VOV4.Jarai - Gơnang kơ pơ plih phrâo hơdră pơ phô wai lăng hăng đing nao tuh pơ plai pơplih pơkra glông hre\ apui lơtr^k, pơke\ hrom hăng ano# klă apui lơtr^k [ơi Daklak [u pơdơi pơlih phrâo.

Tơdơi kơ tu\ mă glông hre\ pơglưh apui lơtr^k [ơi plơi pla mơng anom mă bruă apui lơtr^k Ea Kar, Sang bruă apui lơtr^k Ea Kar đing nao ngăn rơnoh 30 klai prăk tuh pơ plai pơplih pơkra, pơđ^ tui glông hre\ apui, plai [ia\ hao apui, djru mơnuih yua apui dưi mă yua apui hơđong kơja\p hloh.

Tơdơi kơ lu thun wai lăng, mă yua hăng s^ apui lơtr^k brơi giăm truh 11.000 ]ô mơnuih blơi yua, glông hre\ apui yua kơ Anom mă bruă hrom apui lơtr^k ia yua Ea Kar hmâo răm tui prong.

Mơng rơnu] thun hlâo, glông bruă anai dưi jao kơ Sang bruă apui lơtr^k Ea Kar (gah Sang bruă apui lơtr^k Daklak), hăng 3 km apui lơtr^k găp [rô, 120 km glông glưh apui .

Ơi Trần Văn Dũng – Kơ-iăng Khoa Sang bruă apui lơtr^k Ea Kar brơi thâo, abih bang prăk mă yua kiăng pơplih pơkra glông jơlan anai rơbêh kơ 46 klai prăk.

“Tơdơi kơ tu\ mă, gơnong bruă apui lơtr^k hmâo pơ phun hyu pel e\p, pơsit glăi kông ngăn ră anai ăt kah hăng măi pơkă yap mơn, [uh hmâo lu anih anom răm tui prong laih, [u pơhlôm dong tah.

Sang bruă apui lơtr^k Ea Kar hmâo pơdo\ng laih hơdôm rơwang bruă hăng dưi pơsit, hăng abih bang rơnoh tuh pơ plai kơ abih bang glông hre\ apui lơtr^k yua kơ Anom mă bruă hrom jao đ^ truh rơbêh kơ 46 klai prăk”.

Truh ră anai, Sang bruă apui lơtr^k Ea Kar phun `u ngă giong laih bruă pơlih pơkra, pơ plih măi pơkă yap apui brơi giăm truh  12.000 ]ô mơnuih mă yua apui gah 34 bôh anom pơke\ apui.

Pơdo\ng phrâo 26 bôh anom pơke\ apui, dưm truă giăm truh 4 km jơlan hre\ apui  găp [rô hăng 35 km jơlan hre\ glưh apui. Mơng ako# thun anai pơ plih laih abih bang hơdôm măi pơkă yap, hăng giăm truh 12.000 kông tơ điện tử.

Ơi Nguyễn Văn Hùng [ơi khối  4, tơring kual Ea Kar, tơring glông Ea Kar brơi thâo, mơng hrơi jing pô blơi apui yua mơng Sang bruă apui lơtr^k Daklak, bruă mă yua apui tr^k pơhlôm hloh, lom hmâo tơlơi truh dưi pơsir hmao tlôn hloh.

“Hlâo adih lom sang ano# [u hmâo apui le\ iâu Anom mă bruă hrom ăt rơngiă hmâo mơn 2, 3 hrơi  mơng dưi pơkra.

Kông tơ le\ gah anom mă bruă hrom mông apui [u hmâo pel e\p, [u hmâo automat, ră anai yua gah Sang bruă apui lơtr^k le\ mông apui pơhlôm hloh, mông apui điện tử, hmâo automat hlao, pơhlôm hloh.

Apui mơng anom mă bruă hrom mơ\ hơdai ba nao kơ Sang bruă apui lơtr^k le\ gong hre\ apui pơhlôm hloh mơn, m[s ăt hơđong pran jua hloh mơn”.

Ơi Lê Hoài Nhơn, Kơ-iăng Khoa Sang bruă apui lơtr^k tơring ]ar Daklak brơi thâo, hơdôm thun hlâo adih glông hre\ apui lơtr^k plơi pla, biă `u hăng glông hre\ apui tơdơi kơ gơnong bruă apui lơtr^k tu\ mă mơng hơdôm bôh anom mă bruă hrom, lu bơnah dăp dưm [u djơ\ tui tơhnal pơkă, păng prong pơke\ apui glông agaih, jơlan hre\ anet, [u pơhlôm lu djuai… ngă [u pơhlôm kơ mơnuih mă yua, biă `u hmâo laih tơlơi truh lom mă yua apui lơtr^k. Mơta pơkon, ano# kơja\p apui yua [u pơhlôm, biă `u hơdôm anih rơnu] hre\ apui, [u djop apui pioh yua, bơwih [ong huă.

Hơdôm thun rơgao, Sang bruă hmâo pok pơhai pơhrua nao hrom hơdôm jơlan hơdră apui lơtr^k plơi pla hăng hơdôm rơwang bruă pơkra glăi, pơplih  hre\ apui mơng ngăn rơnoh ]an mơng dêh ]ar ta] rơngiao.

Truh ră anai, đơ đam tơring ]ar hmâo pơdo\ng hăng pơplih pơkra glăi rơbêh kơ 732 km jơlan hre\ apui găp [rô; giăm truh 1.400 km jơlan hre\ glưh apui; 442 bôh anom pơke\ apui hăng abih bang prăk tuh pơ plai rơbêh kơ 877 klai prăk. Ơi Lê Hoài Nhơn pơsit:

“Hrim thun, bruă gơgrong mơng [ing gơmơi le\ pioh sa mrô lu biă, pơ pha hơdôm rơwang bruă tui hluai ]an prăk mơng dêh ]ar ta] rơngiao, [ing gơmơi tuh pơ lai pơkra glăi glông hre\ apui, pơhư prong glông hre\ apui [ơi kual plơi pla, kiăng djop apui yua kơ m[s.

Sa le\ apui pioh pơ]rang rơđah tơnă hơbai hăng biă `u pơhlôm kơ bruă bơwih [ong huă s^ mdrô kiăng đ^ tui tơlơi hơd^p mơda, đ^ kyar go\ mo\”.

Gơnang kơ dưi lăng ba tuh pơ plai, pơkra glăi hăng pơplih hơdră wai lăng, truh ră anai, ano# kơja\p mơng bruă bơwih brơi kơ apui lơtr^k [ơi Daklak dưi pơđ^ tui laih, pơhlôm amăng bruă mă yua, djru pơtrut đ^ kyar bơwih [ong huă, pơđ^ tui tơlơi hơd^p mơda [ơi tơring ]ar.

Siu H’ Prăk: Pô ]ih hăng pôr