VOV4.Jarai - Ngă tui “Ako# bruă pơdo\ng plơi prong hơde] hmar”, rơnu] thun hlâo, phường Thông Nhất, plơi prong Buôn Ma Thuột, tơring ]ar Daklak pok pơhai dưm truă pơ phô hlâo măi camera lăng tui tơlơi rơnuk rơnoa [ơi hơdôm kual le\ anih anom juăt hmâo tơlơi [u hơđong, [u pơhlôm bruă nao rai [ơi jơlan glông.

Hluai tui măi camera anai thâo hăng pơsir lu kơđi tơlơi ngă soh tơlơi phiăn, mă pơko\ng sa dua ]ô mơnuih, pơđ^ tui bruă lăng tui tơlơi rơnuk rơnoa, pơhlôm [ơi jơlan nao rai pơ\ phường.

Hơdôm ara\t jơlan amăng krah plơi prong Buôn Ma Thuột kah hăng Y Jut, Nơ Trang Lơng, Lý Thường Kiệt, Hai Bà Trưng, Điện Biên Phủ… gah phường Thống Nhất, plơi prong Buôn Ma Thuột leng kơ bă kơ mơnuih nao rai dik dak.

{ơi anai hmâo lu sang jưh tuai, sang prăk, anih s^ mdrô kơ phê mơ`um, anom s^ mdrô prong, sang ]ơ mlam.

Amai Mai Huỳnh Tiên, pô s^ mdrô [ơi Sang ]ơ Buôn Ma Thuột brơi thâo, hlâo adih, kual anai juăt hmâo tơlơi [u hơđong ôh hăng tơlơi kle\ do\p kông ngăn, plak do\p, hyu ngă pơgang ba kiăng apah prăk, biă `u tơlơi huak do\p mă prăk hmâo na nao [ơi kual sang ]ơ mlam.

Tơdơi kơ Jơnum min m[s phường dưm truă camera lăng tui, gơgrong lăng tui [ơi sa dua ara\t jơlan amăng plơi prong, amăng lăm kual sang ]ơ mlam, tơlơi anai hmâo plai [ia\ laih.

Mơnuih [ôn sang hơđong pran jua bơwih [ong huă s^ mdrô, tuai hyu ]ua\ ngui ăt [u do# mơn hu^ kơ tơlơi huak do\p mă prăk, rơngiă gơnam tam kông ngăn.

“Kâo s^ mdrô [ơi anai hơdôm thun laih, tơlơi do\p huak mă prăk hlâo adih lu biă. Hơdôm mơnuih anun juăt ngă mă pikian laih anun mut nao luk amăng lăm pioh huak do\p mă prăk, mă hră pơ-ar, telephone ngă tuai hyu ]ua\ ngui nao blơi gơnam tam [u hơđong pran jua ôh.

Dong mơng hrơi hmâo camera dưm truă le\ klă hloh laih, tơlơi huak do\p mă prăk [u hmâo dong tah yua kơ [ing gơ`u hu^ camera lăng [uh.

Tuai hyu ]ua\ ngui nao pơ\ kual sang ]ơ mlam [ơi anai ră anai hơđong pran jua laih [u bơngot dong tah, hơdôm mơnuih s^ mdrô kah hăng [ing gơmơi ăt hơđong pran jua mơn hu^ kơ rơngiă gơnam tam”.

Gơnang kơ ru\p mă mơng camera, giăm truh pluh mơta tơlơi ngă soh tơlơi phiăn dưi lăng [uh, pơsir `u

Rơnu] jơlan Quang Trung, kual giăm hăng phường Tân Tiến hmâo ha tal anih [u hơđong yua kơ ma tuý. Truh krah mlam, [ing gơ` ma tuý juăt tum pơ[u\t [ơi jum dar kual hr^p kla#o ma tuý.

Ơi Phạm Quốc Hưng, [ơi rơnu] jơlan Quang Trung, phường Thống Nhất brơi thâo, mơng hrơi dưm truă camera [ơi kual anai, tơlơi sat răm ma tuý plai [ia\ laih, m[s “do# hơđong, [ong huă jơman laih”.

“Hlâo adih, rim mơguah tơgu\ mơng pit kâo leng kơ nao gah anăp sang pel e\p, rơkih met yua kơ [ing hr^p kla#o ma tuý glom lui ]a ]ot jrum tla#o amăng kual pơnăng war, amăng lan sang kâo. Tơdah [u hmâo pel e\p thơ hu^ rơhyư\t biă [ing ]ơđai muai nao rai juă djơ\ thơ.

Khă hnun hai, dong mơng hrơi plơi prong pok pơhai dưm truă camera [ơi ako# jơlan a`ep le\, [ing gơ` ma tuý hu^ măi mă glăi ru\p anun [u mut nao kla#o hr^p dong tah. Mơnuih [ôn sang [ơi kual anai do# mơng hơđong, [ong huă mơng jơman”.

Sa tơlơi pơtaih dưi pơsir gơnang kơ camera

Phường Thống Nhất jing phường do\ng amăng kual krah plơi prong Buôn Ma Thuột, hơdôm bruă blơi s^, bơwih [ong mơnuih nao rai lu, wot tơhrơi hăng mơmot mlăm.

Djop mơta mơnuih kle\ do\p ngă soh juăt ruah anih anom anai pioh ngă bruă gơ`u kle\ dop, plak mă gơnam tam, huak mă prăk, ngă rung răng amăng kual.

Thiếu tá Nguyễn Đắc Linh, Khoa kông ang phường Thống Nhất brơi thâo mơng hrơi dưm camera, hluai tui gru ru\p, kông ang thâo giăm truh hơdôm pluh tơlơi ngă soh tơlơi phiăn, mă pơko\ng 2 ]ô mơnuih kle\ do\p kông ngăn, rơdêh thut, tơlơi huak do\p mă prăk [ơi kual sang ]ơ mlam kah hăng [u do# ngă glăi dong tah. Phrâo anai hloh le\ tơlơi pơtaih [ơi jơlan Điện Biên Phủ, gơnang kơ hmâo camera djru kông ang pơsir ta` kơđi tơlơi anun.

“{ơi jơlan Điện Biên Phủ hmâo 2 anih anom s^ mdrô kơđuh măi telephone djă hyu [ơi tơngan pơtaih nao rai.

Kông ang phường nao mă bruă, lom do# mă bruă bơnah gah hơpă leng kơ phaih pô djơ\ sôh, [u hmâo hlơi a` kơ hlơi ôh, lăi pô [u soh ôh, [u djơ\ pô pơ phun pơtaih hlâo ôh.

{ing gơmơi hmâo mă yua laih ru\p mơng camera brơi kơ pô anom s^ mdrô hăng djop mơnuih jum dar lăng le\ anom s^ mdrô ngă soh, pô taih hlâo anun pơsir ta` kơđi tơlơi. Hluai tui tơlơi anun m[s [ơi kual hur har do\ng yua biă”.

Gơnang kơ camera, tơlơi hơđong [ơi phương Thống Nhất, plơi prong Buôn Ma Thuột dưi pơhlôm

Yă Trịnh Như Ngọc, Khoa Jơnum min m[s phường Thống Nhất, plơi prong Buôn Ma Thuột brơi thâo, măi camera anai dưi dưm truă mơng rơnu] thun hlâo, hăng abih bang prăk mă yua giăm truh ha mơkrah klai prăk.

Amăng anun, lu `u yua kơ sa dua bôh anom bơwih [ong djru hrom, ngăn drăp mơng phường gum hơgo#p [ơ [ia\.

Măi anai hmâo 48 bôh camera đưm [ơi 25 anih anom [ơi sa dua glông jơlan, kual sang ]ơ mlam, hơdôm anih anom gleh tơnap kơ bruă pơgang rơnuk rơnoa, pơhlôm [ơi jơlan nao rai.

Hơdôm bôh măi camera anai dưi tô nao rai hăng sa bôh tivi LCD prong, dưm [ơi anih do# gak mơng Kông ang phường Thống Nhất.

Gơnang kơ măi anai, gong gai hăng gơnong bruă kông ang gêh gal amăng bruă pel e\p tơlơi rơnuk rơnoa [ơi phường.

Ru\p ]ih pioh glăi amăng sui hrơi blan anun gơnong bruă hmâo go\ng jơlan pioh pơsir hơdôm pluh mơta tơlơi kle\ do\p kông ngăn, mă pơko\ng hmâo lu mơnuih ngă soh, pơsir lăp djơ\ hơdôm tơlơi bơpơjrom nao rai [ơi jơlan glông…

 Yă Trịnh Như Ngọc, Khoa Jơnum min m[s phường Thống Nhất brơi thâo, hơdôm hrơi pơ\ anăp iâu pơthưr dong m[s gum hơgo#p ngăn rơnoh pioh pơhư prong hơdră ngă anai.

“Kiăng dưi ngă bruă anai, [ing gơmơi hmâo pơ phun jơnum m[s hăng kah hăng abih bang mơnuih [ôn sang tu\ ư hrom.

{ing gơmơi kơ[ah năng ai `u 700 klăk prăk dong, prăk anai [ing gơmơi amra iâu pơhrui mơng m[s pơhrui năng ai `u 500 rơbâo prăk lom sa bôh sang ano#, hăng glăk pơ phun pơhrui.

Hmâo tơlơi mơ-ak le\ amăng mông jơnum lu sang ano# pơ]ruh prăk hlao mơtăm, anun le\ tơlơi gal prong hloh.

{ing gơmơi pơkă hlâo glông măi mă yua sit `u amăng rơnu] blan 8 thun anai amra giong”.

Tui hăng ako# bruă man pơdo\ng Buôn Ma Thuột jing “plơi prong hơde] hmar, mơtah, agaih hăng phrâo rơnuk anai”, abih bang hơdôm bôh să, phường leng kơ khom dưm truă măi camera.

Hăng bôh tơhnal blung a [ơi phường Thống Nhất, pơ\ anăp anai, Jơnum min m[s plơi prong Buôn Ma Thuột, tơring ]ar Daklak amra iâu pơhrui dong prăk mă yua pioh pơhư prong hơdră anai.

Mơng anun, pơđ^ tui hloh dong bruă pơhlôm tơlơi rơnuk rơnoa hơđong mơnuih mơnam, pơhlôm [ơi jơlan nao rai amăng đơ đam plơi prong./.

Siu H’ Prăk: Pô ]ih hăng pôr