VOV4.Jarai-{ơi guai lo\n ia C|ư\ Siăng, tơlơi hơdip mơng ană plơi pla [ơi anai ăt do\ hơmâo lu tơlơi tơnap tap.

{ơi sa, dua anih, djơ\ ano\ `u yua bưp tơlơi truh ayuh hyiăng [u lăp, ngă hmua pla pơjing [u hơmâo [ong hơmâo huă dong tah, neh met wa jing rơmon rơpa tơ-oa asơi.

Rơngiao kơ anun dong, amăng mông pơplih bơyan, ăt hơmâo klin duăm ruă mơn, samơ\ neh met wa [ơi anai le\ kơ[ah ia jrao gun.

Gum hro\m djru sang ano\ rin [un, sang ano\ tơnap tap, hơdôm anom bruă tơhan [ơi guai lo\n ia ngă lu bruă djru mơnuih mơnam, djru ană plơi găn rơgao tơnap tap.

Plơi Tang le\ sa amăng hơdôm boh plơi phara biă [ơi să guai lo\n ia Ia Chía, tơirng glông Ia Grai laih anun arăng juăt iâu le\ ‘’plơi djơ\ kho\ng, djơ\ đut’’ yua abih bang sang ano\ [ơi anai lêng djơ\ kho\ng, djơ\ đut soh.

Plơi anai hơmâo 36 boh sang ano\ le\ 100% lêng kơ rin rơpa. Tha plơi Kpuih Hin brơi thâo, tơlơi hơdip neh met wa tơnap hơđăp laih, thun anai jai tơnap hloh yua hơjan ia dăo, ayuh hyiăng [u lăp, sang ano\ hlơi hlơi lêng kơ[ah asơi huă a`ăm [ong soh.

Yua anun, lơm hơmâo ling tơhan Kông ti 74, Binh đoàn 15 ba rai braih, gơnam [ong huă, neh met wa amăng plơi hok mơ-ak biă mă.

Tơlơi gum djru yôm phiăn hăng hmao tlôn anai jing djru neh met wa hơyak pơgao h^ tơlơi ơnap tap:

‘’Amăng plơi lêng kơ rin [un, tơlơi hơdip tơnap biă mă. Braih mơng ling tơhan kông ti 74, Binh đoàn 15 djru ba ană plơi, ană plơi gơmơi bơni biă mă’’.

Ăt kah hăng Plơi Tang mơn, thun anai, hơjan kơthel hơmâo na nao, ngă kơ mơnuih [on sang [ơi lu plơi pla djuai ania [iă gah hơdôm boh să kual guai lo\n ia tơring ]ar Gialai, Kontum ngă hmua [u hơmâo [ong dong tah, laih anun jing rơmon rơpa yơh.

Thâo kjăp tơlơi anai, hơdôm boh Kông ti, anom bruă gah binh đoàn 15 lêng pơphun hyu djru ba, brơi braih ăt kah hăng gơnam [ong huă kơ hơdôm boh sang rơmon, sang ano\ tơnap tap.

{ơi plơi Chan, să Ia Phôn, tha plơi Siu Ơnh brơi thâo, lơm mông tơnap, hơmâo mă braih mơng [ing tơhan, neh met wa [ơi anai hok kơdok biă.

Hơdôm asar braih hơdor tơngia tui hăng anai ngă pơđao amăng pran jua hơdôm boh sang ano\ rin [ơi guai lo\n ia:

‘’Hrơi anai, kâo hăng hơdôm boh sang rin amăng plơi hok mơ-ak amăng pran jua lơm hơmâo kông ti 72 djru braih. Mrô braih anai amra djru neh met plai [iă tơnap tap’’.

Thượng tá Nguyễn Xuân Hùng, Khoa Kông ti 74, Binh đoàn 15 brơi thâo, thun anai anom bruă ăt bơbec\ djơ\ mơn, răm rai mơ\n yua hơjan kơthel ngă.

Khă hnun, hăng pran jua thâo hơdor nao rai kơplah wah tơhan hăng mơnuih [on sang, hăng pran jua thâo pơmin mơng ling tơhan rơnuk wa Hồ, anom bruă ăt gir djru ba ană plơi mơn.

Pô khoa kông ti hăng hơdôm grup pơkra gơnam tam nao tơl plơi pla [ơi 3 boh să guai lo\n ia kah hăng să Ia Chía (tơring glông Ia Grai) hăng dua boh să Ia Dơk hăng Ia Kla (Đức Cơ) c\i pơ alum pran jua hăng djru ba braih, gơnam [ong huă kơ rơbêh 1.000 ako\ sang:

Thun anai ayuh hyiăng [u klă, hơjan kơthel ngă răm rai lu anih anom mơng kong ti, bruă pơkra kơsu [u hơmâo lơi, nua gơnam trun mơn, samơ\ bruă [ơk braih kơ ană plơi le\ pơdah pran jua hla hnil anung ba hla tơ\i, [ing gơmơi ăt ngă na nao mơn, anai le\ tơlơi khăp pap nao rai kơplah wah tơhan hăng mơnuih [on sang, [ing gơmơi ăt amra ngă na nao laih anun jai hrơi djru hloh dong’’.

Bơ Thượng tá Phan Văn Phú, Khoa apăn bruă Ping gah Kông ti 72, Binh đoàn 15 brơi thâo, pơsit rơđah bruă djru ba neh met wa le\ bruă ngă yôm gah jơlan hơdră pơtô ba mơnuih [on sang.

Laih dong, djru ană plơi amăng mông tơnap tap, hơmâo tơlơi truh sat jing bruă kơđi ]ar mơng sa boh anom bruă bơwih [ong huă hăng pơgang guai lo\n ia.

Laih anun amăng bơyan tơguăn pơdai kơtơr tơsă, kông ti mă prăk mơng keh prăk djru mơnuih mơnam ăt kah hăng hyu iâu pơthưr arăng pơc\ruh, blơi 22 tơn braih [ơk brơi kơ giăm 1.600 ako\ sang tơnap tap [ơi 3 boh să guai lo\n ia Ia Nan, Ia Dơk hăng Ia Phôn, tơring glông Đức Cơ:

‘’{ing gơmơi pơsit bruă pơtô ba mơnuih [on sang le\ sa amăng hơdôm bruă kơđi ]ar yôm mơng anom bruă.

Hăng pran jua gơgrong bruă, hăng tơlơi thâo pơmin mơng [ing mă bruă, công nhân le\, amăng hrơi mông rơgao, [ing gơmơi pơ[ut bruă hro\m hăng gong gai kơnuk kơna, ling tơhan [ơi anai djru pran jua, gơnam tam, prăk kăk djru ba neh met wa [ơi anai hơyak pơgao tơlơi tơnap tap laih anun hơđong tơlơi hơdip’’.

Hro\m hăng bruă djru braih amăng bơyan glăk tơju\ pla, hơdôm thun giăm anai, hơdôm boh kông ti, anom bruă gah Binh đoàn 15 ăt pơtrut kơtang bruă ngă hmua, c\ông jah jơnah glai, pok prong lo\n ngă hmua, c\oh sur lo\n pioh pla glăi phun kơsu kiăng neh met wa djuai ania [iă [ơi guai lo\n ia ngă pơdai ia hăng pơdai tơju\.

Kơnong thun anai, Binh đoàn mă 1.600 ektar lo\n pla glăi kơsu kơ neh met wa ngă pơdai.

Trung tá Đặng Quang Dũng, Khoa apăn bruă kơđi ]ar Binh đoàn 15 brơi thâo, hro\m hăng bruă brơi neh met wa yua lo\n, hăng hơdôm boh sang ano\ tơnap, Binh đoàn ăt djru ba kmơk pruai, pơtô brơi neh met wa hơdră ngă hmua tu\ yua.

Bruă ngă anai hơmâo ngă dưm knar [ơi djo\p anih mơ\ anom bruă glăk ngă bruă bơwih [ong huă, wai pơgang guai lo\n ia [ơi dua boh tơring ]ar Gialai hăng Kontum:

Hơdôm kual pla glăi kơsu djơ\ biă mă c\i ngă pơdai laih anun mơboh biă. Laih anun [ơi kual guai lo\n ia, neh met wa rim thun kiăng hơmâo pơdai braih lu biă, tơdah [u ngă pơdai le\ amra kơ[ah braih [ong, rơmon rơpa mơtăm yơh.

Yua anun, bruă brơi neh met wa yua lo\n jing jơlan hơdră mơng Binh đoàn ngă tu\ yua biă’’.

Hơdôm bruă mă yôm mơng Binh đoàn 15 ăt hơmâo gưl, gong gai kơnuk kơna guai lo\n ia [ơi dua boh tơring ]ar Gialai hăng Kontum lăng yôm biă.

Hơdôm bruă ngă anai gum hro\m tơring ]ar wai lăng ba hơdong kjăp tơlơi hơdip mơng ană plơi. Dong mơng anun, ako\ pơdong kual plơi pla kjăp bruă wai pơgang guai lo\n ia.

Siu H’Mai-Siu Đoan: Pô ]ih hăng pôr