VOV4.Jarai- Lăng rup bơngăt pô ama\ng dơnao La\k, jueng mơtah hiam bia\ mă, Buôn Jun, tơring kual Liên Sơn, tơring glông Lăk, tơring ]ar Daklak, ba glăi hiam ro# glai klô, tơdu rơ-un kơ plơi pla kual }ư\ siăng.

 

{ơi anai hơmâo pioh glăi sang dlông mơng đưm, bu\ng sang pơkra hăng rok hlang, pơ na\ng ngă hăng djrao, hro\m hăng rup kual }ư\ siang, hơmâo hro\m hăng tơlơi tong ]ing ]êng hgor, suang [ơi ana\p apui jă, suang tơlơi ngui ngor, ngă yang rơbang...

 

{ing tuai ngui hrom ană plơi [on Jun-Lak

 

Sang glông mơng đưm đă ră hlâo, mơng sang ano\ ơi Y Du, hơmâo pơhrôp hăng lu gơnam tam yua ama\ng tơlơi hd^p mơda mơnuih [ôn sang djuai ania [ia\ kah hăng:

 

}eh sô hđăp, ]ing ]êng sô, [ình pioh ia sô đưm, truh kơ go\ng tơ-rưng, krông put, gong ga bơwih brơi tuai rai lăng ngui...

 

 

Ơi Y Du brơi thâo, dơng mơng sui laih sang glông anai, pioh ]ơkă jum tuai do\ đo\m glăi mlăm, lăng hdôm tơlơi ngă yang, adoh suang tong hgor, tơlơi gru gru phiăn juăt djuai ania M’nông.

 

Rơngiao kơ bruă mă anun, pơhrui glăi prăk kak sang ano\ dơng, `u kiăng lăi pơthâo brơi tuai rơngoai thâo hluh tơlơi phiăn juăt kual }ư\ Siăng ta anai...

 

“ Dơng mơng hơmâo sang do\ anai, dơng mơng ako\ thun truh rơnu] thun, hơmâo lu tuai rai ]ua\ ngui bia\ mă.

 

Pơhrui glăi prăk kak ama\ng sang ano\ dơng, kiăng yua ama\ng tơlơi hd^p hrim hrơi, adơi ayong, anong mon ama\ng plơi pla, tu\ ư lu mơn, pioh tong ]êng hgor brơi tuai rai ]ua\ ngui, [ia\ hloh hơmâo pơhrui glăi na nao prăk kak ama\ng sang ano\.

 

Hlâo adih [ing gơmơi hrăm mă klă, pioh bơwih brơi tuai rơngoai rai ]ua\ ngui klă hloh.

 

{ing gơmơi lăi pơthâo brơi hdôm tơlơi phiăn juăt djuai ania pô, kah ha\ng:

 

Băn, khăn, ]ing ]êng, hgor brơi gơyut gơyâo ama\ng lon ia hăng gơyut dêh ]ar ta] rơngiao thâo”.

 

 

Pu\ rơman pơgiăng tuai rôk ia dơnao Lak

 

Rơngiao kơ bruă mơna] mă sang glông, brơi ara\ng rai ]ua\ ngui, neh met wa Buôn Jun, yua rơman pô, [u dah song rơ k^ kyâo pô, mơng ơi yă pơdo\ glăi, ba tuai hyu ]ua\ ngui dơnao Lăk, buôn lan.

 

Ayong Y Chung brơi thâo, hlâo adih, song rơk^ kyâo anai, sang ano\ pơgiang pơdai, djuh mơng hơmua pơdai ba glăi pơ\ sang. Bơ kơ ră anai lơm kơ sa thun, song rơk^ kyâo anai pơgiang tuai hyu ]ua\ ngui ama\ng dơnao Lăk, ayong Y Chung ră ruai tui anai:

 

“Kâo lăi bia\ ho\, hlâo adih ngă hơmua pla pơdai, rông mơnu\, rông b^p, pioh hơmâo [o\ng huă hrim hrơi đô], bơ ră anai hơmua pơdai ia, pioh [o\ng huă, pioh tơnă pơkra tơpai ]eh, s^ brơi tuai rai ]ua\ ngui.

 

Rơngiao kơ anun a waih song nan kyâo anai, ba hyu tuai hyu ]ua\ ngui jum dar dơnao ia Lăk dơng. Gơnang mơng anun yơh, tơlơi hd^p plai [ia\ laih.

 

Lu tuai đ^ song nan hyu ngui amăng dơnao Lak

Ama\ng hơdôm thun giăm hăng anai, kiăng bơwih brơi tuai hyu ]ua\ ngui, đih đom kro\m do\, [o\ng huă hro\m hb^t hăng neh met wa, hăng jơlan ]ua\ ngui pơ ana\n “ Home stay” pơ phun pok rai [ơi buôn Jun anai yơh.

 

Kơnong hơmâo sa boh sang glông hiam hdjă , hơmâo sang juă glai, năng ai hơdôm pluh băn, khăn so\m, mus ker, neh met wa dưi ngă laih  “Home stay”.

 

 

Tuai apah do\ hrom hăng pô sang jum tuai [ơi [on Jun

 

Amai H’Bem, mơnuih [ôn sang buôn Jun brơi thâo: Ha\ng hơ bo# bruă ]ua\ ngui Home stay, hrim blan amai pơhrui glăi mơng 5- 6 klăk prăk, `u lăi tui anai:

 

 “Kâo hơmâo laih anun ]ua\ ngui, ră anai hơmâo pơhrui glăi prăk kak, yua ama\ng sang ano\. Tơlơi hd^p mda plai [ia\ laih, huăi tơnăp kah ha\ng hlâo tah, Gơnang hơmâo ping gah, kơnuk kơna gum djru ba anih ]ua\ ngui, djru brơi neh met wa bruă mă”.

 

Djru ba neh met wa buôn Jun anai, thâo bơwih hloh tơlơi ]ua\ ngui, dơng mơng thun 2011, Hơp tac să ]ua\ ngui buôn Ju, dưi ako\ pơjing.

 

Ha\ng tơlơi gơ`a\m djă pioh tơlơi gru grua phiăn juăt mơnuih djuai ania M’nông, hdôm mơnuih mut hro\m khul anai, kơnong dưi hơmâo sang glông, ]êng hgor, song nan kyâo, jing h^ mơnuih ama\ng Hơp tac să laih.

Đ^ song nan hyu ngui amăng dơnao Lak

 

Hrim wơt tuai rai ]ua\ ngui, Hơp tac să anai hơmâo pơ pha brơi hdôm sang.

 

Ră anai Hơp tac să anai hơmâo khul ]êng hgơr, 15 ]ô nghệ nhân, 8 boh sang glông, 15 drơi rơman, 20 boh song nan kyâo, hyu bơwih brơi nao ]ua\ ngui, pơdơi glăi, [o\ng huă, lăng tơlơi adoh suang to\ng ]êng hgơr...

 

Lu mơnuih mut khul anai tơlơi hd^p mda plai [ia\ laih, boh nik pơhrui glăi sa blan 10 klăk prăk, hdôm mơnuih hơmâo song nan kyâo pởhui gla\i 5 klăk prăk....

 

Ơi Bùi Văn Đức, khua g^t gai Hơp tac să ]ua\ ngui buôn Jun brơi thâo tui anai:

 

“ Gơ`u rai ]ua\ ngui, gơ`u hyu hduah lăng tơlơi phiăn juăt mơnuih [ôn sang djuai ania M’nông [ơi anai, tui anun [ing gơmơi kiăng pioh glăi sang glông, ]êng hgor, djă pioh tơlơi gru grua phiăn juăt djuai ania M’nông.

 

Tuai rơngoai rai ]ua\ ngui hơr tui ha\ng anun, gơ`u kiăng thâo tơlơi hd^p mda hrim hrơi [ơi anai.

 

Dơng mơng hrơi ngă tơlơi ]ua\ ngui, truh ră anai neh met wa ngă tui hiam bia\ mă, bơwih brơi tuai rơngoai hiam klă, rơnuk rơnua, laih anun hơmâo prăk kak dơng, ră anai huăi hơmâo tah sang ano\ rin rơpa”.

 

Đ^ rơman hyu ngui pơ dơnao Lak

 

Hăng lon glai adai rơhuông hiam ro#, laih anun hơmâo tơlơi phiăn juăt lu hiam, buôn Jun glăk pơđ^ kyar ktang gah tơlơi ]ua\ ngui.

 

Bôh nik kiăng hyu ngui mơng tuai hăng tơlơi phiăn juăt }ư\ siăng jai hrơi jai đ^ tui, gah bruă Home stay, dưi lăng jơlan hdră ngă tui djơ\ phrâo, tơlơi hd^p mda pơblih tui, laih anun gum gôp djă pioh tơlơi phiăn juăt hiam klă mơnuih [ôn sang djuai ania [ia\ [ơi anai.

Rơluch Xuân: Pô ]i hăng pôr