VOV4.Jarai - Yua kơ bơdjơ\ nao kơthel tal 12, tơring ]ar Daklak răm rai prong laih kơ mơnuih hăng kông ngăn, amăng anun tơring glông Krông Bông jing sa amăng 2 bôh tơring glông bơdjơ\ nao [ơi anăp hăng răm rai prong hloh.

Ră anai, gong gai tơring glông hăng gơnong bruă gơgrong gah tơlơi anai gir run djru gum m[s  pơsir ano# răm rai yua kơ hơjan kơthel ngă, ta` hơđong tơlơi hơd^p mơda hăng ru\ pơkra glăi bruă bơwih [ong. {ơi să kual asuek Yang Mao tơdơi kơ kơthel, rơbu\ găn nao, tơlơi ruă nuă pioh glăi:

{uh [o# [ơi să Yang Mao, tơring glông Krông Bông lom kơthel tal 12 găn nao, [ing gơmơi lăng [uh tơlơi răm rai brak brai, rơbuh jôh mơ\, tui hăng m[s bơhmu nao [u pha ra ôh hăng tơlơi blah ngă. Ơi Y Phiên Niê [ơi [ôn Tar bral bơngat ruai glăi:

“7 mông le\ angin kơtang hloh, neh wa đuăi hyu rap dap. Yap mơng hlâo truh ră anai le\ prong biă, akă [u hmâo djơ\ ôh mơng hlâo adih.

Hloh kơ blah ngă thun 68 anun. Kông ngăn le\ rơmô djai, mơnuih ăt hmâo pô djai mơn, mơnu\ bip djai tơket tơkeng, sum ao ăt por abih tui angin mơn”.

Bơ\ amai H’ Thu Niê le\ [a\ ană anet 2 blan, hyơ hyưng [ơi giăm sang `u phrâo glưh trun, bơbr^ [le\ ia mơta, iâu đ^:

“Ô adai ah, rơngôt biă! Ơi tha phrâo dưi pơkra giong sang anai. Do# phrâo hmâo 3 thun đo#] ô glưh trun yơh. Mơmot gơ` [u thâo hơ[ơi pioh đih pit. Tui anun sit `u pơgi kơdih anai [u thâo mă kyâu mơng hơpă mơng pơkra dong.

Dong mơng mơguah truh ră anai akă [ong huă hơget ôh. Braih pơdai le\ pơsah abih, mă hơge\t mơng tơnă anai”.

Amăng tal kơthel anai, Yang Mao le\ să răm rai prong hloh [ơi tơring glông Krông Bông, tơring ]ar Daklak.

Rơbu\ kơthel ngă kơtang t^t, rơbêh kơ 600 bôh sang pok bơbung hăng glưh, amăng anun giăm hmâo 100 bôh sang glưh trun abih bang, ngă 1 ]ô mơnuih djai hăng 4 ]ô mơnuih pơkon rơka.

Amăng mơguah kơthel luh nao mơtam, [ơi sa dua bôh tơring glông gah ngo\ hăng ngo\ dơnung tơring ]ar, Khoa Jơnum min m[s tơring ]ar Daklak nao pơ\ hơdôm anih răm rai prong, amăng anun hmâo să Yang Mao, tơring glông Krông Bông, kiăng pơsur m[s hmâo tơlơi răm rai gah mơnuih hăng kông ngăn.

Hrom hăng anun git gai  gong gai hăng hơdôm khul gơgrong gah bruă anai ta` djru m[s pơsir ano# răm rai.

Hlâo kơ dưi hmâo {irô git gai khul ling tơhan hăng Quân khu 5 djru, Jơnum min m[s tơring glông Krông Bông hmâo iâu pơhrui sa mông jơnum khul ling tơhan plơi pơgang ba pô hrom hăng hlăk ai tơring glông djru m[s rơmet agaih anih anom do#, pơdo\ng glăi sang do# jăng jai. Ayong Y Sam Niê [ơi [ôn Tar, să Yang Mao lăi:

“Bruă hơge\t ta dưi ngă le\ ta ngă. Amăng [ôn le\ iâu pơhrui abih bang hơdôm khul gru\p, kah hăng gah khul hlăk ai, tơdăm dra, tơhan plơi pơgang mă pô.

Lăi hrom amăng [ôn hlơi hmâo pran kơtang le\ djru pran, hmâo gơnam le\ djru gơnam”.

Tơdơi kơ kơthel găn nao, ơi Nguyễn Hải Ninh – Khoa gum bruă Ping gah dêh ]ar ta, Kơ-iăng Khoa Jơnum min pơ ala m[s tơring ]ar Daklak ăt nao laih mơn pơ\ să Yang Mao, tơring glông Krông Bông kiăng tơ`a bla, pơsur hơdôm bôh sang ano# hmâo  mơnuih djai hăng rơka ka]; git gai gưl ping gah, gong gai tơring glông hăng khul apăn bruă anai ta` djru m[s ru\ pơdo\ng glăi, ta` hơđong tơlơi hơd^p mơda.

“Jơnum min m[s tơring ]ar hăng tơring glông  laih anun gưl Ping gah, gong gai tơring ]ar, [ơi să, amăng [ôn ăt git gai hmao tlôn laih mơn.

Hơdôm khul  gru\p [ơi anai khom bơwih brơi kơ m[s gah anih do# jăng jai, anih [ong huă, ia mơ`um hơdjă kiăng m[s hơđong jăng jai.

Tơdơi kơ anun [ing gơmơi amra yap glăi pơsit mrô răm rai kiăng ru\ pơdo\ng pơkra amăng hơdôm hrơi ta` hloh”.

Kơthel tal 12 phrâo rơgao bơdjơ\ nao [ơi anăp hăng ngă răm rai hăng tơring ]ar Daklak. Gah bruă đang hmua, hmâo rơbêh kơ 26.500 ektar đang phun pla jôh h^, rơbuh hăng ia ling lip; 4.800 drơi mơnu\ bip ia kor đuăi.

Yôm phăn hloh le\ ru\ pơdo\ng glăi bruă bơwih [ong huă, ngă đang hmua. {ơi tơring glông Krông Bông anai tơnap tap laih, [ai jai yơh hmâo kơthel ngă dong.

Ơi Huỳnh Bài, Khoa Jơnum min m[s – Khoa Gru\p git gai bruă pơgang pơgăn ayuh hyiăng [u klă ngă hăng e\p mơnuih hmâo tơlơi truh tơring glông Krông Bông, tơring ]ar Daklak brơi thâo:

“{ơi anăp le\ hăng hơdôm anih anom răm rai prong, [ing gơmơi amra djru pơjeh pla, hăng sa dua phun pla [ia\ hrơi kiăng neh wa tơju\ pla hăng pơsir tơlơi rơpa giăm bơyan tơju\ pla amăng bơyan pơ\ anăp.

Tơlơi tal dua, khom pơsit glăi hơdôm kual amra hmâo ia ling lip amăng hơdôm blan rơnu] thun kiăng be\ răm rai.

Hrom hăng anun, [ing gơmơi amra pok pơhai jơlan hơdră pơkă phun pla, hlô rông kiăng `u djơ\ hăng ayuh hyiăng lon adai pơ\ anai amăng hơdôm hrơi ta` hloh, kiăng m[s hmâo gơnam pơhrui glăi pioh kơ tơlơi hơd^p mơda hăng bruă ngă đang hmua.

Hăng kual lon ngă đang hmua răm rai, [ing gơmơi amra pel e\p pơsit glăi, djru mơnuih [ôn sang hơkru\ glăi kual lon ngă đang hmua mơ\ amra dưi hơkru\ glăi.

{ing gơmơi amra git gai ngă tui  mơtam kiăng ngă hiưm hơpă pơ ala glăi mrô gơnam tam hmâo răm rai amăng bơyan anai”.

Siu H’ Prăk: Pô ]ih hăng pôr