VOV4.Jarai-Ngă tui ako\ bruă mơ\ng khua mua wai lăng tơlơi rơnuk rơnua jơlan glông dêh ]ar kơ bruă pơgang hơđong tơlơi rơnuk rơnua jơlan glông dêh ]ar, dơ\ng mơ\ng lơ 21/3 truh plah wah blan 5 thun 2019, tơhan anom bruă pel e\p jơlan glông gah anom bruă wai lăng jơlan glông dêh ]ar mrô III pơphun hyu ruh yaih ano\ gun dua bơnah jơlan kiăng pơgang tơlơi rơnuk rơnua rô nao rai [ơi jơlan 26 amăng tơring ]ar Daklak.

Rơbêh sa wơ\t hrơi tơjuh hăng anai, tơhan mơ\ng lu anom bruă kơnuk kơna hơmâo pơtum 6 boh rơdêh :

Rơdêh pơgiăng gơnam, rơdêh tơhan kông ang, măi uă kyâo, djop mơta gơnam yua mă bruă wơ\t mi krô pôr kiăng ruh yaih ano\ gun, sang ano\ mơnuih [on sang pơdong ]a ]ot kơtuai jơlan prang mrô 26, ]răn găn nao pơ tơring ]ar Daklak.

Uă kyâo ngă ging akiăng jơlan

Ring bruă kah hăng sang arăng, rơnưh bơbung tôl, pơnăng ]ih pôr; laih anun hyu ]riă, koh than kyâo ngă gun, ging h^ dua bơnah jơlan hu\i amu` hơmâo tơlơi pơjrom rơdêh nao rai [ơi tơring kual Phước An hăng să Ea Yông, tơring glông Krông Pa].  

Yua hơmâo pơtô pơblang laih hlâo, anun lu sang ano\ mơnuih [on sang thâo hluh bruă pơdong rơnưh [udah sang do\ kơtuai jơlan kơsing nao pơ jơlan le\, khom ruh h^, lơ\m hơmâo mơnuih apăn bruă kơnuk kơna nao ruh, gơ`u tu\ ư brơi ruh, ngă tui djơ\ tơlơi pơtrun.  

Ơi Nguyễn Duy Thanh do\ pơ să Ea Yông tơring glông Krông Pa] hơmâo sang `u pơdong jăng jai 30 met karê, djơ\ akiăng jơlan rô rơbat, kơtuai jơlan 26, `u khom ruh h^ `u pô yua ngă soh glăi:

‘’Ta pơdong sang [ơi akiăng jơlan djơ\ jơlan arăng rô rơbat ta soh baih lah.

Kơnuk kơna ruh h^ ta khom ruh mă glăi tôl, mă glăi gơnam ta, brơi glăi jơlan arăng rô nao rai.

Jơlan rơhaih akiăng jơlan agaih mơak kơ ta mơn rô nao rai rơnuk rơnua. Sit man pơdong sang hua] prăk kăk biă mă, kâo [uăn hăng kơnuk kơna [u man pơdong hrup anun dơ\ng tah’’.

Yua hơmâo pơtô lăi laih hlâo anun mơnuih [on sang thâo hluh ruh mă h^  sang pơdong [u djơ\

Jơlan 26 mơ\ng Daklak nao pơ tơring ]ar Khánh Hòa, glông ataih 151 km, dơ\ng mơ\ng tơring glông Ninh Hòa glăi pơ tơring glông Mdrak, Ea Kar, Krông Pa] laih anun truh pơ plơi pron {uôn Ama Thuôt.

Ngă tui ako\ bruă mơ\ng khua mua git gai pơgang tơlơi rơnuk rơnua jơlan glông dêh ]ar, dơ\ng mơ\ng lơ 21/3/2019, tơhan lu anom bruă kơnuk kơna ngă hrom gong gai djop tơring glông brơi ruh yaih h^ ano\ ngă gun kơtuai jơlan rô nao rai, khom [uăn [u pơdong ngă gun akiăng jơlan ôh, hơdôm rơtuh boh sang ano\ ngă soh khom ruh h^ sang do\, rơnưh pơdong ]a ]ot, kơsing nao pơ jơlan prong 26.

Tơhan mơ\ng lu anom bruă ngă tui khut khăt ruh yaih ano\ ngă gun akiăng jơlan prong

Ơi Nguyễn Văn Nghĩa khua khul hyu e\p jơlan glông mơ\ng anom bruă wai lăng jơlan glông dêh ]ar kual mrô III brơi thâo, hrom hăng bruă pơtô pơblang, anom bruă anai khom ngă tui khut khăt brơi ruh yaih ano\ gun akiăng jơlan:

‘’Khul tơhan lu anom bruă djru hrom ruh yaih ano\ ngă gun akiăng jơlan, pơnăng pôr pơthâo ]a ]ot, pơdong sang kơsing nao pơ jơlan, ngă rơnưh tă tăn brơi ruh abih.

Ră anai, hơmâo hơdôm boh sang ano\ [u gưt ruh, khul khom nao ruh pơgo# mơtam. Khul nao ngă bruă anai, ngă hrom khua mua amăng să hăng tơring glông ăt pơtô pơblang kơ mơnuih [on sang thâo hluh laih anun k^ pơkôl [u ngă soh glăi dơ\ng tah’’.

Boh tơhnal tơdơi kơ sa wơ\t hrơi tơjuh ngă bruă tơring glông Krông Pa], tơhan lu anom bruă hơmâo ruh h^ 18 ring bruă pơdong ]a ]ot; kah hăng sang tôl, sang pơdong simăng;

trơ\i lui, ruh h^ 60 boh bơbung sang; mă pơđuăi 87 pơnăng ]ih pôr dưm tă tăn; khul ăt mă pơkong lu blah du\ pơgang, kơ[ang grê dưm s^ mơdrô [u djơ\ hơdră [ơi kơtuai jơlan, rơdêh s^ mơdrô gơnam pơtrut hyu….

Lu pơnăng ]ih pôr ngă gun, ging mơta lăng lơ\m rô nao rai [ơi jơlan glông

Hrom hăng anun, anom bruă kơnuk kơna ăt koh drôm lui phun kyâo gun akiăng jơlan.

Dơ\ng mơ\ng anai pơ anăp truh plah wah blan 5 thun 2019, tơhan anom bruă hyu e\p jơlan glông dêh ]ar mơ\ng anom bruă wai lăng jơlan glông kual mrô III, gah ding jum jơlan glông dêh ]ar, amra ngă hrom khua mua djop tơring glông Ea Kar, Mdrak ăt hyu ruh yaih ano\ ngă gun [ơi akiăng jơlan mrô 26.

Nay Jek: Pô ]ih hăng pôr