VOV4.Jarai-Gơgrong bruă [ơi sa anom bruă pơkơdong glăi tơlơi đăo soh Hà Mòn, Tin lành Đề Ga, hơdôm thun laih rơgao, khoa tơhan đại uý Bùi Ngọc Đông (tơkeng thun 1984), Kơ-iăng khoa Khul mă bruă [ơi tơring glông Đăk Đoa – Mang Yang, Anom bruă rơnuk rơnua Djuai ania (PA90), Kông ang tơring ]ar Gialai ngă giong truh kih bruă arăng jao, djru hơđong kjăp tơlơi rơnuk rơnua [ơi anai.

{u kơnong tui anun đôc\ ôh mơ, tơlơi hơdip hiam, huăi ngă ang ôh, abih pran jua djru mơnuih [on sang săt pioh glăi tơlơi lăp hơdor prong biă mă amăng pran jua djuai ania Bahnar [ơi tơring glông Mang Yang, Gialai.

Do\ amăng sang tơbung klup hăng ngo\i prong krên dên, rơhai biă, ayong Phơi, djuai ania Bahnar, do\ [ơi plơi Kdung, să Hra, tơring glông Mang Yang lăi, Đại uý Bùi Ngọc Đông le\ pô djru sang ano\ gơ`u.

Thun 2010, `u pơmin pliu plao, kiăo tui tơlơi đăo soh Hà Mòn, đuăi nao amăng glai. Lơ\m anun, ană bơnai ayong Phơi do\ pơ sang rơmon rơpa, tơ-oa asơi, Đại uý Bùi Ngọc Đông nao pơ sang gơ`u pơalum pran jua, iâu ayong pơ wơ\t glăi pơ sang.

Glăi pơ sang, ayong Phơi hơmâo Đại uý Đông pơalum kiăng huăi mlâo hiâo kơ plơi pla, dong mơng anun hrưn đ^ bơwih [ong huă.

Ayong Phơi ră ruai: ‘’Đông juăt nao mơ-ai pơ sang kâo, ră ruai pơ alum pran jua, pơtô ba hu\i kâo nao djơ\ jơlan soh sat, huăi hmư\ tui arăng plư plec\.

Kâo lăng Đông kah hăng adơi ayong amăng sang ano\ yơh. Đông ăt pơtô brơi kâo gir ngă hmua pla pơjing, pla kơphê kiăng sang ano\, ană bơnai kâo huăi rin rơpa. Ră anai tơlơi hơdip amăng sang ano\ kâo hơđong laih’’.

Tha plơi Ướt brơi thâo, plơi Kdung, să Hra tơring glông Mang Yang hlâo adih le\ anih juăt hơmâo tơlơi rung răng kơđi ]ar laih anun rin rơpa biă, yua hơmâo hơdôm pluh c\ô mơnuih tui tơlơi đăo soh Hà Mòn, đuăi kơdop amăng glai.

Khă hnun, dong mơng thun 2012 truh ră anai, đại uý Bùi Ngọc Đông hro\m hăng grup hyu mă bruă [ơi Đak Đoa- Mang Yang, Anom PA90 hơdai nao do\ pơ anai hlao, [ong hro\m, hơdip hro\m laih anun pơhiăp tơlơi Bahnar, jing đăo soh Hà Mòn hơmâo arăng gah lui laih.

Tha plơi Ướt ră ruai, Đại uý Bùi Ngọc Đông nao pơ rim boh sang ano\, bưp rim c\ô mơnuih c\i pơblang rơđah kiăng neh met wa thâo tơlơi [u klă mơng tơlơi đăo Hà Mòn, dong mơng anun kơđiăg [u hmư\ tơlơi pơsur mơng [ing soh sat ôh, pơ [ut pơđ^ kyar bơwih [ong huă.

Ăt mơng thun 2012 truh ră anai, Đại uý Bùi Ngọc Đông ngă hro\m hăng tha plơi, khoa plơi hăng mơnuih arăng đăo gơnang amăng plơi iâu pơthưr hơdôm pluh c\ô đuăi kơdop hăng pơkơdong glăi kơnuk kơna pơwơt glăi hơdip hro\m hăng plơi pla.

Plơi Kdung triăng kơtang hyu pơ hmua, plai [iă laih pơklaih lui hmua pơdai.

Bruă Đông ngă klă biă mă yơh! Juăt hyu pơtô pơblang, iâu pơthưr hơdôm sang ano\ tui đăo soh Hà Mòn pơ wơ\t glăi sang ano\ bơwih [ong huă.

Iâu pơthưr pơ alum pran jua bơwih [ong huă jai hrơi pơđ^ kyar, juăt nao tơ`a blan hơdôm boh sang ano\, hơmâo tơpai mơ`um tơpai, tơdah [u hơmâo ăt pơhiăp nao rai mơ-ak hlak mơn’’.

Đại uý Bùi Ngọc Đông do\ hro\m ama `u le\ Tơhan blah ngă sung kơtang Bùi Ngọc Đủ (1942-2017), pô gum blah rơbêh 130 wơ\t blah ayăt roh, hmư\ hing yôm amăng tal blah ayăt Mi hăng 17 wơ\t tal hyu blah anet prong, pơku\p lui Khul tơhan pơkơdong lo\n ia Fulro [ơi Gialai hơdôm thun blung a tơdơi hrơi rơngai lo\n ia.

Hla tui gru kơnuih mơng ama `u, amăng rơbêh hơdôm pluh thun ngă tơhan Pơgang rơnuk rơnua Djuai ania PA90, kông ang tơring ]ar Gialai, Đại uý Bùi Ngọc Đông hơmâo ngă lu bruă truh kih, hmư\ hing.

Amăng anun hmư\ hing hloh le\ hro\m hăng [ing gop tơhan hyu kiăo, hơmâo mă 19 c\ô khoa amăng Khul tơhan Fulro thun 2013.

Amăng blan 4/2018, Đại uý Bùi Ngọc Đông ăt ngă hro\m hăng gong gai kơnuk kơna hăng kông ang tơring glông Mang Yang hyu kiăo mă hơdôm pluh c\ô tơhan Fulro pơhmao mă tơlơi đăo soh Hà Mòn c\i ngă sat.

Hăng lu bruă mă hiam klă, lu thun mơtăm, Đại uý Bùi Ngọc Đông mă pri bơni Tơhan kơtưn bruă rơgơi [ơi anom bruă.

Thun 2015, `u hơmâo mă pri bơni Tơhan kơtưn bruă rơgơi amăng abih bang Kông ang mơnuih [on sang.

Laih dong, ayong Đông ăt hơmâo anăn amăng hră bơni 70 c\ô tơhan rơgơi bruă hơmâo mă Pri bơni mơng Khoa ding jum kong ang [ơi mông Jơnum tơhan rơgơi bruă Kông ang mơnuih [on sang pơphun amăng blan 6 phrâo rơgao.

Khă hnun hai, Đại uý Bùi Ngọc Đông ăt lăi glăi pô `u hai kah hăng ană amăng plơi pla đôc\ mơn:

Adơi ayong amăng grup [ong hro\m, hơdip hro\m rim hrơi, rim mông, nao rai pơbưp, thâo tơlơi kiăng, thâo tơlơi pơmin mơng rim c\ô mơnuih.

Dong mơng anun, ta ngă ană plơi hluh hăng đăo gơnang kơ ta.

Kâo hơdip mơ-ak hro\m abih bang yơh. {ơi anai kâo jing ană amăng plơi yơh’’.

Ayong Nguyễn Đình Hải, Khoa apăn bruă Ping gah să Hra, tơring glông Mang Yang brơi thâo, anih tui tơlơi đăo să Hra ră anai pơwơ\t glăi tơlơi hơdip hơđong, mơ-ak yơh.

Hro\m hăng anun, tơlơi lăp hơdor kơ Đại uý Bùi Ngọc Đông, anom bruă tơhan PA90 kông ang tơring ]ar Gialai hăng tơlơi hơdip rơmuih, huăi ngă ang, hơdip hiam abih pran jua yua tơlơi rơnuk rơnua ană plơi pla hăng Lo\n ia ta jing tơlơi lăp hơdor na nao [u thâo wơr ôh hăng ană plơi laih anun gong gai kơnuk kơna:

Lơm mut amăng plơi, adơi ayong kah hăng ană amăng plơi mơn, lăng ană amon kah hăng ană amon pô, ngui hro\m [ing c\ơđai.

Lăi nao abih bang, [ing gơ`u hơdip hro\m jê| giăm biă.

Tơlơi pơmin mơng ayong ăt djơ\ lăp mơn, bơwih brơi ană plơi.

Ping gah hăng gong gai kơnuk kơna pơsit yôm tơlơi gum djru prong mơng ayong amăng bruă sut lui tơlơi đăo soh Hà Mòn [ơi să Hra.

Siu H’Mai: Pô c\ih hăng pôr