VOV4.Jarai - Ngă tui tơlơi pơtrun man pơdong, pơkra ming sang “Gum pơgôp mơng tơhan’’ yua kơ Khul tơhan hơđăp dêh c\ar Việt Nam pơphun, giăm 10 thun laih rơgao, Khul tơhan hơđăp plơi prong Buôn Ma Thuột, tơring c\ar Daklak hơmâo pơsur abih bang ding kơna pơc\ruh prăk, gum man pơdong lu boh sang brơi [ing tơhan [un rin hơmâo sang do\; laih dong, pơkra ming hơdôm rơtuh boh sang răm rai brơi [ing tơhan.

Hơdôm sang do\ pơprong hiam glăk djru brơi [ing tơhan hơđăp hơđong tơlơi hơdip, pơdah pran gum pơgôp hăng pran khăp pap mơng [ing “Ling tơhan rơnuk Wa Hồ’’ amăng rơnuk lo\n ia rơngai.

Hơdôm hrơi giăm Tết Canh Tý, sang ano\ [ing tơhan hơđăp Y Thân Byă [ơi plơi Buôr, să Hòa Xuân, plơi prong Buôn Ma Thuột lêng dik dak tlao hok mơ-ak kơ ană tơc\ô, ayong adơi kơnung djuai pơ[ut rơmet gơnam tam prap đ^ do\ sang phrâo. Tơdơi kơ giăm 20 thun tơbiă mơng ngă tơhan, truh bơyan Tết anai, tơhan hơđăp Y Thân Byă kah mơng dưi ngui mơ-ak amăng sang phrâo.

Tơhan hơđăp Y Thân brơi thâo, sang ano\ gơ`u le\ sang ano\ rin hloh amăng plơi, lo\n ngă hmua anet samơ\ hơmâo 7 c\ô ană hro\m hăng am^ ama thun tha laih.

Tết Canh Tý thun 2020 anai, sang ano\ tơhan hơđăp Y Thân (pô buh ao pơđao) amra c\ơkă thun phrâo amăng sang phrâo man pơdong.

Mơng anai giăm 5 blan, Khul tơhan hơđăp plơi prong Buôn Ma Thuột djru brơi 45 klăk prăk, Jơnum min mơnuih [on sang să Hòa Xuân hro\m hăng [ing mơnuih c\ơmah djru 15 klăk prăk, neh met wa amăng plơi hro\m hăng [ing tơhan hơmâo djru man pơdong sang.

Sang ano\ hơmâo man pơdong giong sang phrâo giăm 70 m2. Tết thun anai, 11 c\ô mơnuih amăng sang ano\ amra c\ơkă Tết amăng sang phrâo, aka [u hơmâo thun hơpă ôh mơ-ak kar hăng thun anai.

Sang ano\ gơmơi tơnap tap biă, am^ kâo tha laih hăng 7 c\ô ană bă. Hơmâo khul tơhan hơđăp djru man pơdong sang phrâo sang ano\ gơmơi hok mơ-ak biă mă, thun anai [ong Tết amăng sang phrâo kâo mơ-ak biă mă.

Hăng mơng anai bơbung sang [u djroh ia hơjan, amruih amrăm, [u hu\i sang glưh dong tah. Bơni biă mă kơ Khul tơhan hơđăp hăng hơdôm anom bruă hơmâo đing nao gum djru sang ano\ gơmơi. Ră anai sang ano\ gơmơi kơnong đing nao bơwih [ong huă, rông ană bă hrăm hră đôc\.

Kar kăi mơn, amăng bơyan Tết thun anai, sang ano\ tơhan hơđăp Y Dương Byă do\ [ơi plơi Drai Hling, să Hòa Xuân, plơi prong Buôn Ma Thuột ăt c\ơkă thun phrâo amăng sang phrâo man pơdong yua kơ [ing tơhan gum pơgôp rơbêh 60 m2.

Tơhan hơđăp Y Dương Byă brơi thâo: Yua kơ lo\n ngă hmua anet, laih dong [u hơmâo bruă mă hơđong anun yơh dua rơkơi bơnai `u juăt hyu mă bruă arăng apah kiăng hơmâo prăk kak yua amăng sang ano\. Ăt hyu ngă djop mơta bruă kiăng hơmâo lu [iă dong prăk pơhrui samơ\ tơlơi hơdip sang ano\ ăt do\ tơnap tap mơn.

Rơbêh 40 boh “Sang gum pơgôp mơng tơhan” hơmâo jao kơ [ing ding kơna khul tơhan hơđăp [ơi plơi prong Buôn Ma Thuột.

Ako\ thun anai, Khul tơhan hơđăp plơi prong Buôn Ma Thuột djru brơi 40 klăk prăk mơng keh prăk man pơdong sang “Gum pơgôp mơng tơhan’’; djop khul grup pơko\n ăt djru brơi 15 klăk prăk kiăng man pơdong sang prong 60 m2. Rơbêh 2 blan nao do\ amăng sang phrâo, [ing mơnuih amăng sang ano\ hơđip suaih pral mơn.

Hlâo adih do\ amăng sang kyâo tơnap tap biă, lơ\m hơjan ia djroh asah abih, [ing c\ơđai anet kho\m ba nao do\ pơ sang ơi yă. Ră anai hơmâo sang phrâo [u hu\i dong tah.

Thun anai [ong Tết amăng sang phrâo sang ano\ gơmơi hok mơ-ak biă mă. Laih dong, dua rơkơi bơnai gơmơi hơmâo khul e\p brơi bruă mă amăng sang măi, prăk pơhrui hơđong yơh. Aka [u hơmâo Tết thun hơpă ôh mơ-ak kar hăng Tết thun anai.

Ơi Trần Quang Long – Kơ-iăng Khua jơnum min mơnuih [on sang să Hòa Xuân brơi thâo, amăng să ră anai hơmâo rơbêh 120 c\ô ding kơna le\ tơhan hơđăp, amăng anun hơmâo lu sang ano\ tơnap tap. Hơdôm thun laih rơgao, hro\m hăng hơdră djru mơng Ping gah, Kơnuk kơna, [ing tơhan ăt hơmâo arăng djru djop mơta mơn.

Amăng anun, hơmâo man pơdong 9 boh sang brơi [ing tơhan hăng nua prăk truh pơ hơdôm rơtuh klăk prăk djru brơi hơdôm sang ano\ tơnap tap hơmâo sang do\ hơđong tơlơi hơdip mơda.

Bruă mă anai [u djơ\ kơnong pơdah pran mut hro\m kjăp phik mơng [ing tơhan đôc\ ôh mơ\, ăt djru prong prin brơi să ngă pơgiong hơnong pơkă man pơdong plơi pla phrâo.

Truh ră anai lu tơhan sang tơ\i hơmâo arăng man pơdong brơi sang do\ hơđong tơlơi hơdip, pơđ^ kyar tơlơi bơwih [ong huă. Amăng să hơmâo lu sang ano\ le\ mơnuih djuai ania [iă ăt hơmâo lo\n samơ\ [u hơmâo prăk man pơdong sang hăng glăk do\ hơdip hro\m, lơ\m hơmâo arăng man pơdong brơi sang phrâo tơlơi hơdip gêh gal hăng dưi do\ hơdip phara.

Laih dong, khul djru rơmô, bê, anah phun pla ăt hơmâo djru brơi lu sang ano\ pơklaih mơng [un rin. Yua anun ngă tui na nao hơnong pơkă man pơdong plơi pla phrâo kjăp phik.

Khul tơhan hơđăp plơi prong Buôn Ma Thuột ră anai hơmâo giăm 8.000 c\ô ding kơna. Giăm 10 thun laih rơgao, pơphun hơdră bruă man pơdong, pơkra ming sang do\ brơi [ing ding kơna sang ano\ tơnap tap kơ sang do\, khul hơmâo pơsur [ing ding kơna;

Laih dong [ing mơnuih c\ơmah pơc\ruih rơbêh 1 klai 200 klăk prăk man pơdong 43 boh sang “Gum pơgôp mơng tơhan’’; pơkra ming rơbêh 300 boh sang sô hơđăp brơi [ing ding kơna. Mơng anun, djru brơi hơdôm rơtuh c\ô mơnuih hơđong amăng tơlơi hơdip.

Khul gir run pơlir hơbit hăng djop khul grup brơi c\an prăk kiăng djru brơi rơbêh 2.500 c\ô mơnuih dưi c\an prăk pơđ^ kyar tơlơi bơ wih [ong huă, pơklaih mơng [un rin hăng mrô prăk rơbêh 53 klai prăk.

Ơi Nguyễn Công Tình kơ-iăng Khua khul tơhan hơđăp plơi prong Buôn Ma Thuột brơi thâo, amăng thun 2020, khul amra to\ tui pơgôp kiăng man pơdong lu boh sang “Gum pơgôp mơng tơhan’’ kah hăng djru prăk kak kiăng tơhan sang ano\ tơnap tap pơđ^ kyar tơlơi bơ wih [ong huă, hrưn đ^ pơklaih mơng [un rin.

Hro\m hăng bruă man pơdong brơi sang, lu tơhan hơđăp hơmâo djru brơi rơmô ania kiăng pơđ^ kyar tơlơi bơwih [ong huă.

Hơdôm bruă anun le\ djru brơi rơmô, bê, anah phun pla hăng sang do\ hơmâo lar hyu djop anom bruă. {ing ding kơna hơmâo lu pơgôp lu, hơmâo [iă djru [iă, r^m c\ô aset hloh giăm 20 rơbâo prăk/thun.

Mơng anun, lu tơhan hơmâo djru sang do\, prăk kak pơđ^ kyar ngă hmua hơđong tơlơi hơdip. Amăng thun 2020, [ing gơmơi amra to\ tui pơsur pơc\ruih prăk giăm 170 klăk dong kiăng djru man pơdong sang brơi tơhan sang ano\ tơnap tap.

Hro\m hăng tơlơi đing nao mơng Ping gah, Kơnuk kơna, tơlơi pơgôp mơng ding kơna amăng Khul tơhan hơđăp plơi prong Buôn Ma Thuột laih dong [ing mơnuih c\ơmah, yua anun hơdôm pluh [udah hơdôm rơtuh tơhan sang ano\ tơnap tap [ơi plơi prong Buôn Ma Thuột hơmâo sang do\ kiăng hơđong tơlơi hơdip.

Pran gum pơgôp mơng tơhan hơmâo [ing tơhan rơnuk Wa Hồ to\ tui djă pioh amăng plơi prong; gru grua hiam klă djru tơdruă mơng mơnuih [on sang dêh c\ar Việt Nam to\ tui ngă klă hloh.

Siu Đoan: Pơblang hăng pôr