VOV4.Jarai - Rơbêh kơ 30 thun laih rai do# [ơi Daklak, samơ\ ha rơtuh bôh sang ano# mơnuih [ôn sang [ơi să Ea Toh, tơring glông Krông Năng ăt akă dưi mă yua apui lơtr^k lon ia ta mơn.

Neh wa ]ang rơmang gơnong bruă apui lơtr^k ta` tuh pơ plai ba apui lơtr^k glăi pơ\ plơi pla pioh djru kơ tơlơi hơd^p mơda hăng bơwih [ong huă.

Plơi Tân Trung B kơnong kơ ataih mơng krah să Ea Toh akă truh 1 km ôh, tui anun mơn hơdôm pluh thun hăng anai, abih bang ha rơtuh bôh sang ano# mơnuih [ôn sang mơng plơi ăt akă dưi dăng nao mơn apui lơtrik, lu sang ano# mơnuih [ôn sang khom yua prăk pô, dăng apui lơtrik mơng 1 truh kơ 3 km, mơng plơi pơkon glăi.

Bôh tơhnal, “Glông go\ng hre\” apui lơtrik [ơi Tân Trung B ră anai le\ hơdôm go\ng pơdo\ng mă jăng jai, hre\ apui dăng hyu grin grăn, lu ]ra\n ding dung giăm trun [ơi tur jơlan.

Yua kơ bruă dăng hre\ apui [u pơhlôm tui tơlơi pơkă anun rơngiă lu apui. Amăng mông mơmot, neh wa abih bang kah hăng [u dưi mă yua hơdôm măi mok pơke\ apui ôh. Hơdôm bôh sang ano# kiăng [o#p ia mơng ia rơwơi yua hai, ăt khom tơguan truh kơ krah mlăm mơn. Ơi Nguyễn Công Hoàn, mơnuih [ơi plơi Tân Trung B brơi thâo:

“Sa, dua mông mơguah m[s nao pit anun kah mơng dưi [o#p mă ia, bơ\ tơhrơi djop mơnuih apui tơdu đơi [u dưi mă yua ôh. Đa le\ hơdôm mơnuih gah hlâo apui, gơ`u [o#p ia [ơi tơkai [u thâo tơnă asơi dong tah, apui lơtr^k hrơi anun, pul apui, măi mok mă yua hăng apui lơtr^k leng kơ apui [ong abih”.

Ơi Nguyễn Văn Trung ăt le\ mơnuih amăng plơi Tân Trung B brơi thâo:

“Apui lơtrik tơdu biă, 5 mông tlam [o#p ia [u dưi ôh, truh 6 mông tlam tơnă asơi ăt tơsa\ mơn, [ong huă apui kơđen, pit apui lơtr^k, mơmot nao pit le\ apui kơtang. Tơlơi ]ang rơmang mơng mơnuih [ôn sang le\ hmâo apui lơtrik pioh ană bă hrăm hră”.

Ơi Phạm Ngọc Kỳ - Khoa git gai Ping gah plơi Tân Trung B brơi thâo, hăng tơlơi tuh pơ plai mă glông hre\ apui lơtr^k jăng jai kah hăng ră anai, m[s khom gơgrong ba noa apui lu biă bơhmu hăng hơnong noa mơng gơnong bruă apui lơtr^k. Tơlơi apui lơtrik tơdu rơgao đơi ăt ba truh lu tơlơi rơngiă ngiom kơ neh wa:

“Rơnoh noa apui lu biă, djơ\ ano# truh rơbêh kơ 3 rơbâo prăk lom sa kg. Apui lơtrik tơdu ngă răm abih hơdôm mơta gơnam mă yua amăng sang ano#. Neh wa ]ang rơmang hmâo apui yua phrâo”.

Ơi Trần Thái Thạnh – Khoa Jơnum min m[s să Ea Toh brơi thâo, [u djơ\ kơnong kơ plơi Tân Trung B, [ơi să Ea Toh ôh mơ\, lu bôh plơi pơkon ăt mă yua glông hre\ apui lơtr^k gơgrong tuh pơ plai mă pô jăng jai, rơngiă lu prăk kak biă:

“{ơi să Ea Toh, truh ră anai khă abih bang sang ano# m[s hmâo laih apui mă yua. Khă hnun hai tơlơi apui lơtr^k rong dăng mă ăt [u pơhlôm mơn.

Bôh nik [ơi să do# hmâo mơn rơbêh kơ 5 bôh plơi akă hmâo abih lơtr^k dưi tuh pơ plai tui djơ\ tơhnal pơkă.

}ang rơmang [irô apăn bruă anai, biă `u gơnong bruă apui lơtr^k đing nao tuh pơ plai ta` tuh pơ plai pioh pơdo\ng glông hre\ apui pơhlôm djơ\ tơlơi kiăng yua mơng m[s”.

Tui hăng anom bruă apui lơtr^k tơring glông Krông Năng, ră anai hmâo rơbêh kơ 600 [ut m[s do# [ơi lu bôh plơi pla [ơi tơring glông, glăk mă yua prăk pô dăng apui lơtr^k yua amăng sang ano#, lu `u [ơi hơdôm bôh să Ea Toh, Dliê Yang, Ea Tân.

Tơlơi kơ[ah apui lơtr^k sui thun ngă bơdjơ\ nao [u [ia\ ôh tơlơi hơd^p mơda hăng bruă bơwih [ong huă mơnuih [ôn sang./.

Siu H’ Prăk: Pô ]ih pơblang hăng pôr