VOV4.Jarai - Tơdơi kơ [irô wai lăng bruă hơđong plơi pla tơring ]ar Lâm Đồng hăng plơi prong Đà Lạt ngă tui khop pơgăn, tơlơi “hyu dui” tuai [ơi Đà Lạt kret h^.

 

Khă hnun hai, hơdôm hrơi je# hăng anai bruă hyu dui tuai nao ]ua\ ngui glăi ngă dong ba truh tơlơi [u hơđong, pơhual kơ tuai hyu ]ua\ ngui nao pơ\ plơi pla bă kơ bơnga anai.

           

Thung lũng tình yêu jing sa amăng hơdôm anih anom tuai ]ua\ ngui [u dưi lui mơng lu tuai lom nao pơ\ Đà Lạt. Anai ăt le\ anih anom hmâo lu [ing “hyu dui” tuai.

 

{uh rơdêh tuai, rơdêh thut tơring ]ar pơkon nao, [ing hlăk ai amra kiăo tui mơtăm, jak iâu, hyu dui.

 

Tơdah tuai do# djưng djư, “pô hyu dui” tuai amra brơi hră lăi pơthâo mơng đang dâu kiăng hmâo tuai đăo gơnang.

{ơi Thung Lũng Tình Yêu lu mơnuih hyu dui tuai glăk ngă phual tuai hyu ]ua\ ngui

Hăng hơdôm bruă ngă jak iâu blơi dâu tây, mứt dâu noa rơgêh [udah hyu ]ua\ lăng đang dâu tây [u rơngiă prăk, lu mơnuih hmâo le# luh hăng khom a` pran yua kơ jrôk jơlan.

           

Ayong Nguyễn Văn Tào, sa ]ô tuai mơng tơring ]ar Nghệ An brơi thâo, hlâo kơ nao pơ\ Đà Lạt, `u hmâo iâu laih gơyut gơyâu hăng lăng plăng internet hơduah e\p lăng kơ anih anom ]uă ngui.

 

Tui anun mơn, lom truh pơ\ plơi prong, hyu ]ua\ lăng đang dâu tui tơlơi jak iâu mơng sa dua ]ô mơnuih juăt hyu dui tuai, `u [uh tah hơtai biă.

           

“Mơng ha anai mơng anih ]ơlah 5 nao pơ\ Thung lũng tình yêu, kâo [uh sa, dua ]ô mơnuih hlăk ai hyu dui ara\ng mut amăng kual ]ua\ lăng dâu tây [udah anih anom hmâo ha jăn [ơi Đà Lạt.

 

Kâo ăt nao mơn, samơ\ [u djơ\ tui bôh nik ôh, mut le\ đang dâu [u djơ\ kah hăng tơlơi ]ang rơmang ôh.

 

Laih anun nao le\ ara\ng mă noa pơmă biă. Tơdah ta [u blơi [ơi anun thơ gơ`u pơhu^ lăi hne adih”.

    

Mơnuih hyu dui tuai nao ]ua\ ngui

Tui hăng anun, [ơi đang bơnga plơi prong, kơ]ong kơdư Dốc Đá jơlan Phù Đổng Thiên Vương, jơlan Nguyên Tử Lực, Mai Anh Đào lu tuai [uh bơngot biă hăng hmâo arăng pơhual lom [ing juăt hyu dui tuai kiăo tui.

 

Đa le\ hmâo tuai [ing hyu dui ara\ng do# kơdo\ng glăi mơtăm lom [u blơi gơnam.

 

Khă hmâo [irô wai lăng gah tơlơi anai [ơi plơi prong Đà Lạt phak tơhmal lu wot laih kơ tơlơi mă yua mơnuih hyu dui tuai samơ\ ăt do# ngă glăi tơlơi gơ`u.

 

Pô hơdôm anom bruă hmâo ngă soh prah pơgang le\, tơdah [u hmâo yua mơnuih hyu dui iâu tuai thơ gơ`u [u dưi s^ gơnam tam ôh.

 

Ơi Kiều Vũ Hải – Pô anih pơkra s^ mứt Thành Trung, [ơi phường 8, bơhmu:

           

“{ơi anai sang hmâo dua ]ô mơnuih samơ\ lu anih anom jum dar anai hơdôm ]ô mơnuih.

 

Ta [u mă yua sa dua ]ô mơnuih lăi pơthâo [ơi giăm anai thơ [u hmâo tuai ôh hăng [u hmâo prăk pơhrui glăi dong”.

{ơi đang bơnga plơi prong Đà Lạt ăt hmâo tơlơi hyu dui iâu tuai mơn

Tui hăng mrô yap mơng Kông ang plơi prong Đà Lạt mă mơng thun 2018 truh ră anai anom hmâo phak tơhmal 95 bôh anom mă yua mơnuih hyu dui iâu tuai hăng mrô prăk rơbêh kơ 220 klăk prăk hăng pơhrui mă 95 bôh rơdêh thut.

 

Ră anai plơi prong Đà Lạt do# 8 anih anom juăt mă yua mơnuih hyu dui iâu tuai kiăng kơ tuai kiăo tui pô. Lu mơnuih anai biă `u mơng tơring ]ar pơkon rai.

           

Trung tá Phạm Văn Huấn – Kơ-iăng Khoa gru\p, Gru\p tơhan polis wai lăng gah bruă bơwih [ong – Kông ang plơi prong Đà Lạt lăi le\, rơnoh tơhmal [ing mơnuih dui iâu tuai mơng 1 truh 3 klăk prăk akă djop pioh pơhu^ ôh.

 

Lom anun sa ]ô mơnuih jak iâu tuai hyu ]ua\ ngui mut blơi gơnam hăng noa 10 klăk prăk le\ dưi hmâo pô anom anun pha brơi prăk [ong jia mơng 3 truh kơ 4 klăk prăk.

           

“Ră anai plơi prong Đà Lạt ăt kah hăng Kông ang plơi prong hmâo git gai kho\p laih bruă pơsir tơlơi hyu dui tuai, lăi pơthâo [u klă. {ing gơmơi glăk kơtưn mă pơko\ng, pơsir hơdôm tơlơi ngă soh hyu dui iâu tuai [u klă, kơtưn pel e\p hơdôm anih anom mă yua mơnuih hyu dui tuai anai.

 

Tơdơi kơ pơsir giong [ing gơmơi amra rơkâo Jơnum min m[s plơi prong mă glăi hră pơsit brơi bơwih [ong hăng hơdôm anih anom anai”.

           

Sa ]ô mơnuih hyu dui tuai glăk nao giăm rơdêh hyu ]ua\ ngui kiăng lăi pơthâo jak iâu

Kiăng tuai hmâo hơdôm tal pơdơi pơdă hơđong klă [ơi plơi prong mlar kơ bơnga, tơring ]ar Lâm Đồng ăt kah hăng plơi prong Đà Lạt kiăng pơsir kho\p dong hơdôm anih anom bơwih [ong mă yua mơnuih hyu dui tuai, ngă sat gru rup plơi prong tuai ]ua\ ngui./.

Siu H’ Prăk: Pô ]ih pơblang hăng pôr