VOV4.Jarai-Tơdơi giăm 8 thun ngă tui hơdră apah prăk wai pơgang glai rưng [ơi tơring glông Tu Mơ Rông – tơring c\ar Kontum, bruă wai lăng, pơgang hăng pơđ^ kyar lo\n glai [ơi tơring glông anai hơmâo pơplih klă tui dơ\ng.

Djop gru\p, mơnuih [on sang hơmâo jao brơi lo\n glai lêng kơđiăng amăng bruă wai pơgang glai, giăm hơdôm pluh rơbâo ektar glai pơgang hơđong, mrô lo\n glai đ^ tui r^m thun.

Mơ\ng prăk apah anai, pô glai, [ing mơnuih arăng jao wai pơgang glai rưng hơmâo prăk pơhrui, hơkru\ pơplih hăng hrưn đ^ tơlơi hơdip mơda.

Tu Mơ Rông le\ sa amăng lu să hơmâo lo\n glai arăng apah prăk wai pơgang lu hloh amăng tơring glông Tu Mơ Rông, tơring c\ar Kontum, hăng rơbêh 1.200 ektar. Abih bang mrô prăk apah wai pơgang glai [ơi lo\n rưng anai le\ giăm 800 klăk prăk/thun.

Ayong A Hét, Djuai ania Sôdang, [ơi plơi Tu Cấp, să Tu Mơ Rông brơi thâo, Hơdră apah prăk wai pơgang glai djru brơi mơnuih arăng jao wai pơgang glai hơmâo tơlơi hơdip hơđong tui dơ\ng.

Hơmâo prăk pơhrui r^m blan mơ\ng glai ngă kơ neh met wa kơđiăng hăng gơgrong amăng bruă wai pơgang glai, lo\n glai rưng jai hrơi hiam tui:

‘’Prăk apah wai pơgang glai mơta sa le\ neh met wa yua blơi gơnam tam, blơi braih [ong r^m hrơi; dua le\ neh met wa pơc\ruh amăng keh prăk plơi kiăng man pơdo\ng plơi pla, pơkra ming sang rung, djru amăng bruă plơi pla.

Lơ\m tu\ mă prăk apah wai pơgang glai pơplih tơlơi pơmin mơ\ng mơnuih [on sang hrưn đ^.

{ing gơmơi pơtrut pơsur neh met wa [u phă glai dơ\ng tah; pơpha gru\p hyu pel e\p kiăng pơgang glai klă hloh’’.

Tui hăng ơi Hoàng Xuân Hiếu, Khoa anom bruă wai pơgang glai mrô 5, Gru\p wai lăng glai Tu Mơ Rông, hlâo anun, lơ\m aka pok pơhai hơdră apah prăk wai pơgang glai, lo\n glai amăng hơdôm să Tu Mơ Rông, Ngọc Lây, Ngọc Sao, Tê Xăng, Đăk Sao, Đăk Tờ Can… [uh na nao [ing mơnuih hyu koh drôm kyâo [u djơ\ tơlơi phiăn, c\ông jơnah jah glai ngă hmua, c\uh glai…

Mơ\ng hrơi pok pơhai hơdră anai, hơdôm bruă apui [ong glai hro\ trun biă mă, pơhmu hăng hơdôm thun hlâo anun, mrô [ing mơnuih koh drôm [u djơ\ tơlơi phiăn, phă glai ngă hmua, apui [ong glai hơmâo hro\ trun 90%.

Ơi Hiếu brơi thâo, hro\m hăng bruă apah prăk kiăng pơtrut pơsur mơnuih wai pơgang glai, Gru\p wai lăng glai tơring glông Tu Mơ Rông hơmâo ako\ pơdo\ng hơdôm gru\p hyu pơtô pơblang hrưn đ^ tơlơi pơmin, thâo hluh amăng bruă wai pơgang glai mơ\ng mơnuih [on sang.

‘’Lo\n glai [ing gơmơi wai lăng hơmâo jao brơi 5 [ut mơnuih [on sang, sa gru\p sang ano\ wai pơgang glai. Lơ\m pơphun bruă mă anai djop gru\p pơpha hrơi mông hyu krăo lăng, hơduah e\p hăng pơlăi nao rai hăng hơdôm gru\p pơko\n amăng anom wai pơgang glai.

Tơdơi kơ jao brơi lo\n glai [ing gơmơi [uh mơnuih [on sang thâo pơmin, plai [iă bruă koh drôm, phă kah hăng c\uh glai ngă hmua’’.

Tu Mơ Rông le\ tơring glông kual ataih tơnap tap biă mă [ơi tơring c\ar Kontum. Tơlơi hơdip kơ mơnuih [on sang, lu biă `u le\ mơnuih djuai ania [iă Sơdang, do\ tơnap tap biă mă.

Tui hăng ơi A Rin Ka, Kơ-iăng khoa Jơnum min mơnuih [on sang tơring glông Tu Mơ Rông, bruă kiăng pok prong lo\n ngă hmua mơ\ng mơnuih [on sang [ơi anai jai hrơi [uh lu tui, samơ\ yua kơ thâo pơlir hơbit bruă apah prăk wai pơgang glai laih dơ\ng hyu pơtô pơblang thâo hluh, pơtô brơi bruă wai pơgang, anun yơh lo\n glai [ơi anai dưi pơgang klă, biă mă `u le\ giăm 10 rơbâo ektar glai jao brơi mơnuih [on sang hăng gru\p ană plơi pla wai lăng:

‘’Hơdră apah prăk wai pơgang glai amăng tơring glông kâo lăng ba glăi boh tu\ yua biă mă, mơnuih [on sang thâo hluh rơđah tui amăng bruă wai pơgang glai. Lơ\m jao brơi lo\n glai, ană plơi pla abih pran jua tu\ mă, [ing gơ`u ako\ pơjing mă pô hơdôm gru\p, [ut laih dơ\ng ruah mă sa c\ô pô ngă gong kiăng pơpha [ut mă bruă, r^m boh sang ano\ amăng bruă hyu lăng su\ pơplih nao rai bruă wai pơgang glai rưng r^m hrơi.

Mơ\ng anun, bruă wai pơgang glai hơmâo abih bang mơnuih ngă klă biă mă’’.

Đơ đam tơring c\ar Kontum ră anai hơmâo 550 rơbâo ektar glai, amăng anun hơmâo rơbêh 370 rơbâo ektar glai sui thun dưi tu\ mă prăk apah wai pơgang, hăng mrô prăk truh pơ 150 klai prăk/thun.

Mơ\ng prăk anai, [u kơnong kơ pô glai, hơdôm gru\p sang ano\ jao wa pơgang glai [ơi tơring glông Tu Mơ Rông mơ\ hơdôm plơi pla pơko\n amăng tơring c\ar Kontum ăt hơmâo pơhrua rơnoh prăk kak apah brơi amăng bruă wai pơgang glai rưng, hro\ trun mơnuih hyu phă glai, plai [iă apui [ong glai, đ^ tui prăk pơhrui kơ mơnuih [on sang.

Siu Đoan : Pô c\ih hăng pôr