VOV4.Jarai - Hur har pran jua c\ơkă ‘’Thun hlăk ai ngă bruă yua kơ mơnuih mơnam’’ hăng blan yôm ‘’Blan pioh hlăk ai’’ thun anai, hlăk ai Daklak glăk pơphun lu bruă mă yôm phăn, djơ\ hăng tơlơi kiăng.

Djo\p gưl hlăk ai man man pơkra 7 boh sang khăp pap, hơdôm pluh anih ngui ngor kơ [ing c\ơđai, tơdron pah boh lông, tu pioh hră amăng sang hră muai; jak iâu mơnuih mơnam pioh hơdôm rơbâo hrơi pơkra jơlan nao rai amăng plơi, du` pơ[ut asuk ruk, pla hăng wai lăng phun kyâo mơtah.

Kơdrưh ang ‘’blan pioh kơ hlăk ai’’ mơng khul hlăk ai Daklak hơmâo [uh rơđah amăng hơdôm hrơi blung a mă bruă mơtăm yơh, hăng lu bruă ngă rơđah rơđông.

{ơi tơring glông Buôn Đôn, tơdơi kơ hrơi pơphun ngă bruă yua Khul hlăk ai Daklak pơphun, khul hlăk ai tơdăm dra hơmâo lu bruă ngă djru mơnuih [on sang kah hăng: jao glăi sang do\ khăp pap, tơdron pah boh lông, anih c\ơđai ngui ngor, brơi prăk apah kơ [ing c\ơđai hrăm rơgơi, rơdêh tang wang kơ [ing c\ơđai sang ano\ rin rơpa, ngă hră pơ-ar brơi hră chứng minh…

Adơi Võ Quang Song Toàn, c\ơđai sang hră gưl dua Nguyễn Trường Tộ, să Tân Hoà, tơring glông Buôn Đôn, hok mơ-ak biă mă lơm hơmâo gơnam arăng brơi le\ sa boh rơdêh tang wang mơng [ing amai, [ing ayong brơi.

‘’Kâo mơ-ak biă lơm hơmâo mă gơnam mơng [ing amai, [ing ayong brơi. Thun blan rơgao kâo gir hrăm hră, gah sang hră pơphun hyu mă bruă, jơnum ngui hơget thơ kâo lêng nao soh.

Lơm hơmâo rơdêh tang wang phrâo le\ kâo nao pơ sang hră ta` hloh, huăi rơngiă mông đơi dong tah, ăt kah hăng hơmâo lu mông ngă bruă pơko\n, djru am^ ama.

Hơmâo lu anih ngui ngor pioh kơ [ing c\ơđai kual tơnap tap

Pran jua ‘’Hur har pran jua djru mơnuih mơnam’’ mơng Blan pioh kơ hlăk ai hmao tlôn hmư\ hing hyu djo\p gưl hlăk ai amăng tơring ]ar Daklak laih anun hơmâo hlăk ai tơring ]ar c\ơkă.

Hơdôm bruă ngă lêng pơ[ut djru mơnuih mơnam, djru man pơdong plơi pla phrâo. Amai Nguyễn Minh Tuệ, Khoa git gai hlăk ai Khul bơwih [ong tơring ]ar Daklak brơi thâo, mơng ako\ thun, Khul hlăk ai hơmâo c\ih pơkra kơc\ăo bruă rơđah rơđông kơ blan hlăk ai ngă bruă.

‘’Mơng ako\ thun, Khul hlăk ai anom bơwih [ong pơsit rơđah bruă kiăng ngă mơng blan pioh kơ hlăk ai, anun le\ ‘’Hlăk ai khul bơwih [ong hur har pran jua, ba jơlan hlâo yua kơ tơlơi hơdip mơnuih mơnam’’.

Tui anun, Khul hlăk ai jak iâu mơnuih mơnam man pơkra 4 boh sang khăp pap kơ hơdôm boh sang ano\ hơmâo anăn kơnuk kơna djru, sang ano\ rin [ơi tơring ]ar.

Pơphun dăng hre\ apui glông 2km [ơi jơlan nao rai amăng plơi, brơi 10 anung prăk pơtrut pran jua [ing c\ơđai sang hră sang ano\ rin samơ\ hrăm rơgơi, laih anun git gai djo\p gưl hlăk ai amăng anom bruă pơphun hrơi jơnum ngui hlăk ai anăp nao djru sang ano\ rin, am^ Việt Nam sông kơtang, c\ơđai sang ano\ tơnap, c\ơđai djuai ania aset…

Hro\m hăng anun, khul hlăk ai ăt pơphun mơn lu bruă pơtô pơblang, rơbat [ơi jơlan kơdong glăi bruă brơi c\an prăk mă kơlmai lu, tuh rơyuh ngă bruă hrơi tơjuh mơtah yua plơi prong rơgơi’’.

Hlăk ai djru mơnuih [on sang pik ia hiam amăng sang, pơkra glăi sang jơnum plơi.

Hro\m hăng lu bruă djru mơnuih mơnam, bruă c\râo brơi bruă mă, bruă kiăng hrăm hăng pơphun tơgu\ bơwih [ong ăt hơmâo khul hlăk ai Daklak gơ`ăm ngă mơn.

Amăng blan pioh kơ hlăk thun anai, rơngiao mơng prăk djru c\an, c\an mă kơmlai aset, Khul hlăk ai tơring ]ar ngă hro\m hăng Gơnong bruă mă bruă – tơhan rơka – mơnuih mơnam pơphun lu tal pơtô, lăi pơthâo, c\râo brơi bruă mă kơ [ing hlăk ai tơdăm dra, dong mơng anun djru hơdôm rơtuh c\ô hlăk ai hơmâo bruă mă djơ\ lăp, hơmâo prăk pơhrui.

Ơi Nguyễn Chiến Thắng, Kơ-iăng khoa anom Mă bruă – Rơnuk rơnua mă bruă, Gơnong bruă mă bruă – tơhan rơka hăng mơnuih mơnam tơring ]ar Daklak brơi thâo:

‘’Rim thun Gơnong bruă Mă bruă – Tơhan rơka hăng Mơnuih mơnam ngă hro\m hăng Khul hlăk ai tơring ]ar, biă mă `u amăng blan pioh kơ hlăk ai hơmâo lu bruă ngă hloh, amăng anun bruă pơtô pơblang, c\râo brơi bruă mă le\ gơnong bruă amra iâu hơdôm anom bơwih [ong kiăng mơnuih mă bruă amăng tơring ]ar hăng rơngiao mơng tơring ]ar ruah mă mơnuih gơ`u kiăng, ruah mơnuih mă bruă pơ dêh ]ar tac\ rơngiao rai lăi pơthâo, c\râo brơi rơđah rơđông.

Khul hlăk ai kông ang djru mơnuih [on sang ngă hră chứng minh nhân dân.

Tui hăng ayong Y Nhuân Byă, Khoa khul hlăk ai tơring ]ar Daklak, thun anai, hăng ako\ bruă ‘’Thun hlăk ai hur har ngă bruă’’, hơdôm bruă mă mơng hlăk ai hơmâo pok pơhai mơng ako\ thun laih anun amra ngă truh abih thun mơtăm.

Kơnong amăng blan 3 anai, truh mông anai, djo\p gưl khul hlăk ai hơmâo pơkra 7 boh sang do\ khăp pap, 11 anih ngui ngor pioh kơ [ing c\ơđai, 11 boh tơdron pah boh lông, 10 boh tu dưm hră amăng sang hră muai; pơhrui hơdôm rơtuh hrơi mă bruă pơkra jơlan nao rai amăng plơi, du` pơ[ut asuk ruk, pla hăng wai lăng kyâo pơtâo.

Boh tu\ yua anai rơgao hăng hơnong pơkă amăng blan, dong mơng anun brơi [uh tơlơi gir run mơng hlăk ai tơring ]ar amăng bruă arăng jao.

‘’Pơtrut đ^ boh than hơmâo ngă amăng blan pioh kơ hlăk ai mơng hơdôm thun hlâo adih hăng thun anai le\ hlăk ai hur har pran jua djru ngă bruă, hăng lu bruă ngă rơđah rơđông, tơdơi hrơi pơphun hyu ngă bruă, hăng bruă ngă rơđah rơđông, hơdôm ring bruă hơmâo jao kiăng ngă.

Kơnong hơnong pơkă amăng thun hlăk pioh kơ hlăk ai le\ pla 100.000 [e\ phun kyâo mơtah, khă hnun yua ayuh hyiăng kual C|ư\ Siăng amăng blan 3 [u lăp c\i pla kyâo, yua anun gơmơi pơmut amăng bruă wai lăng phun kyâo mơta dong’’.

Pơlir bruă pơkơtưn hăng lu bruă mă rơđah rơđông le\ hơdră ngă bruă sit nik mơng hlăk ai Daklak amăng hrơi ngă bruă blan hlăk ai. Dong mơng anun, pơdah pran jua kơtang mơng hlăk ai amăng lu bruă mă, pơkra lu ring bruă, ngă giong bruă arăng jao kơ hlăk ai, djru kơ mơnuih [on sang.

Siu H’Mai: Pô c\ih hăng pôr