VOV4.Jarai-Do\ amăng anih hơjăn păn lom glai klô Yok Đôn dêh ]ar ta wai pơgang, [on Drang Phôk ataih mơng să Krông Na, tơring glông Buôn Đôn, tơring ]ar Daklak, rơbêh 20 Km jơlan lo\n, glai klô. Yua hơmâo tơlơi djru mơng [ing ling tơhan pơgang goai dêh ]ar tơring ]ar Daklak laih anun gong gai kơnuk kơna plơi pla pơ anai, tơlơi hơdip mơda mơnuih [on sang [on Drang Phôk [rư\ hrơi đ^ tui.

Do\ amăng kual glai klô kle\ng kho\p, hlâo adih, tơlơi hơdip mơng rơbêh 100 boh bơbung sang hăng 500 ]ô mơnuih [on sang djuai ania Êđê, M’nông, Jarai, Lao amăng [on Drang Phôk kơnang kơ glai rưng soh đô]: Bruă hyu đom boa loa pơnah, ngă hmua ]ông jơnah jah glai, ngă hmua tla#o amăng tơju\  pơdai tui tơlơi juăt đưm [u thâo đ^ go\ amo\ ôh. Thun 2007, ling tơhan pơgang goai dêh ]ar tơring ]ar Daklak yơh [ing djru phun, gum hrom khoa moa gong gai kơnuk kơna nao jah brơi 17 ektar, man pơkra bơnư\ pơkong ia, ngă hmua ia dua bơyan. Gru\p mă bruă mơng tơhan pơgang goai dêh ]ar puih Sêrêpok, do\ hrom hơbit [ong huă, mă bruă hăng ană plơi, ư\ a`, sơ\n pran jua pioh djru ană plơi ngă hmua dơnao dua bơyan, [rư\ [rư\ mơng anun tơlơi hơdip mơda mơnuih [on sang hơđong tui yơh. Neh Bun Kẹo Lào, mơnuih [on sang [on Drang Phôk, brơi thâo: “Dong mơng hrơi hơmâo Kơnuk kơna djru le\, tơlơi hơdip mơda mơnuih [on sang bơblih lu laih, tơlơi ư\ rơya rơpa mơhao kah hăng đưm hlâo [u hơmâo dong tah; ră anai ngă hmua ia ăt pơdai jor kơtor lu laih mơn pơkă hăng hlâo”.

            10 thun laih rơgao, hơmâo Anih pơkă lăng pơjrao tơlơi duăm ruă mơng [ing ơi ia jrao ling tơhan hăng mơnuih [on sang ngă hrom, biă mă `u nai ia jrao tơhan puih kơđông Sêrêpok lăng ba tơlơi suaih pral kơ mơnuih [on sang [on Drang Phôk, huăi hơmâo đơi dong tah tơlơi duăm pơgrun, duăm pơđung drah hru\p hlâo. Ană plơi pla ăt thâo laih mơn hơdră pơhlôm mă drơi jăn pô, huăi [ong djơ\ bơmao măt, a`ăm glai ta aka [u thâo krăn, huăi [ong djơ\ a`ăm mơnong aj^ ro\ [udah a`ăm mơnong mua hơmâo kơnik…Ơi Y Không, do\ pơ [on Drang Phôk, lăi: “Mơnuih [on sang [ing gơmơi do\ pơ kual ataih, hlâo adih dju djuăm duăm ruă [u hơmâo nai ia jrao [udah sang ia jrao pơpă ôh, kơnong ngă yăng hơduah kơ yang rơbang đô]. Ră anai, hơmâo [ing ling tơhan pơgang goai dêh ]ar puih mrô 743 djru, laih anun khoa moa tơhan pơgang goai dêh ]ar  rai djru na nao [ơk ia jrao, pơkă lăng tơlơi duăm ruă laih anun pơjrao tơlơi duăm ruă kơ mơnuih [on sang. Ia jrao [ơk brơi tơl sang, djru brơi mơnuih [on sang plơi pla kual ataih anai dưi dăi [iă huăi hơmâo tơlơi duăm ruă. Gơmơi bơni lu biă mă kơ ling tơhan”.

            Kơ bruă djru mơnuih [on sang mơng ling tơhan pơgang goai dêh ]ar, khoa tơhan Đại úy Phạm Văn Hứng, Kơ-iăng khoa bruă kơđi ]ar Puih Sêrêpok lăi: “Ngă klă bruă pơtô lăi, je\ giăm ană plơi, ngă hmua pla pơdai hmua ia, pơđ^ tui tơlơi hơdip mơda, gơnam yua kơ mơnuih [on sang le\, boh tơhnal tu\ yua sit nik jing pơđ^ tui tơlơi hơdip mơda jai hrơi pơđ^ kyar kơ mơnuih [on sang, kah hăng ]ơđai muai dưi nao sang hră, kiăng pơđ^ tui tơlơi thâo thăi kơ mơnuih [on sang, laih anun lui h^ [ơ [rư\ tơlơi juăt pơluk mơgu hơđăp, mơnuih [on sang hur har gum hrom [ing adơi ayong ling tơhan pơgang goai dêh ]ar, wai pơgang tơlơi rơnuk rơnua kual giăm goai dêh ]ar”.

           Yua kơ hơmâo tơlơi djru mơng kơnuk kơna hăng tơhan pơgang goai dêh ]ar, [on Drang Phôk dưi hơmâo apui lơtrik dêh ]ar, hơmâo ring bruă ia hơdjă nao so# mă ha anih, hơmâo sang ia jrao mơnuih [on sang hăng ling tơhan ngă hrom, hơmâo sang hră plơi pioh kơ ană amôn nao hrăm hră, tơlơi hơdip mơda mơnuih [on sang dưi bơblih pơđ^ tui. Ơi Lê Tiến Dũng, Kơ-iăng khoa să Krông Na, tơring glông Buôn Đôn, tơring ]ar Daklak, brơi thâo: “Hlâo adih mơnuih [on sang ngă hmua tui tơlơi juăt hơđăp [u pơđ^ kyar ôh. Laih hơmâo [ing adơi ayong ling tơhan djru, kah hăng tơhan pơgang goai dêh ]ar pơtô brơi hơdră ngă hmua phrâo, ană plơi ngă tui djơ\ anun boh troh đang hmua jor hloh, boh nik `u ngă hmua pơdai ia, dong mơng anun tơlơi hơdip mơnuih [on sang dưi bơblih phrâo, đ^ đăi go\ amo\, laih anun plai [iă tơlơi tơnap amăng bruă wai pơgang glai rưng dêh ]ar ta pơgang [ơi Yok Đôn, tơlơi thâo thăi mơng mơnuih [on sang jai hrơi đ^ tui amăng bruă wai pơgang glai rưng, djru hrom pơgang dram gơnam hăng ayuh hyiăng glai klô kjăp hơđong”.

Nay Jek-Rơluch Xuân : Pô ]ih hăng pôr