VOV4.Jarai- Ră anai, kông ty sa ding kơna ba ia yua hăng tuh pơ alin man pơdong Daklak glăk ngă je] kơ]ăo bruă man pơdong sang măi ba ia yua kơ plơi prong {uôn Ma Thuôt hăng kual ieo gah.

Khă hnun, yua rơbêh hơdôm pluh boh sang ano\ mơnuih [on sang [u jao ôh lo\n djơ\ anih dưm truă đing ia, pioh ngă pơgiong bruă jao, anun bơbe] djơ\ kơ bruă man pơkra ring bruă ba ia yua anai.

Kơ]ăo bruă ba ia yua kơ plơi prong {uôn Ma Thuôt hăng kual ieo gah 3 boh tơring glông Ea Kar, Krông Năng hăng {uôn Đôn tơring ]ar Daklak hơmâo rơnoh tuh pơ alin 30 klăk 800 rơbâo Đôlar Mi, jing dưm dưm hăng 685 klai prăk.

Rơnoh prăk anai, ]an kơmlai [iă mơ\ng sang bruă prăk pơđ^ kyar kual ASIA (ADB) laih anun prăk mơ\ng tơring ]ar djru.

Anih man pơkra dơnao dưm ia glăk do\ man pơkra ta` biă

Sang măi hơmâo jua kơtang 35 rơbâo met kho#i ia sa hrơi mlam, hơmâo tom prăk dưm truă đing ia mơ\ng ia krông Sêrêpôk glăi pơ sang măi man pơdong [ơi Êa Ana, tơring glông Krông Ana, dưi man pơdong dơ\ng mơ\ng blan 11 thun 2017, rơnu] thun anai, sang măi amra giong.

Khă hnun, bruă man pơdong, dưm truă đing ia glăi pơ sang măi să Êa Ana, tơring glông Krông Ana tơ\i đưn h^.

Yua kơ 11 boh sang ano\ mơnuih [on sang dua boh plơi Tân Thắng, Tân Lập, să Êa Ana [u brơi arăng dưm truă đing ia găn nao pơ lo\n sang gơ`u.

Ơi Huỳnh Văn Thành pơ plơi Tân Thắng lăi le\, bruă dưm truă đing ia bơbe] djơ\ sang ano\, đang sang `u, yua kơ anun brơi arăng duh glăi kơ sang ano\ `u lăp kah dưi.

Bruă man pơkra dưm truă đing ia glăi pơ sang măi le\ tơ\i đưn h^

‘’Tơdah man pơkra hlơi pô gơgrong ba tơdơi anai, lo\n ]ơđang, dlưh sang, ngă răm pơnăng sang, pơ]ah atur sang gơmơi.

Tơdah [ing gih duh brơi lăp, gơgrong sit amăng bruă mă kâo brơi mơn, samơ\ kâo do\ pơmin man pơdong giong amra [u kar hăng hlâo dơ\ng tah [ơi hơdôm sang ano\ gơmơi’’.

Ơi Trần Văn Thiện, Khua kông ty sa ding kơna ba ia yua hăng tuh pơ alin man pơdong Daklak brơi thâo, hơdôm ]răn sang măi hrong ia dưi man pơdong [ơi đơ đam lo\n 1 ektar 4 ar.

Anih dưm dơnao man pơkra ngă ano\ hrong ia, dua boh sang pơdong ia prong 500 met karê glăk man pơkra giong.

Kơnong bruă dưm truă đing ia pơ să Êa Ana, tơring glông Krông Ana tơ\i đưn h^ yua kơ lu sang ano\ mơnuih [on sang [u tu\ ư jao glăi anih man pơkra.

Tơlơi anai ngă bơbe] djơ\ bruă man pơdong, ngă hnun sang bruă prăk pơđ^ kyar kual ASIA (ADB) [uh kaih le\, arăng mă glăi prăk mơtam, ba rơnoh prăk anun jao kơ pô pơkon dơ\ng.

Hơdôm sang ano\ mơnuih [on sang pơ să Êa Ana rơkâo duh glăi lu đơi, [u djơ\ tơlơi phiăn

‘’Gơ`u kiăng lơ\m sa met đing ia găn nao pơ lo\n sang gơ`u le\ prăk duh glăi mơ\ng 500 rơbâo prăk truh kơ 1 klăk prăk, tăp năng hơmâo sang ano\ rơkâo duh glăi 30 klăk prăk lơ\m anun lo\n gơ`u, djơ\ h^ anih dưm truă đing le\ [ơi akiăng jơlan rô nao rai anăp sang đô].

Tơdah tơlơi anai kaih le\, [u dưi dưm truă ta` đing ia sang bruă prăk jar kmar arăng mă glăi mơtam prăk, jao kơ ring bruă pơko\n dơ\ng, kơ` mơnuih [on sang mơn [u hơmâo ia yua, kông ty hăng jơnum min mơnuih [on sang tơirng ]ar le\ amra rơngiă kơnuih’’.

Yă H’Duyên Ksơr, Khua să Êa Ana, tơring glông Krông Ana brơi thâo, hlâo kơ pok pơhai ring bruă, khua mua pơ ala gah kông ty ba ia yua hăng tuh pơ alin man pơdong Daklak, khua mua sang să hăng lu anom bruă hơmâo jơnum ană plơi pla laih, brơi gơ`u thâo kơ bruă anai.

Lơ\m anun, lăi rơđah đing ia glông ataih 6,7 km, găn nao djơ\ hơdôm sang ano\ mơnuih [on sang.

Bruă man pơdong [u tơguan duh glăi lo\n mơnuih [on sang ôh, kơnong djru prăk [iă lơ\m glăk man pơkra dưm truă đing ia đô].

Abih bang mơnuih [on sang tu\ ư laih. Tơlơi mơ\ hơdôm sang ano\ mơnuih [on sang plơi Tân Thắng hăng Tân Lập [u brơi arăng man pơkra dưm truă đing ia le\ [u djơ\ ôh.

Yă H’Duyên Ksơr, Khua să Êa Ana lăi pơtong, kơ]ăo bruă pok pơhai djơ\, gong gai kơnuk kơna plơi pla ăt amra pơtô lăi ană plơi khom jao glăi ta`, pioh arăng man pơkra dưm truă đing ia hmao kru.

‘’{ing gơmơi amra jak iâu 3 boh sang ano\, abih 3 boh sang ano\ anai tu\ ư jao glăi, kông ty ăt amra ngă pơgiong bruă jao.

Laih anun, jak iâu hơdôm sang ano\ do\ glăi dơ\ng, kiăng jao ta` lo\n pioh man pơdong h^ giong ta` djơ\ hrơi blan pơkă’’.

Lu thun hăng anai laih, sit truh bơyan phang, plơi prong {uôn Ma Thuôt kơ[ah ia yua dơ\ng yơh.

Bruă man pơdong sang măi ba ia yua anai kơ plơi prong {uôn Ma Thuôt hăng kual ieo gah jing sa jơlan hơdră djơ\ biă mă mơ\ng tơring ]ar Daklak.

Anăm ôh yua hơdôm sang ano\ pơ să Êa Ana, tơring glông Ea Ana anun, aka tu\ ư jao glăi anih dưm truă đing ia mơ\ ngă bơbe] djơ\ kơ ring bruă ba ia yua brơi mơnuih [on sang, lơ\m anun ia yua kiăng je] biă mă kơ lu mơnuih [on sang dưi mă yua sui thun amăng kual hăng lu anih anom mơnuih [on sang do\ kiăng hơmâo ia ]i yua.

Nay Jek : Pô ]ih hăng pôr