VOV4.Jarai-{rô djơ\ hơtal rơnu] thun 2014 phrâo laih rơgao,  lo\m anun tơlơi hok mơak ]ơkă 70 thun hrơi ako\ pơjing khul ling tơhan mơnuih [ôn sang dêh ]ar Việt Nam laih anun 25 thun Hrơi abih bang mơnuih [ôn sang tar [ar amăng dêh ]ar ta ngă hrom bruă pơgang lo\n ia, [ơi djop puih kơđông ling tơhan Pơgang goai (gak goai) dêh ]ar tring ]ar Dak Lak kơdo\k kơdor mơtam hăng lu bruă mă hiam mơak. {ing khua mua, ling tơhan pơgang goai dêh ]ar [ơi Yok Đôn jai kraih hơmâo lu tơlơi mơak, yua dah [rô djơ\ hơdor glăi 10 thun hrơi ako\ pơdong puih kơđông. Do\ [ơi anih hơtal rơnu] ]i kơtoai jơlan goai dêh ]ar gah dơnung tring ]ar Dak Lak, puih kơđông Yok Đôn do\ giăm să Dak Wil, tring glông }ư\ Jut, tring ]ar Dak Nông. Wo\t tơdah dưi ako\ pơdong tơdơi đô], samơ\ [ing khua mua,  ling tơhan [ơi anai ngă pơgiong klă na nao bruă jao, puih kơđông anai hơmâo 3 wo\t dưi tu\ mă tơlơi pơpu\  mơng Khua git gai tơhan pơgang goai dêh ]ar bơni anăn “Puih kơđông Pơs^t khom dưi”. Lăp pơ-ư pơ-ang hăng tơlơi bơni 3 anăn “Ling tơhan pơkơtưn”, Thượng úy Trần Văn Hưng brơi thâo: Hrom hăng bruă jao ngă khua grup tơhan blah ngă, `u do\ ngă kơ-iang khua khul hlăk ai tơdăm dra mut phung [ơi puih kơđông gơ`u. ~u am^ [ă yă pơjing, pro# tơdăm prăm dra mơng [ôn prong Hải Phòng, tơdơi kơ hrăm giong  hăng dưi mut ping gah [ơi sang hră Gưl prong Gah ling tơhan pơgang goai dêh ]ar, `u nao pơ kual Tây Bắc mă bruă, ngă tơhan pơgang goai dêh ]ar tring ]ar Sơn La, laih anun Khua mua git gai tơhan pogang goai dêh ]ar brơi nao mă bruă pơ kual }ư\ siăng. ~u thun anai phrâo krep 30 thun, tơdăm kual lo\n tơdrun kom păn ia rơs^ mơ\, dưi hơmâo tơlơi pơtop hrăm amăng bruă ling tơhan hăng tu\ a` lu tơlơi tơnap tap adai pơ-iă rơbu\ angin kual }ư\ siang, ngă kơ `u jai kjăp hăng  be] bal hloh. Thượng úy Trần Văn Hưng lăi: Kâo hok mơak hăng bưng biă mă dưi  nao ngă ling tơhan pơgang goai dêh ]ar tring ]ar Dak Lak. Kual }ư\ siăng jing kual lo\n buă hăng tơlơi khap, tơlơi pap;  boh nik `u [ing adơi ayong gơyut gơyâo ling tơhan, hơmâo djru kâo dưi găn rơgao tơlơi lông lăng tơnap tap. Kâo pô amra gir hloh dơng amăng bruă mă, hrăm, [ư\ pơkra pran jua, gir run khut khăt kiăng ngă djơ\ hăng bruă jao. Anun le\ wai pơgang kjăp tơlơi dưi pô kơ dêh ]ar, pơgang hlom bom jơlan goai dêh ]ar Việt Nam.

            Kual }ư\ siăng glak amăng bơyan không, ]ư\ siăng glai klô [lô `u\p amăng kual kơtoai jơlan goai dêh ]ar [ơi tring ]ar Dak Lak so# hăng goai dêh ]ar Kur [ơi tring ]ar Mondulkiri, kơyâo pơtâo hla kơ`^ baih jum dar samơ\ amăng puih kơđông ling tơhan pơgang goai ăt do\ mơtah mơda đô] yua hơmâo đang a`ăm  pơtam, đang boh troh sôr hăng ia iom ao ling tơhan. Pơ wo\t glăi pơ puih kơđông, tơdơi kơ hyu tir amăng glai klô, pơgang goai dêh ]ar, Binh nhất Vũ Đức Chí brơi thâo,  tơdơi kơ hrăm giong tơlơi pơtop hrăm bruă ling tơhan [ơi Tiểu đoàn 19-anom bruă ling tơhan pơgang goai dêh ]ar tring ]ar Dak Lak, `u glăi mă bruă [ơi puih kơđông pơgang goai dêh ]ar Bo Heng, mưn amăng pran jua mơak biă, `u lăi: Rai mă bruă [ơi puih kơđông Bo Heng, dưi hơmâo khua mua amăng puih kơđông pơpha bruă mă, kâo hyu tir pơgang goai dêh ]ar amăng glai klô, pơgang gong pơkă goai dêh ]ar. Kâo hok mơak biă mă yua dưi ngă tơhan pơgang goai dêh ]ar, djru hrom [iă pran jua ai hơtai kơ bruă pơgang tơlơi dưi dêh ]ar. Mut ngă ling tơhan, dưi pơto\p hrăm kjăp pran jua, djru kơ kâo kjăp hloh.

            Do\ [ơi giăm hang ia krông Serepok hing ang, puih kơđông ling tơhan pơgang goai dêh  ]ar mrô 743-ling tơhan pơgang goai dêh ]ar tring ]ar Dak Lak, ăt mă anăn hnoh ia krông anai mơn. Hrom hăng bruă mă wai pơgang, krăo lăng  rơbeh 12 km jơlan goai dêh ]ar hrom hăng 2 [e\ gong, tơmeh pơkă goai, [ing khua mua, ling tơhan pơgoang goai dêh ]ar [ơi anai do\ wai lăng hrom hăng să Krông Na, tring glông {uôn Đôn laih anun ngă hrom anom bruă pơgang glai klô dêh ]ar  ]i Yok Đôn. Bruă mă hok mơak ]ơkă hơdor glăi hơtal 70 thun hrơi ako\ pơjing khul ling tơhan mơnuih [ôn sang dêh ]ar Việt Nam laih anun 25 thun hrơi abih bang mơnuih [ôn sang tar [ar amăng dêh ]ar gum hrom pơgang lo\n ia, dưi hơmâo djop anom bruă ping gah, puih kơđông ling tơhan amăng anom bruă tơhan pơgang goai dêh ]ar  pok pơhai  ngă tui dơ\ng mơng ako\ thun, truh ră anai djop bruă pơkă hlâo pơkơtưn mă bruă ngă giong laih soh, ngă bruă rơgao hăng ano\ pơkă. Hrom hăng bruă kơtưn ngă hmua pla pơjing hăng ]em rông hlô mơnong, djop puih kơđông lêng kơ pla a`ăm pơtam soh, rông 40 drơi rơmô, 30 drơi un, bui, 200 drơi mơnu\ bip, thun anai hơmâo dơng lu ring bruă phrâo, anun le\, ngă đang pla boh kuga, boh thanh long 400 met ka rê, ngă hmua ia, pơ hrui glăi 4 tơn pơdai, klơi dơnao rông akan... Thiếu tá Y Be Mdrang-khua apăn bruă kơđi ]ar puih kơđông tơhan pơgang goai dêh ]ar Serepok brơi thâo: Anăp nao kơ tơlơi hơdor glăi 70 thun Hrơi ako\ pơjing khul ling tơhan mơnuih [ôn sang dêh ]ar Việt Nam phrâo rơgao, anom bruă gơmơi pơphun lu bruă mă, ako\ pơjing lu hơbo# bruă, tơlơi  mă bruă pla pơjing. {ing tơhan nao mă bruă amăng plơi pla, djru mơnuih [ôn sang ngă hmua pơđ^ kyar tơlơi bơvih [ong huă. Dơ\ng mơng anun, amăng blan 12 rơgao, anom bruă gơmơi gum hrom lu anom bruă pơko\n, gong gai kơnuk kơna tring glông hyu tơ`a bla, ]uă jơmư trư găn hăng [ơk gơnam kơ sang ano\ hơmâo mơnuih pơsăn drơi jăn kơ lo\n ia [ơi să Krông Na.

            Tui hăng tơlơi lăi pơthâo mơng khua mua puih kơđông tơhan pơgang goai dêh ]ar tring ]ar Dak Lak,  rơgao 5 thun  ngă tui “Hrơi tơhan pơgang goai dêh ]ar tar [ar amăng mơnuih [ôn sang”, djop puih kơđông ling tơhan pơgang goai dêh ]ar hơmâo kơtưn pơ kjăp bruă kơđi ]ar, pơđ^ kyar tơlơi bơvih [ong huă kơ mơnuih [ôn sang do\ [ơi kual giăm goai dêh ]ar. Truh ră anai, abih bang 51 boh plơi pla ala [ôn [ơi 4 boh să amăng 2 boh tring glông giăm goai dêh ]ar hơmâo khul ping gah [ơi plơi  soh. Hrom hăng bruă pơjing jơlan hyu tir [ơi goai dêh ]ar, ]uk pơkra jơlan prong tui hăng tuh kơsu, pơkra jơlan hiam hloh, djop să do\ [ơi kual giăm goai dêh ]ar hơmâo  jơlan rơdeh ôtô dưi nao truh pơ să soh; hre\ apui lơtrik dêh ]ar ăt dưi dăng nao djop mơn, sang ia jrao să, tơlơi pơhing sang dăng kông ăt hơmâo djop laih. Tơhan pơgang goai dêh ]ar ngă hrom djop anom bruă amăng tring ]ar hăng gah rơngiao kơ tring ]ar iâu pơ]ruh, djru prăk hơmâo 8 klai prăk pioh man pơdong giăm 200 boh sang kơ mơnuih [un rin, hơdôm pluh ring bruă djru kơ mơnuih [ôn sang. Hrom hăng  7 ]ô khua tơhan ngă ding kơna anom bruă pơ ala mơnuih [ôn sang  [ơi să kơtoai jơlan goai dêh ]ar, [ing mơnuih ping gah juăt jơnum [ơi hơdôm boh plơi amăng să giăm goai dêh ]ar kiăng pơkjăp bruă kơđi ]ar, git gai hlom bom tơlơi  pơđ^ kyar [ơi plơi pla. Đại tá Phạm Quang Hùng, Khua git gai anom bruă tơhan pơgang goai dêh ]ar tring ]ar Dak Lak lăi: Pơ kjăp glăi bruă kơđi ]ar jing bruă mă yom, phun. Dơ\ng mơng anun, kiăng pơtô pơblang, jak iâu mơnuih [ôn sang ngă tui jơlan hơdră, tơlơi phiăn ping gah, kơnuk kơna pơtrun. Kiăng pơtô rơđah tong ten, pơ]râo ngă tui mơtam [ơi plơi pla. Kah hăng Hơdră bruă kual plơi pla phrâo, gơmơi git gai djop puih kơđông, [ing ngă bruă do\ hrom mơnuih [ôn sang, grup pơkra jơlan, dăng hre\ apui lơtrik hăng pơdong sang ia jrao mơtam gleng nao hlâo. Djru kơ bruă ngă hmua pla pơjing, ep hơbo# phrâo, djru ană plơi pla, pơtô hăng ngă tui laih anun khom pơ kjăp pran jua ană plơi pla yơh phun, kơđi ]ar amra kjăp, tơlơi bơvih [ong huă pơđ^ kyar tui. Gơmơi đăo kơnang  sit tơlơi bơvih [ong huă mơnuih mơnam ngă hrom bruă pơgang tơlơi rơnuk rơnua dêh ]ar [ơi kual goai dêh ]ar amăng tring ]ar jai hrơi amra kjăp tui./.

                                                                                  Nay Jek : pô pơblang hăng pôr