VOV4.Jarai-Kơthel mrô 12 lơ\m blan 11 thun hlâo, rơgao hăng anai 4 blan laih, bruă ru\ pơdong glăi tơlơi răm [ăm kơthel ngă [ơi tơring ]ar Daklak ngă giong laih.

Khă hnun, sang hră gưl muai Hoa Cúc Trắng, plơi Giang Thanh, să Ea Đah, tơring glông Krông Năng, kơnong pok bơbung hăng joh tơmeh samơ\ truh ră anai ăt aka [u ru\ pơdong glăi ôh.

Tơlơi anai bơbe] djơ\ prong biă mă kơ bruă pơtô, hrăm hăng ngă kơ [ing am^ ama ]ơđai sang hră [u hơđong pran jua ôh.

Tơdơi kơ kơthel mrô 12 lơ\m blan 11 thun hlâo, rơgao 4 blan laih, sang hră gưl muai Hoa Cúc Trắng, plơi Giang Thanh, să Ea Đah, tơring glông Krông Năng tơngul [u hơmâo bơbung ôh, tơmeh to\ đ^ hăng bơbung ăt joh bơrơbuh laih mơn.  Hơdôm pok thau, tôl kơthel pưh pok đuăi, du` pơ[ut h^ [ơi lan sang hră.

37 ]ô ]ơđai sang hră plơi Giang Thanh, să Ea Đah, tơring glông Krông Năng khom nao hrăm jăng jai pơ Sang jơnum plơi

Nai Thái Thị Hương, Sang hră gưl muai Hoa Cúc Trắng brơi thâo, dơ\ng mơ\ng hơmâo kơthel ngă răm sang hră truh ră anai, wơ\t nai pơtô  hăng ]ơđai sang hră nao hrăm jăng jai sang jơnum plơi.

Tơlơi hrăm hră, tơlơi do\ dong [ong huă ]em rông ]ơđai muai anet sang hră gưl muai [ơi anai tơnap tap biă mă, yua sang ngă hăng hnăl tơr, răm laih mơn:

‘’Kiăng hơmâo anih pơtô kơ ană amôn ]ơđai muai anet gơmơi rơkâo mă yua sang jơnum plơi Giang Thanh jăng jai, tơlơi gêh gal tơnap tap biă mă, bơyan puih angin rơbu\ hơhu rơ-o\t [ing ]ơđai pơdơi pơdă [u hơđong ôh, bơyan phang adai pơ-iă kơtang tit, ]ơđai hră ăt [u mơak lơi.

{ing gơmơi ]ang rơmang djop anom bruă ta` djru man pơdong glăi sang hră pioh kơ gơmơi hơmâo anih pơtô, ană amôn ]ơđai muai hơmâo anih hrăm’’.

Tơlơi hơdip mơda mơnuih [on sang plơi Giang Thanh, să Ea Đah tơnap biă mă.

Kơthel mrô 12 rơgao 4 blan laih, samơ\ bruă ru\ pơkra glăi sang hră aka pok pơhai mơn

Ră anai, amăng plơi hơmâo 123 boh bơbung sang hăng 500 ]ô mơnuih, lu kơ mơnuih djuai ania [iă rai mơ\ng kual Kơdư adih. Plơi anai ataih mơ\ng să 12 km, jơlan lo\n, rô nao rai tơnap tap biă mă.

Ơi Lò Văn Dũng Kơ-iăng khua [on Giang Thanh brơi thâo, [uh mơnuih [on sang tơnap tap đơi, blan 5 thun 2017, khua mua tơhan kông ang Daklak hơmâo jak iâu mơnuih pơdrong ]ơmah mơ\ng [ong prong HCM 120 klăk prăk man pơdong sang hră.

Khă hnun, ako\ blan 11 thun hlâo kơthel mrô 12 ngă pok bơbung sang hră laih anun dlưh abih bơbung gah anap tang glang, ră anai aka [u pơkra glăi ôh.

‘’Kơthel mrô 12 thun hlâo ngă răm sang hră truh ră anai aka [u pơkra glăi ôh, kâo [u thâo ôh yua hơge\t?

Sa ]ô mơnuih apăn bruă amăng plơi rơkâo đ^ hăng khua mua djop anom bruă kơnuk kơna djru pơsir brơi sang hră răm anai pioh bơwih brơi kơ ană amôn hơmâo anih hrăm’’.

Bruă mă mơ\ng nai pơtô hăng ]ơđai sang hră [ơi anai bưp lu tơlơi tơnap tap biă mă.

Ơi Nguyễn Xuân Bảy, Khua anom pơtô pơjuăt tơring glông Krông Năng, tơring ]ar Daklak brơi thâo, tơdơi kơ hơmâo tơlơi truh kơthel ngă, khua mua amăng anom bruă hơmâo brơi mơnuih nao e\p lăng, djru gơnam pơtô hrăm hră pơ anih pơko\n jăng jai kiăng bruă pơtô hrăm huăi tơ\i đưn.

Laih dơ\ng, ju\ yap glăi ano\ răm [ăm, rơkâo jơnum min mơnuih [on sang tơring glông Krông Năng hơmâo hơdră djru pơsir brơi.

‘’Laih kơthel pưh nao, [ing gơmơi git gai khua sang hră e\p anih pơko\n jăng jai, anăm lui kơ ]ơđai [u hơmâo sang hră hrăm tơdơi kơ kơthel abih laih.

Jơnum min mơnuih [on sang tơring glông hơmâo jao kơ Gơnong bruă ngă hmua hăng pơđ^ kyar jing anom bruă pơhlôm pơgang kơthel tơring glông nao e\p lăng hăng hơduah hơdră ta` pơsir h^.

Khă hnun, yua kơ anom bruă kơnuk kơna jao ngă bruă ngă kaih đơi, pơmin hơmâo laih sang hră pơko\n anun ngă rơnang’’.

Ơi Trương Hoài Anh, Khua jơnum min mơnuih [on sang tơring glông Krông Năng ăt pơhaih, bruă ngă kaih pơkra glăi sang hră muai Hoa Cúc Trắng pơ plơi Giang Thanh, să Ea Đah ăt sa tơlơi ngă kaih mơ\ng khua mua apăn bruă mơn.

Amăng blan 3 anai, Jơnum min mơnuih [on sang tơring glông amra ngă hơdră pơsit h^ laih anun brơi 260 klăk prăk ming pơkra glăi sang hră anai.

Kơthel truh mơ\ng rơnu] thun hlâo, tơring glông Krông Năng, tơring ]ar Daklak [u djơ\ lăi sa boh anih răm kơtang ôh, samơ\ sa boh sang hră gưl muai pok bơbung joh tơmeh ră anai aka [u pơkra glăi mơn.

Ră anai kơplah wah blan 3 baih, Jơnum min mơnuih [ong sang tơring glông phrâo pơkra hơdră ming pơkra glăi, truh mông ngă giong sit năng ai `u truh bơyan pơdơi prong yơh.

Nay Jek: Pô ]ih hăng pôr