VOV4.Jarai-Yua kơ aka [u hơmâo anăn ako\ sang, aka [u pơdong plơi, anun jơlan glông nao rai hlong aka [u hơmâo ôh, bruă pơtô hrăm hră kơ ană tơ]ô mơng 180  boh sang ano\ mơnuih djuai ania [iă [ơi kual glai mrô 249, să Ea Lê, tơring glông giăm guai dêh ]ar Ea Sup, tơring ]ar Daklak do\ lu tơlơi tơnap tap biă mă.

Dong mơng thun 2003, hơdôm pluh boh sang ano\ mơnuih [on sang djuai ania [iă rai mơng kual ]ư\ siăng gah kơdư dêh ]ar ta, nao do\ pơ kual glai mrô 249, gah să Ea Lê, tơring glông giăm guai dêh ]ar Ea Sup, tơring ]ar Daklak.

Tơdơi kơ hơdôm thun do\ dong [ong huă, ngă hmua pla pơjing jăng jai, tơlơi hơdip mơda [u hơđong ôh, tơnap tap biă mă, anun bruă gleng nao kơ ană bă hrăm hră pơ-ar jai kraih tơnap tap hloh.

Plơi pla kual lo\n mrô 249, să Ea Lê, tơring glông Ea Sup, Daklak

Khă tui anun, gong gai kơnuk kơna hăng anom bruă amăng kual plơi pla ăt brơi nai pơtô hrăm hră, nao pơ anih plơi pla aka pơdong sit nik anun pioh pơtô kơ ]ơđai hrăm hră.

Thun hrăm anai, 2 ]ô nai pơtô Trần Thị Nguyệt hăng Đinh Thị Trà Giang, sang hră rông hăng pơtô muai să Ea Lê, jao brơi nao pơ kual glai klô mrô 249 wai lăng 2 boh anih hrăm, abih bang hơmâo 45 ]ô ]ơđai sang hră, dong mơng 3 thun truh 6 thun.

R^m hrơi, [ing nai pơtô anai khom găn rơgao 30 km jơlan đ^ ]ư\ trun đung, găn ia ]roh hnoh kah mơng truh pơ anih pơtô hrăm hră. Nai Trần Thị Nguyệt lăi:

‘’Adai pơđiă le\ plai [iă, djơ\ hrơi adai hơjan, jơlan dlut, ia kuor. Djơ\ hrơi nao truh pơ anih mơsah abih eng ao, adai hơjan jơlan tơbor, 2 ]ô nai rơbuh [ơi tơkai tơdrông tua.

Yua kơ ]ơđai sang hră yơh gir run, samơ\ gơ`u ăt nao hrăm hră djop na nao anun ta mơak mơn.

}ơđai sang hră [ơi anai [u thâo tơlơi Yuan ôh; dua bơnah [u thâo pơhiăp nao rai le\ tơnap tap biă mă’’.

Anih hrăm rông, pơtô muai yua mơng 2 ]ô nai anai wai lăng, amăng sa boh sang arăng pơdong hăng kyâo, hơnăl yua kơ yă Bàn Thị Diêm-mơnuih ping gah kơnong hơjăn `u yơh pơ anih do\ amăng kual glai mrô 249, brơi mă yua sang `u jăng jai hơdôm thun hăng anai, ră anai sang sô laih, răm tui yơh.

Phrâo anai, gong gai kơnuk kơna să hơmâo jơlan hơdră tuh pơ alin man pơdong 2 boh anih hrăm [ơi kual anai, samơ\ aka [u pok pơhai mơn, yua do\ tơguan bruă pơyơr lo\n pioh pơdong sang hră:         

‘’Tơlơi thâo hră pơ-ar mơng mơnuih [on sang pơ anai [iă đô] anun [u thâo hluh. Yua kơ anun, lăi brơi sang ano\ pơpă thơ pơyơr lo\n le\ [u hơmâo pô ngă ôh, yua dah lo\n tơnah glai klô arăng blơi soh sel.

Bơ sang hră jăng jai hlâo kơ anai le\, lơ\m gơmơi phrâo rai le\ rơkâo mă yua jăng jai mơn; ăt ngă hră hăng sang să jao brơi mă yua ding dăng pơkă thun blan đô].

Tơl kơnuk kơna man pơdong giong sang hră phrâo le\, sang ano\ pô sang mă glăi yơh lo\n sang anun’’.

     Anom bruă apui lơtrik Daklak, nao [ơk gơnam kơ ]ơđai sang hră rông pơtô muai

plơi kual glai 249 yua kơ nai Trần Thị Nguyệt wai lăng.

Kual lo\n glai plơi pla mrô 249 ăt do\ amăng glai klô ]ư\ siăng, hlâo adih jao kơ kông ty sa ding kơna }ư\ Mlan wai lăng.

Yua kơ mơnuih [on sang mơng anih pơko\n mut nao do\ [u djơ\ hơdră ôh, anun yơh gong gai kơnuk kơna hăng anom bruă wai lăng glai pơ anai aka [u pơsir brơi ôh, kah hăng ngă hră ako\ sang, aka pơdong plơi pla, pioh wai lăng, laih dong jơlan nao rai ăt aka [u hơmâo lơi.

Ayong Bàn Văn Sinh, jing mơnuih hur har biă mă, mơnuih arăng đăo kơnang ih ah mơn, `u pơyơr pran jua rơkâo kơ să Ea Lê, brơi kơ `u yơh pô wai lăng [ơi anun:

‘’Amăng kual anai hơmâo 70% mrô sang ano\ mơnuih [on sang [u thâo hră. Hlâo kơ rai do\ pơ anai, pơ plơi hơđăp adih ăt do\ pơ kual ataih mơn, [u hơmâo sang hră ôh.

Rai do\ pơ anai, ăt aka [u hơmâo plơi pla, kơnuk kơna wai lăng kah hăng plơi pla pơko\n lơi. Kâo pơtô lăi mơnuih [on sang do\ dong [ong huă djơ\ tơlơi phiăn kơnuk kơna, anăm ngă soh glăi ôh.

Pơtô lăi, pơhiăp hăng tơlơi djuai ania pô. Bruă ngă anai, kâo ngă mă tui pran jua kiăng đô]. {u hơmâo prăk djru mơng kơnuk kơna ôh’’.

Dong mơng hơdôm pluh boh sang ano\ blung a đô], truh ră anai kual lo\n mrô 249, gah să Ea Lê, tơring glông Ea Sup, tơring ]ar Daklak hơmâo năng ai `u 180 boh sang ano\, hăng giăm 1000 ]ô mơnuih, lêng kơ djuai ania Hmông hăng Yao soh.

Lơ\m gong gai kơnuk kơna plơi pla [ơi anai aka [u hơmâo ôh, jơlan glông nao rai ăt aka [u tuh pơ alin mơn, tơlơi hơdip mơda mơnuih [on sang jai kraih aka hơmâo tơlơi pơđ^ kyar, bruă hrăm hră pơ-ar kơ ]ơđai muai jing [ing ană bă ană plơi pla [ơi anai ăt glăk do\ bưp tơlơi tơnap tap gleh glar đô].

Nay Jek: Pô ]ih hăng pôr