VOV4.Jarai - Giăm hmâo 5 thun rơgao, “Bruă m[s gum hrom hơdôm Gru\p wai pơgang mă pô jơlan guai lo\n ia, po\ng gong guai lo\n ia hăng djă pioh rơnuk rơnua plơi pla, kual guai lo\n ia” [ơi să guai lo\n ia Quảng Trực, tơring glông Tuy Đức, tơring ]ar Daknông pơđ^ kyar kơtang.

Bruă anai le\ glông tô nao rai khop kơplah wah khul pơgang guai lo\n ia hăng neh wa djop djuai ania [ia\ kual guai lo\n ia, djru djă pioh kơja\p pô rơnuk rơnua guai lo\n ia [ơi guai dêh ]ar.

Jing juăt laih, sit truh lơ 25 rim blan, ơi Điểu Toy [ơi [ôn Bu Prâng 1, să Quảng Trực, tơring glông Tuy Đức glăi dưm dăp bruă mă kơ đang hmua, hrom hăng Gru\p wai lăng mă plơi pô, khul tơhan plơi pơgang mă pô, kông ang să Quảng Trực gum hrom hăng [ing apăn bruă puih kơđông pơgang guai lo\n ia Dak Dang hyu tir jơlan guai lo\n ia.

Ơi Điểu Toy brơi thâo, Grup wai lăng mă pô Bu Prâng 1 dưi pơdo\ng mơng ako# thun 2015, hăng 9 ding kơna.

Hrom hăng bruă hyu tir jơlan guai lo\n ia, agaih rơmet po\ng guai lo\n ia, Gru\p do# gum hrom hăng khul kông ang hyu lăi pơhing klă kơ m[s [ơi kual guai lo\n ia ngă tui hơdră pơtrun jơlan gah mơng Ping gah, hơdră bruă tơlơi phiăn mơng Kơnuk kơna;

Pơblang truh m[s hơdôm Tơlơi pơtrun pơsit phrâo mă yua; Pơsur m[s [u hmư\ tui [ing sat plư găn rơgao guai lo\n ia nao pơ\ dêh ]ar gơyut lua pơnah mă hlô dlai, phă dlai...

“Lom mơ\ hmâo kơ]a\o bruă [ơi puih kơđông le\ [ing gơmơi amra ngă tui bruă hyu tir [ơi guai lo\n ia. Sa le\, [ing gơmơi ngă tui bruă rơmet agaih jơlan guai lo\n ia, pik pơkra po\ng guai lo\n ia, jah agaih jơlan guai.

Dua le\, lăi pơhing pơsur m[s khom ngă tui tơpă tơlơi pơkă kơ pơgang guai lo\n ia; rơkâo neh wa kiăng nao rai khom lăi pơthâo kơ puih kơđông pơgang guai lo\n ia kiăng dưi tu\ ư...

Lăi hrom mơng hrơi ngă tui truh ră anai, tơlơi rơnuk rơnua guai lo\n ia [ơi [ôn Bu Prâng 1 dưi pơhlôm, guai lo\n ia Việt Nam – Kur găn rơgao plơi dưi djă pioh kơja\p.”

Gum hrom khul kông ang dêh ]ar Kur pơphun hyu tir [ơi guai lo\n ia

Quảng Trực le\ să guai lo\n ia ataih hloh mơng tơring glông Tuy Đức gah tơring ]ar Daknông, hmâo giăm truh 34 km jơlan guai lo\n ia giăm hăng tơring ]ar Mondulkiri, dêh ]ar Kur. 85% mrô mơnuih do# [ơi anai le\ neh wa djuai ania Bơnông, Êđê, Tày, Nùng, Dao, Thái.

Ơi Đoàn Hồng Quân – Khua Jơnum min m[s să Quảng Trực brơi thâo, hlâo adih, [ơi anai juăt hmâo tơlơi kle\ do\p biă, ro# mă lo\n dlai, phă dlai, đuăi nao ]a pơ\ dêh ]ar gơyut gơyâu s^ mdrô, đom bua lua pơnah hlô dlai ]a ]ot…

Biă `u, lu mơnuih hmâo ngă soh juăt nao pơ\ guai lo\n ia pơdo\ng anih do# jăng jai, laih anun pơphun ngui hla [ai [ong prăk, blơi s^ hot jrao… ngă tơlơi rơnuk rơnua [u hơđong.

Khă hnun hai dong hrơi pơdo\ng hơdôm Gru\p wai lăng mă pô plơi pla, laih anun gum hrom hăng khul kông ang pok pơhai hơdôm bruă hyu tir, hue\t mă, lăi pơhing pơsur hơdôm gưl m[s lăng yôm pran jua kơđiăng, hrưn đ^ [om [ing ngă soh le\ tơlơi anai plai [ia\ laih. Ơi Đoàn Hồng Quân brơi thâo:

“Hơdôm Gru\p wai lăng pô dưi pơdo\ng kiăng pơgang glông guai lo\n ia, hơdôm po\ng gong guai lo\n ia phun, hăng anet kâo [uh ba glăi bôh tơhnal.

Amăng hơdôm tal jơnum ngui, ngă lơphet, Tết [ing ling tơhan pơgang guai lo\n ia hmâo djru m[s pơdo\ng kơ]a\o bruă hyu tir, wai lăng kiăng pơgăn, pơsir hơdôm kơđi tơlơi.

Gơnang kơ anun mơ\ tơlơi rơnuk rơnua guai lo\n ia hruă kơja\p. Khă [ing gơmơi le\ să guai lo\n ia samơ\ tơlơi rơnuk rơnua dưi pơhlôm, lu thun hăng anai [u hmâo tơlơi kơđi tơnap.”

Guai lo\n ia Việt Nam hăng Kur găn rơgao să Quảng Trực, tơring glông Tuy Đức dưi wai lăng kơja\p na nao

Puih kơđông pơgang guai lo\n ia Dak Dang, gah {irô git gai Khul ling tơhan pơgang guai lo\n ia tơring ]ar Daknông wai lăng hăng pơgang guai lo\n ia ataih 13 km giăm hăng hơdôm bôh să Dak Ram hăng Sen Mô Nô Rum, tơring glông Ô Reng, tơring ]ar Mondulkiri, dêh ]ar Kur.

{ơi anai hmâo sa po\ng guai lo\n ia, lu anih kăng guai hlă po\ng kơplah wah guai dua bôh dêh ]ar Việt Nam hăng Kur.

Trung tá Trần Thanh Tuấn – Khua puih kơđông pơgang guai lo\n ia Dak Dang, gah {irô git gai khul ling tơhan pơgang guai lo\n ia tơring ]ar Daknông brơi thâo: Kiăng ngă tui ba glăi bôh tơhnal Tơlơi ]râo ba mrô 1 mơng Khua dêh ]ar kơ “Bruă abih bang m[s gum hrom pơgang guai lo\n ia hăng rơnuk tơnua plơi pla guai lo\n ia amăng rơnuk phrâo”, anom bruă hmâo gum hrom hăng Ping gah, Gong gai să Quảng Trực pơdo\ng 11 Gru\p wai lăng mă pô [ơi 11 bôh plơi amăng să, hăng hmâo 300 ]ô m[s gum hrom.

Mơng hrơi mă bruă, tơlơi rơnuk rơnua guai lo\n ia dưi pơhlôm, bruă gơgrong amăng m[s jai dưi hơkru\ đ^, pô guai lo\n ia dưi djă pioh kơja\p:

“Gah bruă wai lăng hăng pơgang rơnuk rơnua guai lo\n ia, hrom hăng khul ling tơhan pơgang guai lo\n ia le\ [ing gơmơi pơsit m[s ăt le\ pô yôm phăn, [ing gơmơi pơ phô brơi kơ Ping gah, Gong gai să kiăng hơkru\ pơdo\ng hơdôm khul Ling tơhan plơi pơgang mă pô, Kông ang să hăng biă `u le\ Gru\p wai lăng mă pô plơi pla pioh gum hrom hăng khul tơhan pơgang lo\n ia pok pơhai dong bruă pơgang hơđong kơđi ]ar [ơi plơi pla, pơgang glông guai lo\n ia mơng tơring ]ar Daknông hăng Mondulkiri.”

Gum hrom rơmet agaih guai lo\n ia

Djơ\ mơng pơsit, hơdră Gru\p wai lăng mă pô guai lo\n ia, po\ng guai [ơi să guai lo\n ia Quảng Trực hmâo pơjing laih pran gơgrong pơgang guai lo\n ia mơng abih bang m[s kơja\p phik, djru yôm phăn amăng bruă pơgang pô lo\n ia [ơi guai dêh ]ar, pơdo\ng guai dêh ]ar rơnuk rơnua, giăng mah hăng dêh ]ar je# giăm;

Kơtưn mut hrom djop djuai ania, mut hrom khul tơhan hăng m[s, djă kơja\p tơlơi hơđong rơnuk rơnua bruă kơđi ]ar, hơđong pơhlôm mơnuih mơnam, hro\ trun rin rơpa hăng pơđ^ tui tơlơi hơd^p mơda neh wa djop djuai ania [ia\ [ơi kual guai lo\n ia./.

Siu H’ Prăk: Pô ]ih pơblang