VOV4.Jarai - Hơdôm thun hlâo adih, bruă wai lăng pơgang dlai klô [ơi tơring glông Đak Glei, tơring ]ar Kontum abih bang dưi jao kơ hơdôm khul gơgrong bruă kah hăng tơhan wai lăng dlai klô, hơdôm gru\p gơnong bruă [ơi tơring glông.

Khă hnun hai, mơng thun 2015 truh ră anai, ngă tui ako# bruă mơng Kơnuk kơna kơ jao hơdôm gru\p, plơi pla, sang ano# wai lăng hăng pok pơhai hơdră bruă apah wai lăng pơgang dlai klô, djru laih mơnuih [ôn sang pơplih prăk pơhrui glăi pơđ^ tui tơlơi hơd^p mơda, hruă kơja\p bruă gơgrong mơng pô lom [ơi anăp gum hrom wai lăng, pơgang dlai klô. Mơng anun lu kual dlai [ơi tơring glông dưi djă pioh kơja\p.

Jing juăt laih, khă adai pơ-iă [udah hơjan, sit amăng krah rơwang hrơi tơjuh hăng rơnu] rơwang hrơi tơjuh, Gru\p pơgang dlai plơi Đak Xây, să Đak Long, tơring glông Đak Glei, tơring ]ar Kontum glăi gum hrom hăng Gru\p wai lăng dlai klô tơring glông Đak Glei pơ phun mut amăng kual pô wai lăng pơgang kiăng hyu tir. Bruă hyu tir, pel e\p dưi pơ phun na nao anun hmâo thâo hăng pơgăn hơdôm bruă ngă soh hăng dlai klô.

Tui hăng ơi A Lảnh – Khoa Gru\p wai lăng hăng pơgang dlai klô plơi Đak Xây, ră anai 117 bôh sang ano# amăng plơi wai lăng giăm truh 210 ektar dlai klô hơđăp. Kiăng bruă wai lăng pơgang dlai klô ba glăi bôh tơhnal, ding kơna amăng gru\p pơplih nao rai wai lăng, hyu tir wai lăng [ơi hơdôm anih juăt hmâo tơlơi phă dlai, sua mă lo\n dlai.

Ơi Lảnh brơi thâo, lom hyu tir, tơdah [uh hmâo tơlơi ara\ng ngă soh, gru\p lăi pơthâo ta` hăng khul wai lăng pơgang dlai pơ phun mă kơdo\ng. Gơnang kơ anun mơ\ mrô mơta tơlơi phă dlai, sua mă lo\n [ơi tơring glông hro\ trun tui rim thun.

“Plơi juăt pơ phun jơnum mơnuih [ôn sang amăng plơi, jơnum giong ba tơbiă kơ]a\o bruă mơng plơi, amăng anun rim bôh plơi 6 gru\p, rim gru\p hmâo sa khoa gru\p pioh pơtô brơi mơnuih [ôn sang amăng gru\p mă bruă hyu tir pơgang dlai klô.

Rim blan [ing gơmơi pơ phun hyu tir pơgang dlai mơng 5-9 wot, rim wot nao le\ mơng 4-5 ]ô mơnuih nao hrom.

Lom hyu tir, tơdah [uh hmâo mơnuih koh phă dlai, sua mă lo\n dlai le\ amra gum hrom hăng Gru\p wai lăng dlai klô mơng să, tơhan wai lăng dlai pơ phun mă pơko\ng”.

Să guai lo\n ia Đak Long, tơring glông Đak Glei, tơring ]ar Kontum ră anai hmâo 27 rơbâo ektar dlai hơđăp Abih bang dưi jao kơ 3 bôh anom bruă, anun le\: Gru\p wai lăng dlai pơgang hlôm hlâo Đak Glei, Sang bruă bơwih [ong m[s sa ding kơna đang kyâu Đak Glei hăng Jơnum min m[s să Đak Long wai lăng.

Amăng anun, să Đak Long hmâo jao glăi dlai kơ 8 bôh plơi hăng hơdôm rơtuh bôh sang ano# ]ơkă wai lăng 652 ektar.

Ơi A Thai – Khoa Jơnum min m[s să Đak Long brơi thâo, lom dlai dưi jao, hơdôm gru\p, mơnuih dưi ]ơkă mă prăk pơgang dlai le\ gơgrong ba pơgang dlai đ^ tui, kual lo\n dlai dưi djă pioh kơja\p.

Tơlơi hyu mă kyâu [u djơ\ phiăn, hyu đom bua lua pơnah hlô dlai ]a ]ot, ro# mă lo\n dlai [u djơ\ phiăn dưi pơgăn laih. Ơi A Thai lăi pơthâo:

“Đưm hlâo adih akă jao kơ mơnuih [udah khul gru\p le\ bruă wai lăng pơgang dlai klô hrom hrom anun [u ba glăi bôh tơhnal.

Truh thun 2017, [ing gơmơi jao dlai kơ 8 bôh plơi hăng rơbêh kơ 100 bôh sang ano# wai lăng le\ truh ră anai bruă wai lăng ba glăi bôh tơhnal biă.

Bruă jao dlai laih anun neh wa dưi hmâo mă prăk apah wai lăng dlai amra pơjing rai prăk pơhrui glăi djru m[s hơđong tơlơi hơd^p mơda, bruă djă pioh dlai dưi pơhlôm. Kâo [uh hơdră bruă tui anun klă biă, ba glăi bôh tơhnal biă”.

Tơring glông guai lo\n ia Đak Glei hmâo dlai prong hloh tơring ]ar Kontum hăng rơbêh kơ 200 rơbâo ektar, dưi pơ pha biă `u [ơi hơdôm bôh să Đak Long, Đak Choong, Đak Nhoong, Đak Pet, Mường Hoong, Ngọc Linh…

Ơi Hoàng Trọng Huy – mơnuih wai lăng dlai gah să Đak Long, tơring glông Đak Glei brơi thâo, hlâo adih, yua kơ lo\n dlai prong lom anun khul tơhan pơgang dlai klô [ia\ anun bruă wai lăng hăng pơgang dlai klô bưp [u [ia\ tơlơi tơnap.

Mơng hrơi ngă tui bruă jao dlai kơ hơdôm khul gru\p, mơnuih, plơi pla le\ bruă gum hrom wai lăng pơgang dlai ngă tui ba glăi bôh tơhnal rơđah rơđông.

Ơi Huy lăi le\ bruă jao dlai wai lăng pơgang kơ plơi pla hăng sang ano#, mơnuih dưi hmâo mă prăk apah hmâo pơjing rai laih bôh tu\ yua prong.

“Hlâo adih lom akă jao dlai kơ plơi pla wai lăng Jơnum min m[s să   ăt le\ pô dlai, bruă wai lăng pơgang dlai bưp lu tơlơi tơnap, yua kơ neh wa mut amăng dlai phă dlai mă lo\n ngă đang hmua. Samơ\ lom dưi ]ơkă mă dlai pơgang hăng hmâo prăk apah wai lăng le\ bruă gơgrong wai lăng dlai dưi pơđ^ tui.

Hlơi hlơi leng kơ hmâo kơmlai. Tơdah sang ano# hơpă ngă soh sang ano# pơkon [uh thơ amra lăi pơthâo glăi hăng [irô apăn bruă pơsir hmao tlôn. Hmâo prăk apah pơgang dlai neh wa ăt plai [ia\ mơn tơnap amăng tơlơi hơd^p mơda”. 

Bôh nik brơi [uh, hơdôm thun je# hăng anai, bruă ngă tui jao dlai kơ khul gru\p, plơi pla, sang ano#; hăng pok pơhai hơdră bruă tla prăk pơgang dlai klô [ơi tơring glông Đak Glei, tơring ]ar Kontum, brơi [uh ba glăi bôh tơhnal rơđah biă.

Hăng hơdră bruă djơ\ phiăn anai, tơlơi pơmin, bruă gơgrong mơng m[s amăng wai lăng pơgang dlai hruă kơja\p hloh, djru wai lăng pơgang dlai kơja\p hloh. Tơlơi hơd^p mơda neh wa ăt jai hrơi dưi pơplih phrâo pơđ^ tui prong mơn./.

Siu H’ Prăk: Pô ]ih pơblang