VOV4.Jarai-Tom jing sang ano\ hơmâo anăn [un rin, samơ\ yua gir run hrăm tui arăng, hơduah e\p boh thâo ia rơgơi bruă ngă hmua hăng hơmâo prăk djru mơ\ng Khul đah kơmơi, H’~uôl Niê, do\ pơ [on Hra B, să Ea Tul, tơring glông }ư\ Mgar, tơring ]ar Daklak hrưn đ^ hơmâo tơlơi hơdip mơda hơđong.

Hăng rơbêh 4 ektar lo\n hmua pla kơphê, tiu, boh `ông ta juăt boh kuel hăng pla kơsu sang ano\ `u glăk amăng thun pơhrui glăi s^ mơdrô, amăng 3 thun rơgao, r^m thun sang ano\ H~uôl Niê, do\ pơ [on Hră B, să Ea Tul, tơring glông }ư\ Mgar, tơring ]ar Daklak pơhrui glăi 300 klăk prăk.

H’~uôl brơi thâo, sang ano\ gơ`u glâo adih jing sang ano\ [un rin, tơlơi hơdip mơda kơnong ưh kơnang kơ 5 ar lo\n hmua am^ ama brơi đô], kơ[ah prăk tuh pơ alin anun yơh sang ano\ gơ`u bưp lu tơlơi tơnap tap.

Dơ\ng mơ\ng thun 2004, kơnang kơ khul đah kơmơi mut phung amăng să djru, H’~uôl Niê dưi ]an 8 klăk prăk dơ\ng mơ\ng sang bruă prăk djru mơnuih mơnam.

Hơmâo laih prăk, `u blơi pơjeh kơphê, tiu ba glăi pla, gir hrăm tui mơ\ng arăng, hơduah e\p boh thâo hơdră mă bruă sang ano\ ieo gah laih anun glăi hla tui, ngă bruă amăng đang sang pô.

Lơ\m kơphê aka prong `u pla phun pla [iă blan, ]em rông un, mơnu\ hăng pơkrem prăk blơi lo\n ngă hmua. H’~uôl Niê lăi:

‘’Hlâo adih tơlơi hơdip mơda tơnap tap biă mă, laih anun dơ\ng mơ\ng hơmâo jơlan hơdră kơnuk kơna djru kơ sang ano\ [un rin kâo dưi ]an prăk blơi pơjeh kơphê glăi pla, blơi pơjeh tiu, gong tiu pla plah amăng đang kơphê laih anun gir run răk rem brơi klă.

Kâo ăt ]an dơ\ng prăk mơ\ng anih pơko\n tuh pơ alin kơ bruă hăng hrăm tui hơdră phrâo mơ\ng sang ano\ ieo gah, hơdôm sang ano\ ngă laih hlâo kơ anun.

Truh ră anai tơlơi hơdip mơda sang ano\ gơmơi dưi dăi [iă laih pơkă hăng hlâo adih’’’.

Yua gir run mă bruă bơwih [ong huă, truh thun 2016, sang ano\ H’~uôl dưi pơklaih mơ\ng [un rin hơđong kjăp, jing sang ano\ ba gru hlâo amăng tơlơi bơwih [ong huă amăng plơi pla.

H’Won Niê, Khua khul đah kơmơi mut phung să Ea Tul, tơring glông }ư\ Mgar lăi, dơ\ng mơ\ng sang ano\ [un rin samơ\ yua thâo ngă tui boh thâo ia rơgơi amăng bruă ngă hmua pla pơjing laih anun ba yua prăk ]an tu\ yua, anun yơh sang ano\ bơn H’~uôl hơmâo tơlơi hơdip hơđong.

‘’Lơ\m mă bruă, yua prăk ]an prăk sang ano\ bơn H’~uôl tuh pơ alin kơ bruă mă laih dơ\ng hơduah e\p boh thâo ia rơgơi kơ hơdră wai lăng răk rem phun pla ba glăi boh tu\ yua yom, djru sang ano\ gơ`u dưi pơklaih mơ\ng tơlơi [un rin.

Anai le\ sa boh sang ano\ ba gru hlâo amăng Khul brơi ]an prăk wai lăng prăk ]an. Khul ăt pơtrut na nao adơi amai hrăm tui, ngă hrom anih pơtô bruă mă ngă đang hmua hăng anih khul mơnuih ngă hmua pok kiăng ba tơlơi thâo kơ mơnuih [on sang’’.

{u djơ\ kơnong bơwih [ong rơgơi đô] ôh, H’~uôl do\ djru tơlơi thâo thăi kơ adơi amai pơko\n amăng plơi, laih anun djru brơi ]an prăk ngă hmua. H’~uôl Niê brơi thâo.

‘’Găn rơgao tơlơi mă bruă r^m hrơi hơmâo [uh, ta bưp [u [iă ôh tơlơi lông lăng samơ\ gir hrăm tui, tơ`a hơduah boh thâo ia rơgơi mơ\ng pô pơko\n, hrăm tui mơ\ng mơnuih jum dar, dơ\ng mơ\ng kiăng hơmâo tơlơi thâo kơ ta pô, thâo hluh tong ten hăng ngă tui kiăng tu\ yua.

Yua kơ anun, tơdah adơi amai pơpă kiăng hrăm kơ hơdră bơwih [ong phrâo, hơdră ngă hmua pla pơjing le\ kâo amra lăi pơthâo brơi ano\ ta tom găn rơgao laih, kiăng [ing adơi amai e\p lăng hrăm hrom hơbit’’.

Tui hăng yă Trần Thị Phong, Kơ-iăng Khua khul đah kơmơi mut phung tơring ]ar Daklak, Khul đah kơmơi hơmâo wai lăng 1.400 klai prăk ]an mơ\ng lu hơdră bruă pha ra.

Dơ\ng mơ\ng rơnoh prăk anai, hơmâo djru koqư 52 rơbâo ]ô adơi amai mut phung ]an pioh pơđ^ kyar bơwih [ong huă, lui rơmo\n ako\n rin, pơphun bruă mă s^ mơdrô.

Yua kơ anun, kơnong amăng thun 2017 đô], hơmâo laih 2.250 boh sang ano\ [un rin yua đah kơmơi ngă pô dưi pơklaih mơ\ng [un rin.

Amăng thun blan pok pơhai brơi ]an prăk, khul đah kơmơi [un rin jing mơnuih djuai ania [iă hăng đah kơmơi do\ pơ kual giăm guai dêh ]ar hơmâo lu tơlơi gleng nao hloh.

R^m thun, Khul đah kơmơi djop gưl jao hơdră pơtô ba, djru hrom kiăng pơtrut adơi amai đah kơmơi pơklaih mơ\ng tơlơi [un rin.

Yua kơ anun, hơmâo jai hrơi lu đah kơmơi bơwih [ong huă rơgơi, hrưn đ^ mơ\ng sang ano\ tơnap tap jing sang ano\ pơđ^ kyar hơđong tơlơi hơdip mơda hloh amăng [on lan plơi pla pô.

Nay Jek: Pô ]ih hăng pôr