VOV4.Jarai - Să giăm goai dêh ]ar Ia Rvê, tơring glông Ea Sup, tơring ]ar Daklak le\ kual lon krô kre`, ayuh hyiăng pơ-iă hang, tơlơi hơd^p mơda m[s do# tơnap tap biă. Gong gai plơi pla hăng hơdôm khul ling tơhan [ơi anai glăk pơke\ kơja\p hăng m[s, djru neh wa đ^ kyar bơwih [ong huă, hơđong tơlơi hơd^p mơda, djă pioh kơja\p tơlơi dưi pô [ơi goai lon ia pô.

            Hur har ba gơmơi nao ]ua\ đang hmua 2 ektar glăk pơjing [ơi kual lon krô kre` pơ\ goai dêh ]ar, ơi Huỳnh Minh Cang, [ơi thôn 4, să Ia Rvê, tơring glông Ea Sup, tơring ]ar Daklak, brơi thâo, anun le\ bôh than mơng rơbêh kơ 10 thun sang ano# gir run gơgrong hăng kual lon anai. Thun 2004, rơkơi bơnai `u hrom hăng neh wa mơng tơring ]ar Bến Tre nao pơdo\ng plơi pla phrâo [ơi Ea Sup, kơnong kơ dua [e\ tơngan sôh: sang do# yua kơ kơnuk kơna pơdo\ng, lon hơ huai. Hrom hăng tơlơi gum djru mơng kơnuk kơna, m[s hăng ling tơhan gơnang nao rai, [ơ [rư\ găn rơgao tơlơi tơnap tap. Truh ră anai sang `u hmâo giăm truh laih 6 ektar đang bôh `ông, pla hơbơi plum, hăng pu\ rơmô rơbêh kơ 10 drơi. Ơi Huỳnh Minh Cang, ră ruai: Lom phrâo rai pơ\ anai neh wa sa le\ akă juăt hăng ayuh hyiăng pơ-iă hang bơhmu hăng kual ia krông, dua le\ ia yua lom anun dleh tơnap biă, Mơng anun truh ră anai neh wa hmâo găn rơgao laih tơlơi tơnap tap, [ơ [rư\ tơlơi hơd^p mơda hơđong tui. Kơnong kơ sang ano# kâo le\ lăi pioh [ing ling tơhan gum hrom mơ-ak hă glăk prăp lui ba war rơmô nao pơ\ dih, laih anun kheor ia bơmun, kuai dơnao ia, pla phun bôh troh, rông tom hlô mơnong đa.

            Tui anun, mrô sang ano# bơwih [ong huă đ^ go\ mo\ kah hăng sang ano# ơi Cang [ơi kual goai dêh ]ar pơ\ Ia Rvê [u lu ôh. Lon mơnai krô kre`, ayuh hyiăng pơ-iă hang, tơIơi hơd^p mơda mơng lu neh wa amăng kual do# tơnap tap biă. Să Ia Rvê ră anai hmâo 74% mrô sang ano# gah sang [un rin. Tơlơi phang kho#t ngă na nao amăng 2 thun rơgao ngă laih lu sang ano# tơblut amăng tơlơi tơnap. Hơdôm gưl gong gai plơi pla hrom hăng hơdôm khul ling tơhan [ơi goai dêh ]ar, hơdôm khul mơnuih thâo tơngia khom djru na nao braih huă hăng hơdôm gơnam ]i kiăng, hăng jơlan gah [u pioh sang ano# hơpă kơ[ah [ong huă giăm bơyan tơju\ pla. Hrom hăng anun, plơi pla ăt glăk ngă tui mơn hơdôm bruă phun hloh, tuh pơ plai hnoh ia, pơplih phun pla djru neh wa hơđong bruă bơwih [ong huă, hơđong pran jua ke\ ph^ hăng kual goai dêh ]ar. Ơi Cao Minh Lự, Khoa Jơnum min m[s să Ia Rvê, brơi thâo: Bơyan mơyan phrâo rơgao yua kơ ayuh hyiăng kơsing pah prong, dua le\ yua kơ noa gơnam tam ngă rai [u hơđong, tơlơi hơd^p mơda m[s bưp lu tơlơi tơnap tap. Yua anun amăng tơlơi gleng nao hrom pơ\ anăp anai [ing gơmơi pơplih phun pla hlô rông djơ\ hăng ayuh hyiăng hăng kual lon [ơi să, kiăng m[s hmâo tơlơi hơd^p mơda hơđong hloh. Bơ\ bruă gum hrom kơplah wah kông ang, ling tơhan hăng pơgang goai dêh ]ar ăt kah hăng khul wai lăng dlai kyâu, [ing gơmơi hmâo pơkă laih hăng jơlan hơdră bruă mă hrim hrơi [ơi anai, thâo, lăi pơthâo nao rai tơlơi pơhing, hăng hmâo hơdôm jơlan pơsir ba glăi bôh tu\ yua pơgăn tơlơi găn gao goai dêh [u djơ\ phiăn. Tơlơi rơnuk rơnoa [ơi plơi pla hrim hrơi pơ phun hiưm hơpă le\, [ing ling tơhan ăt lăi pơthâo nao rai na nao mơn hăng pơ phô brơi kơ gưl Ping gah, gong gai plơi pla hăng puih kơđông pơgang goai dêh ]ar hmao tlôn hmâo jơlan gah djă pioh tơlơi rơnuk rơnoa [ơi goai dêh ]ar ăt kah hăng tơlơi hơđong pơhlôm abih bang mơnuih mơnam  [ơi să.

            Hơđong tơlơi hơd^p mơda kơ m[s le\ gleng noa blung a hrom hăng bruă pơgang rơnuk rơnoa tơlơi kơđi ]ar, hơđong pơhlôm mơnuih mơnam [ơi anih anom goai dêh ]ar pơ\ Ia Rvê. Đại uý Lê Anh Tuấn, Kơ-iăng Khoa puih kơđông pơgang goai dêh ]ar Ia Rvê, brơi thâo, ling tơhan pơgang goai dêh ]ar thâo kơ tơlơi tơnap tap, thâo hluh hăng tơlơi hơd^p mơda m[s, kiăng hmâo hơdôm bruă mă djơ\: ta#o klă hyu lăi pơhing ]râo brơi neh wa ngă tui djơ\ tơlơi pơkă [ơi goai dêh ]ar; pơgăn kho\p mơnuih mu\t nao do# [u djơ\ phiăn yua kơ tơlơi sat: Tơlơi gum hrom kơplah wah hơdôm [irô gơnong bruă gong gai plơi pla hăng hơdôm khul hyu mă bruă pơ\ să, hyu lăi pơthâo pơsur m[s [u ngă soh tơlơi pơkă [ơi goai dêh ]ar, hăng ngă tui klă Tơlơi pơtrun pơsit mrô 34 mơng Kơnuk kơna. {ing gơmơi ăt hmâo laih mơn hơdôm mông nao tơl sang m[s pioh lăi pơthâo, hăng lăi pơhing tui jơlan loa, bro# pơtui jua pơhiăp mơng gong gai plơi pla pơtui hrim hrơi. Phun `u m[s [ơi anai thâo laih abih bang hơdôm tơlơi dưi pô rơnuk rơnoa [ơi goai dêh ]ar, mrô mơnuih ngă sôh tơlơi pơkă [ơi goai dêh ]ar, biă `u le\ m[s mu\t amăng kual goai dêh ]ar koh ale ba glăi s^, [u dah hyu loa pơnah hlô dlai [u djơ\ phiăn; m[s kơnong kơ ngă soh sa wot đu], lom dưi pơtô lăi, pơtă pơtăn neh wa thâo laih tơlơi pioh pơgang tơlơi dưi pô rơnuk rơnoa [ơi goai dêh ]ar.

                                                          Siu H’ Prăk: Pô ]ih hăng pôr