VOV4.Jarai - Hăng sa amăng hơdôm bôh plơi [un rin hloh [ơi să Ea Kuêh, tơring glông }ư\ Mgar, tơring ]ar Daklak, tơlơi hơd^p mơda neh wa plơi Hơdang glăk pơplih amăng [rư\ gơnang kơ hmâo apui lơtr^k lo\n ia ta.

Rim đang war, đang hmua leng jing mơtah hle# hloh; rim sang ano# leng kơ bơnga] rơđah, pơđao lom amăng mlăm mơmot; tơlơi bơwih [ong mơng rim sang ano# amăng plơi ăt glăk [ơi rơnoh pơđ^ kyar amăng [rư\ mơn.

Phrâo hmâo rơbêh kơ 2 thun hmâo apui lơtr^k mơ\ tơlơi bơwih [ong mơng sang ano# Triệu Tiến Đức, [ơi plơi Hơdang hmâo pơđ^ kyar [uh rơđah mơtăm.

Sang do# dưi pơkra klă hiam, đang tiu mơtah hle#, hmâo lu bôh. Ayong Đức pok hre\ apui, măi [o#p ia đuăi rơra\ng.

Tơdơi kơ anun, hăng glông đing hăng [éc dưi prăp lui hlâo, đơ đam đang phun pla dưi pruih ia mă pô [u kiăng dar măi pơđuh ôh, dui đing ia nao [ơi rim phun pla kah hăng hlâo adih dong tah.

Tui hăng tơlơi ju\ yap mơng `u, hăng rơbêh kơ 1.000 [e\ go\ng tiu hăng 1,7 ektar đang kơ phê mơng sang ano#, rim thun `u pruih mơng 4-5 tal.

Tơdah yua măi pơđuh thơ sa tal pruih rơngiă hmâo mơn 4 klăk prăk ia jâu hăng pluh pran mơnuih mă bruă.

Ră anai hmâo apui lơtr^k, pruih mă pô, prăk mă yua [u lu đơi ôh, gơnang kơ anun, sang ano# `u hmâo dong prăk răk pioh.

Hăng rơnoh anun, `u glăk pơmin nao pơhư prong bruă bơwih [ong huă, pla dong 7 ar đang kơ phê, tiu kiăng pơđ^ kyar bơwih [ong huă.

Tơlơi hơd^p mơda, [ong huă djop mơta, ăt jing gal hloh lu mơn bơhmu hăng hlâo adih:

“Hlâo adih yua apui pơke\ hăng pơ-iă yang hrơi ăt yua hăng [inh mơn, rim thun blơi sa [inh năng ai `u 8Ampe, kơnong kơ dưi lăng mă tivi đo#].

Hmâo apui lơtr^k hmâo yua kơtu ngă pler, [o#p ia pruih.

Hmâo apui lơtr^k le\ gêh gal lu biă, tơlơi bơwih [ong dua thun hăng anai rơnang [ia\ lu biă.

Bơhmu hăng djop thun hlâo 20-25 klăk prăk, bơ\ ră anai le\ mơng 40-50 klăk prăk”.

Mơnuih mă bruă [ơi Sang bruă apui lơtr^k Daklak dưm truă apui kơ mơnuih [ôn sang plơi Hơdang

Tơlơi bơwih [ong đ^ kyar, neh wa amăng plơi Hơdang pơsur [ing go\p brơi ană bă nao sang hră, tui hrăm bôh hră. Hmâo apui lơtr^k bruă hrăm hră mơng ]ơđai muai [ơi plơi pla ăt gêh gal hloh mơn.

Nai Nguyễn Thị Tình, Khua wai lăng anih hrăm 4A1, Sang hră gưl sa Lý Tự Trọng, pơdo\ng mă [ia\ [ơi plơi Hơdang lăi pơthâo, hlâo adih lom akă hmâo apui lơtr^k, bruă hrăm hră [ing ]ơđai amăng plơi tơnap biă.

Tơhrơi le\ pơ-iă hang, bơngot nga` biă, ]ơtlam le\ adai rơngin amăng anih hrăm mơmot t^t, nai hăng ]ơđai sang hră khom hyu rơvư tui rim bôh hră.

Bơ\ yap mơng hrơi hmâo apui lơtr^k truh ră anai, tơlơi hrăm hră mơng [ing ]ơđai klă hloh laih, nai pơtô le\ dưi yua mă kompiutơr, măi pơdah brơi lăng, mă yua hơdră măi mok phrâo kiăng hơdôm tơlơi pơtô pơblang [uh lu mơta hloh, ngă lu ]ơđai hor hrăm hloh.

“Adai mơ\ hơjan thơ mơmot biă, [u [uh jơlan nao, wot nai hăng ]ơđai sang hră ]ih hăng lăng đ^ hăng dlông kơ[ang tơnap biă.

Lom adai pơ-iă hă, [ing ]ơđai tơbiă ngui ngor giong mut anih hrăm pơ-iă hang biă, [le\ ia ha#u ia hang.

Dong mơng hrơi pơke\ apui lơtr^k, hmâo măi pưh ha#u tơlơi anun ăt plai [ia\ mơn, [u kiăng bơngot kơ tơlơi anun dong tah”.

Mơnuih mă bruă [ơi Sang bruă apui lơtr^k Daklak hyu hơduah glông hre\ apui kơ neh wa wa plơi Hơdang

Plơi Hơdang ră anai hmâo 130 bôh sang ano#, 499 ]ô mơnuih, amăng anun, rơbêh kơ 90% le\ neh wa djuai ania [ia\. Anai dưi lăng le\ plơi tơnap tap mơng tơring glông }ư\ Mgar.

Lom hlâo kơ thun 2018, mơnuih [ôn sang amăng plơi jai kraih [uh tơnap tap hloh lom [u hmâo apui lơtr^k pioh yua hăng pruih kơ phun pla.

Lom anun [u hmâo apui lơtr^k, jơlan nao rai, tơnap tap djop mơta, lu mơnuih [u dưi gơgrong do# glăi ôh khom đuăi nao do# pơ\ anih pơkon.

Khua plơi Triệu Dương Thế hơdor glăi, ako# thun 2018, tal blung a lăng [uh bơnga] apui lơtr^k mơng lo\n ia, neh wa amăng plơi hlơi hlơi leng kơ mơ-ak sôh.

Hrơi anun, ăt le\ gru pơđom pioh pơphun brơi hơdôm tơlơi pơplih [uh rơđah [ơi kual lo\n anai.

Ră anai amăng rim sang ano#, neh wa ăt blơi prăp mơn djop mơta gơnam tam mă yua hăng apui lơtr^k.

Djop hơdră pơtrun, jơlan gah mơng Ping gah yua anun mơ\ amu` mơn truh hăng neh wa.

Mơnuih [ôn sang hơđong pran jua gơgrong do# glăi hăng plơi pla hrưn đ^ ngă pơdrong; kơ]ăo bruă, tơlơi pơmin tuh pơ plai kơ bruă ngă đang hmua kiăng pơđ^ kyar sang ano# sui hăng anai jai hmâo tơhnal ngă tui hloh.

“Dong mơng hrơi hmâo apui lơtr^k mơnuih ngă đang hmua [ơi anai djop mơta gơnam kiăng mă yua amăng sang do# dưi blơi prăp klă hiam hloh.

Dua thun hlâo adih le\ kơnong ngă bơnga] amăng mlăm mơmot đo#], mơng hrơi hmâo apui lơtr^k sang ano# blơi prăp tivi, kơtu ngă pler, măi bôh sum ao, măi pruih ia leng kơ hmâo sôh.

Lăi hrom djru m[s pơđ^ kyar bơwih [ong jai hrơi jai đ^ kyar”.

Rơwang bruă pơke\ apui kơ plơi Hơdang hăng plơi Jarai, să Ea Kuêh gah Rơwang bruă pơke\ apui [ơi plơi pla mơng glông hre\ apui lơtr^k lo\n ia (tal 1) tuh pơ plai kơ sa dua bôh plơi pla hmâo tơlơi kiăng kơ apui yua, yua kơ Gơnong bruă s^ mdrô ngă pô tuh pơ plai.

Ring bruă mă yua jing phun than pioh m[s hơđong tơlơi hơd^p mơda, gơgrong hlâo e\p jơlan pơđ^ kyar bơwih [ong huă, hrưn đ^ tơtlaih mơng [un rin, ngă pơdrong.

Ring bruă apui lơtr^k [ơi plơi Hơdang hmâo pơtrut đ^ phun kơ bruă bơwih [ong huă, ngă đang hmua, pơjing pran pơđ^ kyar bơwih [ong, pơđ^ tui tơlơi hơd^p mơda kơ neh wa [ơi anai./.

Siu H’ Prăk: Pô ]ih pơblang