VOV4.Jarai-Ngă tui tơlơi jak iâu ‘’{ing hlăk ai gum tơngan hrom man pơdong plơi pla phrâo hăng thâo rơgơi amăng plơi prong’’, blan pioh kơ [ing tơdăm dra hlăk ai rơnuk Hồ Chí Minh thun anai, tơring ]ar Daklak hơmâo ngă tui lu ring bruă, ]răn bruă pioh kơ [ing hlăk ai, pơphun lu bruă mă gum tơngan hrom yua  tơlơi hơdip mơda mơnuih [on sang, tơlơi tu\ yua kơ mơnuih mơnam.

Dong mơng kual ataih truh pơ plơi prong lêng kơ hơmâo gru tơngan hrom [ing hlăk ai tơdăm dra ngă hrom, pioh glăi tơlơi hiam mơak amăng pran jua mơnuih [on sang hăng gong gai kơnuk kơna.

Dong mơng ako\ blan 3 truh ră anai, sang ano\ amai H’~ip Niê pơ [on K’bu, să Hòa Khánh, plơi prong {uôn Ma Thuôt, tơring ]ar Daklak hơmâo hơdôm pluh ]ô tơdăm dra hlăk ai nao djru amăng bruă klơi lo\n, kuăi ia, pơđ^ [rik ngă sang, lu\k simang pơdong sang kơ mơnuih [on sang. Amai H’~ip Niê brơi thâo, `u pô le\ mơnuih rơwen rơwo laih dong sang ano\ lu ană bă anun yơh kơ[ah na nao, [u khin pơmin nao ôh kơ bruă man pơdong sang.

Pơkă lăng tơlơi ruă hăng [ơk ia jrao kơ mơnuih [on sang

Ako\ blan 3 thun anai, anom bruă hlăk ai tơdăm dra plơi prong {uôn Ma Thuôt hơmâo jak iâu pơ]ruh prăk, pơ alin h^ 30 klăk prăk pioh man pơdong sang rơbêh 60 m2, djru kơ sang ano\ amai H’~ip Niê dưi hơmâo sang do\ pơđao [iă, amai H’~ip Niê ră ruai:

‘’Kâo bơni kơ [ing hlăk ai tơdăm dra hăng khoa moa khul hlăk ai hơmâo djru man pơdong sang kơ sang ano\ gơmơi, ră anai [ing hlăk ai tơdăm dra djru man pơdong atur  sang giong laih, kâo le\ [u klă drơi jăn lơi, anun yơh [u anăm mă bruă hơge\t ge\t ôh.

Gơnam [ong huă r^m hrơi ăt do\ kơ[ah, sit ană bă duăm ruă le\, kâo hyu mă bruă apah kiăng hơmâo prăk blơi ia jrao, lo\n tơnah [u hơmâo lơi pioh ngă hmua pla pơjing.

Kâo ]ang rơmang khoa moa anom bruă hlăk ai plơi prong gleng nao djru lu hloh laih anun pơtrut pran jua sang ano\ gơmơi đa’’.

{ơi tơring glông Krông Ana, amai Lê Thị Thanh Thảo, Khoa git gai anom bruă hlăk ai tơdăm dra mut phung tơring glông brơi thâo, tơdơi kơ hrơi jak iâu blan pioh kơ [ing tơdăm dra, djop anom bruă tơdăm dra hlăk ai pơ să, plơi pla gum hrom tơgu\ mă bruă ha amăng ple\.

{ing tơdăm dra pơyơr drah hăng tơlơi khăp pap

Truh ră anai, hơmâo rơbêh 850 ]ô hlăk ai tơdăm dra pơyơr drah tơlơi khăp pap, hơdôm rơbâo ]ô tơdăm dra gum hrom bruă mă, hrơi bruă, man pơdong sang gum pơgôp, pơkra tơdrông toa, ]uk pơkra jơlan rô nao rai amăng plơi pla, kih rơmet pưk sang đang hmua, [ơi jơlan prong hăng [ơi anăp lan sang laih dong pla kyâo pơtâo mơtah mơda…

Hrom hăng anun, jak iâu anom bruă bơwih [ong huă s^ mơdrô, mơnuih pơdrong hơmâo pran jua ]ơmah djru prăk kăk hăng gơnam tam truh 200 klăk prăk pioh ngă tui bruă djru mơnuih mơnam amăng plơi pla. Amai Lê Thị Thanh Thảo brơi thâo:

‘’Ngă tui blan pioh kơ [ing hlăk ai thun 2017, [ing gơmơi hơmâo pơkra sa boh anih ngă tơdron pah boh lông pơ plơi K’Tăl, să Ea Bông noa `u 12 klăk prăk.

Kiăo tui dong, pơphun mă drah [ing hlăk ai pơyơr drah thun 2017, hrom hăng anun pơphun ngă bruă pioh kơ [ing hlăk ai do\ glăi ngă bruă pơko\n amăng thun 2017.

Rơkâo djru 59 tơn simăng mơng anom bruă mơdrô pioh djru kơ bruă man pơdong plơi pla phrâo amăng lu anih, kah hăng pơkra jơlan glông nao rai [uh rơđah abih bang [ing hlăk ai tơdăm dra ngă hrom soh’’.

Yap truh mông anai, djop anom bruă hlăk ai tơdăm dra [ơi tơring ]ar Daklak hơmâo pla laih 100 rơbâo phun kyâo mơtah mơda, pơtrut kơtang bruă mă anăn ‘’Hrơi năm pơyơr pran jua’’, ‘’Hrơi tơjuh mơtah mơda’’; jak iâu ngă tui tơlơi pơtrun  hrơi mông jar kơmar pơkrem apui lơtrik, mă yua ring bruă anăn ‘’Tu\i apui bơnga] kơ plơi pla’’ hơmâo 50 km jơlan hre\ apui lơtrik [ơi să truh pơ plơi pla, djru kơ mông pơplông hrăm hră yua kơ hlăk ai soh ngă bruă.

Boh nik `u, amăng hơdră [ing hlăk ai pơyơr pran jua, hlăk ai Daklak ngă lu ring bruă yôm kah hăng dưm troă măi hrong ia hơdjă pioh mơ`um, djru kuăi pơhuet hnoh ia, ]roh hnoh, man pơdong sang djru akhăn mriah brơi ]ơđai sang hră [un rin, man pơkra 15 boh tơdron pah boh lông [ơi 15 boh  tơring glông, nao ]uă hăng [ơk gơnam kơ sang ano\ hơmâo anăn kơnuk kơna djru; sang ano\ tơhan rơka rơka] hăng rơnoh prăk truh kơ 1 klai 200 klăk prăk;

Pơkra tơdrông toa kơ mơnuih [on sang kual plơi pla

rơbêh 123 rơbâo ]ô hlăk ai amăng tơring ]ar djru pơyơr drah tơlơi khăp păp. Ayong Y Nhuân {yă, Khoa git gai hlăk ai tơdăm dra tơring ]ar Daklak brơi thâo, [ing hlăk ai le\ jing [ing ba gru hlâo amăng djop bruă ‘’Pơpă kiăng le\ hơmâo tơdăm dra hlăk ai yơh-pơpă tơnap tap hơmâo tơdăm dra hlăk ai djru hrom’’. Ayong Y Nhuân {yă lăi tui anai:

‘’Dong mơng ako\ thun mơtam, khoa git gai hlăk ai tơring ]ar hơmâo prăp lui hơdră bruă pioh git gai mă bruă sa amăng ple\ amăng tơring ]ar mơtam, [ing hlăk ai yơh jing phun kơ tơlơi djru mơnuih [on sang.

Truh ră anai, djop tơring glông, plơi prong, pơphun bruă mă blan kơ [ing hlăk ai giong laih. Tơdơi kơ pơphun bruă mă, hơmâo pơphun lu bruă man pơdong sang khăp pap, sang akhăn mriah ]ơđai sang hră brơi kơ ]ơđai muai [un rin, djru pơkra jơlan amăng plơi pla…’’

Dưi lăi, bruă mă mơng [ing hlăk ai kơsung nao pơ anăp, mă bruă pơyơr pran jua le\ hơmâo anom bruă hlăk ai tơring ]ar Daklak djru mơnuih [on sang lu biă mă, do\ glăi le\ mơnuih [on sang khăp, laih abih bruă glăi pơ anih mă bruă mơnuih [on sang hning tui laih anun đăo kơnang biă mă kơ hlăk ai mă bruă ba glăi boh tơhnal tu\ yua lu, hơdip mơda mă bruă yua kơ ană plơi pla, rơđah biă mă `u djru kơ gong gai kơnuk kơna hăng mơnuih [on sang pok pơhai man pơdong plơi pla phrâo tu\ yua hloh.

          Nay Jek: Pô ]ih hăng pôr