VOV4.Jarai-Yua adai pơ-iă bơyan phang sui hrơi đơi, ia ]roh hnoh, ia dơnao, ia krông [ơi djop ring bruă bơnư\ pơkong ia [ơi Daklak hro\, thun tui, tơlơi phang khôt kơtang biă mă.

{u djơ\ kơnong lu đơ đam đang hmua phun pla djai krô ôh mơ\, do\ hơmâo hơdôm rơbâo boh sang ano\ mơnuih [on sang ăt bưp tơlơi tơnap kơ[ah ia yua.

Adai không phang, pơ-iă kơtang biă mă [ơi tơring glông Ea Sup, Krông {u\k, Krông Bông, {uôn Đôn hăng Ea Hleo.

Ring bruă bơnư\ pơkong ia anet [ơi Daklak thu ia abih laih

Lu đơ đam kơphê, tiu, phun boh troh; hmua pơdai ia, đang hơbơi ]ên, đang plôi hơdă djai krô; lu đang hmua a`ăm pơtam pơko\n, hmua pơdai ia [u hơmâo ia ăt djai krô mơn.

 Ơi Y Bin Niê do\ pơ să Ea Hleo, tơring glông Ea Hleo brơi thâo, khă sang ano\ `u tuh pơ alin giăm 120 klăk prăk pioh khuer e\p ia yua, bruih kơ phun pla samơ\ ăt [u djo\p lơi:

‘’Ră anai ia aset biă mă, ia bơmun wơi [ôp amăng dua mông abih yơh, do\ tơguan ia bluh đ^ sui kah bruih dơ\ng.

Phun kơphê dliu hla laih, ră anai bruih ia kiăng hơdip đô], boh sit năng ai `u [u lu ôh. Bơ tiu le\ amăng đang djai rơbêh ha mơkrah, ia bruih aka [u thâo e\p anih pơpă dơ\ng tah’’.

Mơnuih [on sang khuer ia amăng atur ia dơnao ako\n [uh ia lơi

{ơi să Ea {ung, tơring glông Ea Sup, adai không phang kơtang biă mă. Ơi Nguyễn Quang Vinh, sa amăng hơdôm ]ô mơnuih ngă hmua do\ [ơi thôn 3 brơi thâo, abih bang ia ]roh hnoh, ia krông amăng kual thu abih laih, 7 ar hmua pơdai sang ano\ pơdai ăt djai krô kre` laih; ia bơmun juăt mă ia thu mơn. Ră anai, sang ano\ bơngơ\t kơ ia bruih phun pla, laih dơ\ng e\p ia so# mơ`um dơ\ng:

‘’Pơklaih kơ phun pơdai sang ano\ hơduah e\p ia do\ glăi amăng dơnao, amăng ]roh hnoh, [ôp đ^ bruih kơ hmua pơdai, kiăng pơdai hơdip đô], samơ\ [iă đô].

Bơ ia mơ`um, ia yua le\ khom blơi ia 16-18 lit pioh mơ`um; ia mơnơi khom đ^ rơdêh kai nao pơgiăng pơ ataih, truh pơ dơnao Ea Sup gah hlao ba glăi mơnơi.

Bơyan phang adai không kơtang djơh hăng anai mơnuih [on sang tơnap biă mă’’.

Tui hăng hơnong ju\ yap mơ\ng Gơnong bruă wai lăng đang hmua hăng pơđ^ kyar plơi pla tơring ]ar Daklak, abih bang 600 boh dơnao ia amăng tơring ]ar, jơlah ia do\ glăi 55% đô]; dơnao anet le\ thu [uh atur mơtam.

Lu ektar đang tiu djai krô abih

Ơi Nguyên Hoài Dương, Khua gơnong bruă wai lăng đang hmua hăng pơđ^ kyar plơi pla tơring ]ar Daklak brơi thâo, anom bruă đang hmua glăk ngă hrom lu tơring glông brơi kuăi huet hnoh ia, king hmua brơi ia rô, bư\ glăi bơnư\ brơi ia dong, bruih ia khom pơkrem, laih anun brơi bơblih pơjeh mơnong pla, mă yua pơjeh phun [iă hrơi, pơjeh dưi a` hăng adai pơ-iă hang….

Hăng kual hơ[ah ia, bruă pơgang phun pla khom gleng nao kơ bruă pơkom lui ia yua [ơ\i hlâo, ia mơ`um brơi hlô mơnong [rep, ia bruih kơ phun pla nua yom:

‘’{ing gơmơi lăi pơthâo hăng Jơnum min mơnuih [on sang tơring ]ar git gai djop tơring glông e\p hơdră bong glăi tơlơi pơhing adai phang pơ-iă kơtang.

Djop tơring glông ăt ngă hơdră tum te] laih. Amăng blan 4 anai, djop tơring glông pơtum pok pơhai lu hơdră pơhlôm, pơgang adai pơ-iă không phang ngă rai, pơkă hơnong ia bruih pơpha bơkơnar’’.

Tui hăng tơlơi lăi pơthâo mơ\ng anom bruă pơkă lăng ayuh hyiăng lo\n glai adai rơhuông, hơdôm hrơi pơ anăp, adai pơ-iă kơtang sui hrơi dơ\ng [ơi Daklak.

Hơdôm tơring glông pơ Ea Kar, Krông Bông, Lak, Krông Năng, {uôn Đôn hăng Ea Sup adai pơ-iă kơtang hăng hmar hloh.

Hơdôm tơring glông, plơi prong amăng tơring ]ar Daklak glăk krăo lăng tong ten pơgang đơ đam phun pla kơ[ah ia bruih, hơdôm plơi pla mơnuih [on sang tơnap kơ[ah ia yua ăt e\p hơdră pơhlôm klă, djru mơnuih [on sang plai [iă tơnap tap kơ[ah ia yua.

Nay Jek: Pô ]ih hăng pôr