VOV4.Jarai - Glăk amăng krăh bơyan phang thun 2018, hơdôm gơnong bruă pơgang dlai klô hrom hăng pô dlai [ơi tơring ]ar Daklak pok pơhai klă bruă pơgang, pơgăn apui [ong dlai kiăng pơhlôm brơi rơbêh kơ 526 rơbâo ektar dlai hmâo ră anai.

Rơbêh kơ 1 blan hăng anai, rơbêh kơ 50 ]ô mơnuih mơng Sang bruă bơwih [ong m[s sa ding kơna Plah tơsiong đang kyâu Krông Bông, tơring ]ar Daklak, [uh na nao [ơi hơdôm kual dlai klô pô wai lăng kiăng pel e\p hăng pơhrui pơ[ut djah kyâu do# glăi [ơi hơdôm kual dlai klô.

Ơi Bùi Văn Hưng, Khoa Anom wai lăng bruă pla kyâu pơtâo mơng sang bruă brơi thâo: Kiăng gơgrong hlâo amăng bruă pơgang, pơgăn apui [ong dlai klô, dong mơng ako# blan 12, sang bruă hmâo ngă tui laih lu tal jah agaih jum dar, pơhư prong jơlan pơgang apui, hlă hơdôm hnal lăi pơtă hlâo hu^ apui [ong dlai hăng lăi pơhing kơ mơnuih [ôn sang pơđ^ tui tơlơi pơmin pơgang dlai.

Amăng anun, đing nao truh dlai mơng 1-2 thun yua kơ anai le\ kual dlai amu` apui [ong.

Hăng hơdôm kual dlai amra hmâo tơlơi apui [ong dlai prong, sang bruă pơdo\ng hơdôm gru\p pơgang apui [ong dlai, hơdôm mơnuih wai lăng [ơi anăp ngă tui bruă pơgang hlôm hlâo, prah apui [ong dlai:

“Hơdôm anih anom hmâo tơlơi gơnam apui [ong [ơi rơgo#p tơ-ui kyâu kơpal [udah hơdôm jơlan jah agaih hu^ apui tơhlia le\ [ing mơng sang bruă [ơi anăp ngă bruă anai.

Tui hluai tơlơi ayuh hyiăng amra ngă tui amăng mơguah, tlam [udah mơmot.

Hmâo hơdôm anih anom pha ra kah hăng anih ]uh tui hơdră kl^ rơmung [u dưi ]uh le\ [ing gơmơi ngă hro\ tui [ơ [rư\ yua kơ, tơdah pioh hơnong hnun thơ apui amra [ong kơtang biă, hu^ rơhyư\t hăng hơdôm anih anom tui anun, sit `u [ing mă bruă apah [u khin pơsir ôh yua hu^ bruă gơgrong ba”.

            Mơnuih mă bruă mơng Sang bruă bơwih [ong m[s sa ding kơna Krông Bông jah agaih jum dar, hla krô [ơu yu\ phun kyâu

{ơi kual }ư\ Yang Sing, tơring glông Krông Bông, tơring ]ar Daklak, Khoa Sang bruă Lộc Xuân Nghĩa brơi thâo: Dlai wai lăng, pơgang giăm truh 60.000 ektar dlai klô hăng jơlan nao rai tơnap tap, tơ\i đơi yua kơ ]ư\ dlông, ia ]roh hnoh dơlăm anun tơdah hmâo tơlơi apui [ong amra tơnap wai lăng biă.

Yua anun, bruă pok pơhai hơdôm bruă pơgang, pơgăn apui [ong jing đing nao hlâo sôh.

Bơyan phang anai, kual dlai hmâo pơdo\ng 12 gru\p pơgang, pơgăn apui [ong, rim gru\p hmâo mơng 7 – 10 ]ô mơnuih, [uh [o# na nao [ơi kual dlai hmâo jao kiăng pơtă pơtăn mơnuih [ôn sang ngă tui tơpă tơlơi phiăn pơkă, tơlơi pơkôl pơgang hlôm hlâo, pơgăn apui [ong dlai.

Biă `u hơdôm kual giăm kual m[s do#, juăt hmâo mơnuih găn nao rai.

Amăng krăh bơyan phang, mơnuih apăn bruă hăng mơnuih mă bruă mơng anom khom do# gak hrơi mlăm pioh kơtưn hyu tir, wai lăng tơlơi [ơi dlai klô:

“Sa le\ pơkra jơlan găn apui prong 10m, jơlan pơgăn apui kiăng pơ pha anet hơdôm kual amra hmâo apui [ong prong, tơdah hmâo tơlơi apui [ong amra gal hloh.

Dua le\, [ing gơmơi juăt pơkiăo nao mơnuih hyu tir dlai klô gum hrom hyu tir wai lăng dlai klô, biă `u amăng hơdôm hrơi pơ-iă hang prong amăng blan 3 truh krah blan 5 anun le\ hơdôm hrơi phang kho#t hloh mơnuih apăn bruă do# gak hrơi mlăm kiăng hmao thâo pơsir hmâo tlôn hơdôm ano# răm rai tơdah hmâo apui [ong dlai”.

Khul hyu tir mơng Kual dlai }ư\ Yang Sing pel e\p dlai amăng krăh bơyan phang kho#t

Tui hăng ơi Mai Văn Kiện, Kơ-iăng Khoa Anom pơgang dlai kyâu tơring ]ar Daklak, ră anai đơ đam tơring ]ar hmâo rơbêh kơ 220.000 ektar dlai amra hmâo apui [ong prong, giăm truh kơ ha mơkrah kual dlai klô.

Amăng anun, biă `u [ơi tơring glông Mdrak, Lak, Ea Hleo, Krông Bông, Krông Năng, Ea Kar, Ea Sup…

Dong mơng bruă pơsit hơdôm kual dlai amu` apui [ong tui rơnoh, tơring ]ar Daklak hmâo pơ pha laih hơdôm khul pok pơhai bruă pơgang, pơgăn apui [ong dlai hăng pơdo\ng jơlan gah, pơsir tơlơi truh tơdah hmâo apui [ong dlai:

“{ơi anai [ing gơmơi pơsit 3 kual, kual amra hmâo apui [ong dlai prong, amra kơtang t^t hăng găp [rô.

Dong mơng hơdôm kual anai pơsit hơdôm jơlan gah pơgang pơgăn apui [ong dlai amăng anun kơtưn hyu lăi pơhing tơlơi phiăn pơgang dlai hăng pơgang dlai klô [ơi plơi pla, pơđ^ tui bruă gơgrong mơng pô dlai, đing nao pơ phun khul mơnuih pơ pha do# gak kiăng lăng tui, thâo ta` pioh pơsir.

Gah tơring ]ar hmâo hơdôm gru\p git gai na nao kiăng kơ lom hmâo apui [ong dlai truh amra dưi pơsir hmâo tlôn”.

Hăng tơlơi gơgrong hlâo, klă mơng hơdôm anih anom hăng gơnong bruă Daklak glăk run pran kơđiăng hlâo hăng apui [ong, pơsit pran jua [u pioh kual dlai klô răm rai yua kơ apui [ong./.

Siu H’ Prăk: Pô ]ih hăng pôr