VOV4.Jarai-Jing tơring ]ar hơmâo lu djuai ania do\ hơdip mơda hrom anun yơh [on Ea Mar, să giăm guai dêh ]ar Krông Na, tơring glông {uôn Đôn, Daklak, kơdok kơdor hăng lu mơta tơlơi mơak, pơjing rai yua mơ\ng lu djuai ania do\ hrom ]i anai pô pơphun.

Gong gai kơnuk kơna hăng [ing mơnuih pơdrong hơmâo pran jua ]ơmah gleng nao, djru ba mơnuih [on sang ]ơkă thun phrâo.

Hrơi blung a mơak thun phrâo, [ing ta e\p lăng tơlơi ngui ngor thun phrâo [ơi [on Ea Mar tui anai.

Truh bơyan phang, glai rưng kyâo pơtâo luh hla pơhrua hla mơda phrâo, lu kơdư ]ư\ ro\k mơda ia jơngeh, bơnga bling, bơnga [lang ]uh hêm, mông anun yơh [uôn Ea Mar, să kual giăm guai lo\n ia Krông Na, tơring glông {uôn Đôn, tơring ]ar Daklak ăt truh bơyan phang laih mơn.

Bơyan phang thun anai, hăng neh H’Aly Êban, djuai ania Êđê, [on Ea Mar hok mơak biă mă, yua tơdơi kơ lu thun laih hơmâo anăn sang ano\ tơnap tap, ră anai sang ano\ `u pơklaih mơ\ng tơlơi [un rin laih.

Glăk ngă ta`, man pơdong  pơgiong h^ sang gơ`u hlâo kơ hrơi [ong tết, neh H’Aly Êban ră ruai:

Jing sang ano\ [un rin, samơ\ yua hơmâo gong gai kơnuk kơna djru sa drơi rơmô ania, tơhan pơgang guai dêh ]ar djru pơtô brơi hơdră bơwih [ong huă anun plai [iă tơnap tap.

Têt thun anai jai mơak yua sang ano\ hơmâo sang do\ phrâo laih.

‘’Thun phrâo, blan phrâo, khă [iă lu hai ăt khom hơmâo hrơi [ong têt amăng sang ano\ djă gru kơ hrơi blung a thun phrâo.

Amăng sang hơmâo [a`, boh troh, laih anun nao ngui sang adơi ayong, kơnung djuai pơpu\ thun phrâo tơdruă tơlơi suaih prăl hiam drơi jăn, mă bruă bơwih [ong pơđ^ kyar’’.

Hăng sang ano\ ơi Quyết Văn Khiêm, tơdơi kơ 30 thun đuăi mơ\ng plơi pla hơđăp ]i Phú Thọ, nao do\ pơ  kual lo\n phrâo, pơdong plơi pla ]i [on Ea Mar anai jing h^ plơi tal dua gơ`u.

Ơi Khiêm brơi thâo, ană bă prong laih soh, hơmâo pô mă bruă pơ ataih anun yơh hrơi ngă yang thun phrâo jing mông jơngum amăng sang ano\.

Tơdơi kơ sa thun mă bruă, hrơi rơnu] thun sô, ană bă glăi pơtum djop drơi, laih dơ\ng sang ano\ rơmet set rơgoh, phun bơnga dar kơ`^, bơnga đào mriah pơhrôp hiam hơmâo tom apui djop ia iom akă hăng kơdung dưm prăk pơpu\ thun phrâo, lăng ]rih ]rang hiam biă mă.

Abih bang sang ano\ do\ pơtum hrom hơbit, pô rao hla, pô pe] braih pioh anung [a` tek. Khă đuăi ataih mơ\ng plơi sui thun laih samơ\ hrơi ngă yang thun phrâo ăt sang ano\ gơ`u djă pioh đô] gru grua hơđăp ba nao [ơi kual lo\n phrâo.

‘’Têt le\ ăt kah do\ pơ plơi pla hơđăp mơn, ană bă glăi pơtum djop soh, nao mă bruă pơ ataih ăt glăi hăng am^ ama, glăi [ong têt.

Amăng plơi hơmâo lu tơlơi ngui ngor pioh kơ djop mơnuih rai ngui.

Pơ anai, arăng ngă yang thun phrâo pơtum sa anih ngui ngor mơak biă mă, hrơi anun nao pơ sang rung plơi, hơmâo [ing adơi ayong tơhan pơgang guai dêh ]ar hăng djop anom bruă ngă adơi ayong hăng plơi pơphun brơi kơ ană plơi [ong têt ngui ngor mơak rom apui djuh ]uh apui arôk, adoh suang’’.

{u djơ\ hơjăn sang neh H’Aly Êban ôh [udah sang ano\ ơi Khiêm hai, tơlơi ngui ngor thun phrâo lar hyu djop amăng plơi pla ala [on Ea Mar.

Ơi Phạm Thanh Bình, Khua [on Ea Mar lăi, plơi gơ`u ră anai hơmâo 215 boh sang ano\ hăng 800 ]ô mơnuih, lêng kơ mơnuih ngă hmua soh, pla boh troh hăng ]em rông hlô mơnong kơ sang ano\.

Hơdôm thun rơgao, hơmâo tơlơi gleng nao mơ\ng ping gah, kơnuk kơna hăng gong gai kơnuk kơna [ơi anai, mơnuih [on sang djuai ania [iă gir run bơwih [ong huă, pơđ^ kyar.

Biă mă `u, amăng mông ngă yang thun phrâo, mơnuih [on sang hơmâo tơlơi djru mơ\ng lu mơnuih pơdrong hơmâo pran jua ]ơmah hăng ling tơhan pơgang guai dêh ]ar djru.

‘’Amăng tal ngă yang thun phrâo hơmâo [ing tơhan glăi ngui hrom pơphun tơlơi ngui ngor [ơi kual giăm guai dêh ]ar anai.

Pơphun ngui ngor [ơi sang rung plơi, abih bang pơtum pơ anun soh mơak biă mă.

Hrom hăng anun, hơmâo lu anom bruă mơ\ng kual dơnung giăm ia rơs^ hăng anom bruă s^ mơdrô, djru tơlơi khăp pap, ba gơnam brơi kơ sang ano\ [un rin, ană bă arăng sang ano\ tơnap tap’’.

Mơak thun phrâo jing gru grua djuai ania dêh ]ar ta. Neh Nguyễn Thị Hạnh, Khua git gai ping gah [on Ea Mar brơi thâo, amăng plơi hơmâo 6 djuai ania le\ Mnông, Jarai, Êđê, Lao, Yuan hăng Mường do\ hrom.

Amăng hrơi [ong têt, tơlơi ngui ngor amăng plơi pla, mơnuih [on sang djop djuai ania, gơ`u djă ba gru grua tơlơi thâo thăi đưm, pơphun tơlơi ngui ngor hrom amăng mông mơak anai.

‘’Pơ [on Ea Mar lu djuai ania hăng lu gru grua mơn dưi djă pioh, sit truh bơyan ngă yang thun phrâo, hơmâo tơlơi atông hơgor hmor ]ing mơak.

 Ngă yang pin ia, ngă yang huă pơsat, ngă yang huă asơi hle, djop tơlơi ngui ngor ngă yang mơak djop pô ngă hrom soh.

Gơ`u mơak biă mă, djuai ania pơpă buh eng ao djuai ania anun, nao jơngum hrom mơak amăng plơi.

Bruă mă bơwih [ong huă, hơđong tơlơi hơdip mơda, lu sang ano\ mơnuih [on sang djuai [iă mơ\ng anih pơko\n rai do\, djă ba gru grua djuai ania pô, pơphun glăi pơ anih pơdong plơi pla phrâo.

Krah amăng mông ngui ngor mơak thun phrâo, pơdah thâo gru grua eng ao djop djuai ania mut tơma hrom hơbit tơlơi mơak, lăng hiam biă mă bơyan phang hyơ hyor [ơi kual giăm guai dêh ]ar ]i }ư\ siăng Dap kơdư anai.

Nay Jek: Pô ]ih hăng pôr