klak prak lom sa tơn; mrô kơtăk kơ su pơhrui glăi ăt đ^ lu mơn.

Hrom hăng anun, bruă hơđong tơlơi hơd^p mơda mơnuih mơnam dưi đing nao pha ra.

Amăng 3 thun, hơdôm [irô, anom bruă gah Binh đoàn 15 hmâo djru pơdo\ng laih năng ai `u 100 bôh sang kơ hơdôm bôh sang ano# [un rin, sang ano# gah hơdră bruă abih bang giăm truh 7 klai prak; pơkra phrâo, pơkra glăi hăng wai rơnak ha rơtuh rơwang km jơlan nao rai. Sang ia jrao ling tơhan 15 hăng hơdôm bôh anom ia jrao mơng Binh đoàn pơ phun pel e\p, pơjrao tơlơi ruă, pha brơi đo#] ia jrao kơ hơdôm rơbăn wot ]ô neh wa [ơi guai lon ia.

Mơng anun, djru pơdo\ng pran jua mut hrom ling tơhan, pơdo\ng bruă mă amăng m[s, pơtrut đ^ kyar bơwih [ong, mơnuih mơnam, djă pioh kơja\p bruă kơđi ]ar amăng kual guai lon ia pơngo# kual }ư\ Siăng.

Hăng sa amăng hơdôm anom bruă ngă tui klă bruă pơsur “Ngă tui phiăn juăt, tuh rơyuh bôh thâo, djơ\ hăng anăn Ling tơhan Wa Hồ”, Thượng tá Nguyễn Mạnh Cường, Khoa git gai Ping gah, Kơ-iăng Khoa Sang bruă 74, Binh đoàn 15, brơi thâo:

“Do\ng [ơi anăp djo\p tơlơi tơnap Ping gah, gru\p apăn bruă sang bruă hmâo ba tơbiă lu laih hơdră pơtrun, jơlan gah git gai sang bruă do\ng kơja\p hăng đ^ kyar.

Kah hăng ngă klă bruă pơtô pơhra\m hyu lăi pơthâo, pơsur mơnuih apăn bruă, mơnuih mă bruă hăng djop hơdră hăng bruă mă rơđah đông kah hăng ngă klă bruă pơtô ba m[s, ngă adơi ayong, biă `u le\ hơdră pơke\ pơlir hrom gah sang ano#.

{ơi anăp tơlơi pơplih mơng noa s^ mdrô, sang bruă ngă tui lu bruă mă kiăng plai [ia\ prak mă yua kơ bruă pla pơkra, pơđ^ tui rơnoh gơnam pơhrui glăi, hro\ trun noa gơnam tam ngă rai”.

Siu H’ Prăk: Pô ]ih hăng pôr