VOV4.Jarai – {ơi să giăm guai dêh ]ar Thuận An, tơring glông Dak Mil, tơring ]ar Daknông plơi pla [ơi anai lu kơ mơnuih [on sang djuai ania Mnông soh do\, gơ`u hok mơak biă mă djă pioh gru grua djuai ania pô.

 

Bơyan tết Kỷ Hợi anai, mơnuih [on sang amăng mơak hloh yua hơmâo lu ring bruă ngă hmua, pla pơjing bơwih brơi kơ tơlơi hơdip mơda djop laih;

 

lu sang pơprong phrâo pơdong hiam ro#, tơlơi hơdip mơda mơnuih [on sang hơđong laih ba glăi sa bơyan phang mơak amăng kual plơi pla giăm guai dêh ]ar.

 

Dơ\ng mơ\ng jơlan amur Hồ Chí Minh ]răn găn nao pơ să Thuận An, tơring glông Dak Mil, tơring ]ar Daknông đ^ rơdêh thut găn [ơi plơi Sapa truh pơ plơi Bu Dak kơnong 5 km jơlan kơsu go\ drong laih soh.

 

Anai le\, kual guai dêh ]ar, mơnuih [on sang djuai ania Mnông do\ sui thun laih [ơi anai.

 

 

Plơi Bu Dak să giam guai lo\n ia, Thuận An, Dak Mil, Daknông

 

Hrom hăng hơdôm boh sang pơdong hăng kyâo, sang gru đưm djuai ania Mnông, hơmâo lu sang phrâo pơdong si măng pơprong biă mă, jum dar đang sang hơmâo war pơga, pla phun ro\k pơgang war trơ\i pơhiam tơpă bơbrang.

 

 

Weh nao ]uă sa boh sang phrâo pơdong giong, pô sang hok mơak [uh tuai, nao mă tơngan laih anun lăi pơthâo anăn `u Y Dông.

 

~u brơi, tơdơi kơ hơdôm thun mă bruă ngă hmua, pla pơjing, pơkrem prăk kăk, rông ană bă hrăm hră pơ-ar samơ\ sang ano\ gơ`u pơkom hơmâo hmăi mơn pơdong sang nua 400 klăk prăk, ngă giong hlâo kơ truh bơyan tết Kỷ Hợi rơgao.

 

Amăng đang sang `u 6 ar, sang ano\ hơmâo 1 ektar đang kơphê pla plah wah amăng đang tiu.

 

Kơphê pe\ giong hlâo kơ truh hrơi [ong tết ngă yang thun phrâo, hơmâo 4 tơn kơphê krô.

 

Sang phrâo pơdong mơ\ng sang ano\ Y Dông pô `u

 

Thun anai, [ong tết sang ano\ gơ`u do\ amăng sang phrâo anun blơi djop mơta gơnam yua phrâo mơn, dưi ]ơkă lu tuai nao pơpu\ thun phrâo kơ sang ano\ mơak biă mă:

 

‘’Amăng thun laih rơgao, tơlơi mơak prong biă mă sang ano\ gơmơi man pơdong giong sang phrâo nua rơbêh 400 klăk prăk, pơhrua kơ sang hơđăp pơdong hăng kyâo sô laih.

 

Yua kơ anun, tơlơi hơdip mơda hơđong laih, mơak [ong tết ]ơkă thun phrâo. Hlâo adih, ană plơi pla gơmơi tơnap tap biă mă, ngă hmua raih daih đô], [u tu\ yua ôh, pơhrui glăi [iă prăk kăk.

 

Yua hơmâo khua mua apăn bruă kơnuk kơna pơtô brơi, bơblih pơjeh djuai mơnong pla, hlô mơnong rông, pla kơphê, pla tiu, laih dơ\ng dưi hrăm hơdră pla pơjing, anun yơh hrưn đ^ pơklaih mơ\ng tơlơi ư\ rơpa, hơđong tơlơi hơdip mơda’’.

 

Plơi Bu Dak, să Thuận An, tơring glông Dak Mi, tơring ]ar Daknông ră anai, hơmâo 313 boh sang ano\ hăng rơbêh 1.200 ]ô mơnuih, amăng anun 99%  le\ mơnuih [on sang djuai ania Mnông.

 

Mơnuih [on sang pơ-ư ang biă mă do\ djă pioh gru grua đưm mơ\ng djuai ania pô.

 

 

Mơnuih rơgơi mơ`am mrai đưm yă U Druynh mơ`am bơnal ngă eng ao kơ sang ano\ buh

 

Grup atông ]ing amăng plơi hơmâo mơn, gum hrom na nao hăng tơring glông, hyu pơdah atông ]ing ring hơgor [ơi să, [ơi tơring glông amăng mlam tơkuh thun phrâo.

 

Boh nik `u, bruă mơ`am mrai đưm ăt do\ djă pioh na nao amăng plơi Bu Dak.

 

Mơnuih thâo mơ`am mrai đưm yă U Druynh, thun anai 80 thun laih.

 

Lu đah kơmơi dra ngek djuai ania Mnông 12 thun truh kơ 15 thun thâo pe\ kơpaih, ngaih mrai đưm.

 

Yua kơ anun, hơmâo lu gơnam yua eng ao hơđăp, abăn khăn mơ`am hăng mrai đưm pioh buh hăng mă yua amăng mông jơnum prong, ngă yang plơi, ]ơkă thun phrâo.

 

Kah hăng kơdung băk, bai djă, [ăp hăng bơnal mrai đưm, akhăn tap kơ[ang grê…Hơdôm hrơi rơgao, khă gun lu bruă ]ơkă thun phrâo, mơnuih kơhnăk mơ`am mrai đưm, yă U Druynh pioh lu mông mơ`am mrai `u, kiăng hơmâo gơnam s^ kơ hrơi ngă yang thun phrâo, arăng blơi yua:

 

‘’Bruă rơwơi mơ`am mrai đưm kâo, hơmâo am^ kâo pơtô brơi dơ\ng mơ\ng kâo glăk dra ngek.

 

Kiăng bruă pih kơpaih, ngaih mrai đưm huăi rơngiă h^, kâo pơtô glăi kơ 3 ]ô ană đah kơmơi kâo hăng lu mơnuih amăng plơi hrăm mơ`am mrai.

 

Djơ\ hrơi mông hmao wăn, ană tơ]ô do\ jum dar không mrai, gơ`u hrăm kâo pơtô brơi mơ`am ao, eng, abăn khăn.

 

Hlâo adih, mơnuih [on sang [u hơmâo bơnal ngă eng ao hă, arăng mă ]il, hmôk akha kyâo tơnung ngă mrai rơngiă lu hrơi mông biă mă.

 

Tơdơi anai, hơmâo mrai [ing Prang s^, blơi glăi mơ`am eng ao hiam hloh’’.

 

Ba gơmơi nao ]uă amăng plơi hơdôm hrơi mut thun phang phrâo, ơi Y Bling Jing, Khua git gai ping gah plơi Bu Dak lăi pơthâo lu ring bruă phrâo, ạnun le\ jơlan nao rai hiam laih, pơkă ngă war pơga tơpă bơbrang pă akiăng, jơlan tuh go\ drong kơsu laih, apui lơtrik hơmâo djop mơn.

 

Hrom hăng anun, hơmâo hơdră apui bơnga] kual plơi pla, nua prăk 65 klăk yua mơnuih [on sang pơ]ruh, [inh hlăk ai tơdăm dra pô pơkra ming, dưm truă 75 boh pul apui ăt hmao ngă giong laih hlâo kơ [ong tết, mơnuih [on sang mơak biă mă.

 

Boh nik `u, ring bruă bơnư\ pơkong ia Bu Dak hlâo adih yua kông ty Thuận An wai lăng, ră anai jao glăi kơ să ngă pô, phrâo man pơkra glăi hiam laih. Hơmâo ring bruă anai bruih ia kơphê, tiu, hmua pơdai djop djel, hmua ia ăt rah pơtem hlâo kơ têt laih.

 

Khua git gai ping gah plơi Bu Dak, ơi Y Bling Jing lăi, têt thun anai mơnuih [on sang mơak biă mă yua hơmâo lu mơta gơnam phrâo.

 

Kơnong yap amăng thun rơgao, hơmâo 20 boh sang si măng prong phrâo pơdong, rơbêh 60% mrô sang ano\ đ^ đăi go\ amo\, do\ sa boh sang ano\ đô] [un rin:

 

‘’Mơnuih [on sang amăng plơi mơak biă mă yua hơmâo ping gah, kơnuk kơna djru ba pơkra jơlan glông, dăng hre\ apui lơtrik, pơ]rang bơnga] jơlan plơi.

 

Lu ring bruă bơnư\ pơkong ia man pơkra glăi laih, djru mơnuih [on sang pơđ^ kyar tơlơi bơwih [ong huă.

 

Hơdôm sang ano\ tơnap tap, kơnuk kơna djru kmơ\k pruai, pơjeh phun pla, djuai hlô mơnong rông anun tơlơi hơdip mơda trơi pơđao yâo mơak, plơi pla bơblih phrâo laih’’.

 

Sa bơyang phang mơak glăi truh laih pơ plơi pla, lăng hyu tơbu\k bơnga kơphê ko# puh glăk ]uh blang.

 

Đang hmua dơnao Bu Dak ăt mơtah mơda hla pơdai bluh đ^.

 

{ơi jơlan rô nao rai amăng plơi, dua bơnah hyơ hyơr kơ hla kơ mriah, pơtu\ kơ`^ đơ đhet glăk pưh, mlam bang bơnga] apui lơtrik.

 

{ơi anăp sang pơprong phrâo pơdong arăng dưm [ưh bơnga kơ`^ blang, wơ\t than bơnga dar kơ`^ hiam biă mă.

 

Mơnuih [on sang djuai ania Mnông plơi Bu Dak, să Thuận An, tơring glông Dak Mil, tơring ]ar Daknông bơblih phrâo laih, kah hăng buh eng ao phrâo ]ơkă bơyan phang thun phrâo Kỷ Hợi, hăng lu tơlơi đăo kơnang tu\ yua prong.

 

 

                                                          Nay  Jek: Pô c\ih hăng pôr