VOV4.Jarai-Yua bơblih hơdră git gai wai lăng tuh pơ alin ming pơkra, dăng hre\ apui lơtrik, ngă hrom pơđ^ tui ano\ tu\ yua bruă yua apui lơtrik [ơi Daklak [u pơdơi ôh bơblih phrâo.

Lu thun laih rơgao wai lăng, mă yua hăng s^ mơdrô apui lơtrik kơ giăm 11 rơbâo boh sang  ano\, bruă djru apui lơtrik yua mơng Anom ngă hrom apui lơtrik Ea Kar sô laih. Dơ\ng mơ\ng rơnu] thun hlâo, glông hre\ apui lơtrik anai hơmâo jao kơ anom apui lơtrik Ea Kar gah kông ty apui lơtrik Daklak wai lăng, hơmâo 3 km hre\ apui lơtrik jua kơtang man [rô, 120 km jua kơtang tơdu.

Tơdơi kơ tu\ mă wai lăng hre\ apui lơtrik tơdu dăng nao pơ plơi pla yua kơ anom bruă ngă hrom apui lơtrik Ea Kar, anom apui lơtrik tơring glông Ea Kar pơtum prăk tuh pơ alin, pơđ^ tui jua kơtang hre\ apui lơtrik klă hloh.

Ơi Trần Văn Dũng-Kơ-iăng khua anom bruă apui lơtrik Ea Kar brơi thâo, rơnoh prăk pioh ming pơkra glăi glông hre\ apui lơtrik anai rơbêh 46 klai prăk:

‘’Tơdơi kơ tu\ mă bruă jao glăi, anom apui lơtrik gơmơi hơmâo pơphun nao e\p lăng, pơtong glăi dram gơnam ăt kah pơkă lăng hre\ apui, [uh lu hre\ apui lơtrik sô laih, [u rơnuk rơnua ôh.

Anom apui lơtrik Ea Kar hơmâo pơkra hơdră laih anun pơsit brơi tuh pơ alin abih bang bruă ming pơkra hre\ apui lơtrik mơng anom ngă hrom anai truh kơ 46 klai prăk’’.

Truh ră anai, Anom bruă apui lơtrik Ea Kar ngă pơgiong laih bruă ming pơkra phrâo, pơhrua măi pơkă apui lơtrik kơ giăm 12 rơbâo sang ano\, anom bruă pơke\ yua apui lơtrik [ơi 34 boh anih pơtơdu apui lơtrik.

Man pơkra phrâo 26 boh anih ngă pơtơdu kơtang apui lơtrik, dăng hre\ apui lơtrik giăm 4 km hre\ anet tơdu [iă hăng 35 km hre\ apui lơtrik tơdu hloh.

Dơ\ng mơ\ng ako\ thun truh ră anai abih bang măi pơkă mông apui lơtrik kơ 12 rơbâo boh sang ano\ dưm truă hăng điện tử soh.

Ơi Nguyễn Văn Hùng, [ut 4, tơring kual Ea Kar, tơring glông Ea Kar brơi thâo, dơ\ng mơng hrơi jing pô blơi apui lơtrik mơng kông ty apui lơtrik Daklak, bruă mă yua apui lơtrik rơnuk rơnua hloh, sit hơmâo tơlơi truh dưi pơsir hmao kru mơn:

‘’Hlâo adih sit sang ano\ răm apui lơtrik hă iâu anom bruă ngă hrom apui lơtrik, sui 2,3 hrơi kah ming pơkra glăi.

Kôngtơr mông dar apui lơtrik [u hơmâo pơkă ôh, [u hơmâo automat, ră anai gah kông ty apui lơtrik arăng dưm brơi mông pơkă apui lơtrik klă biă mă, mông dar hăng điện tử laih anun hơmâo automat, hơđong hloh.

Apui lơtrik mơng anom ngă [ong hrom bơblih jing kông ty apui lơtrik le\, gong apui lơtrik ăt dưi ming pơkra kjăp mơnuih [on sang hơđong [iă pran jua’’.

Ơi Lê Hoài Nhơn, Kơ-iăng Khua kông ty apui lơtrik Daklak brơi thâo, hơdôm thun hlâo adih, hre\ apui lơtrik kual plơi pla, boh nik `u apui lơtrik mă mơng hơdôm boh anom bruă ngă hrom, lu kơ hre\ apui lơtrik pơke\ yua aka [u djơ\ hơnong ôh;

 hre\ dăng nao pơ sang ano\ mơnuih [on sang yua le\ hre\ anet [u djơ\ sa hơnong, anun hu\i biă mă [u rơnuk rơnua, biă mă `u [ing pơke\ pơ rơnu] adih [u djop apui lơtrik yua dong tah, apui tơdu biă mă.

Hơdôm thun giăm anai, kông ty hơmâo pok pơhai ngă tui lu bruă man pơdong plơi pla phrâo, ]an prăk dêh ]ar ta] rơngiao pioh dăng hre\ apui lơtrik.

Truh ră anai, hơmâo man pơdong hăng bơblih pơkra rơbêh 732 km hre\ apui lơtrik man [rô;

giăm 1.400 km hre\ apui lơtrik tơdu; 442 boh anih pơtơdu kơtang apui lơtrik hăng rơnoh prăk tuh pơ alin 877 klai prăk. Ơi Lê Hoài Nhơn brơi thâo:

‘’R^m thun tơlơi gơgrong mơng [ing gơmơi le\ e\p prăk ]an lu biă mă, brơi pơkra ming glăi gong, hre\ apui lơtrik, prăk anai ]an mơng dêh ]ar ta] rơngiao, [ing gơmơi tuh pơ alin, pok prong anih dăng nao hre\ apui lơtrik kual plơi pla, kiăng djop apui lơtrik kơ mơnuih [on sang yua.

Mơta sa le\ apui pioh yua dua le\ pioh ngă bruă bơwih [ong huă, s^ mơdrô pơđ^ tui tơlơi hơdip mơda kơ mơnuih [on sang’’.

Yua kơ hơmâo gleng nao tuh pơ alin, pơđ^ tui hơdră git gai wai lăng, truh ră anai, tơlơi bơwih [ong huă, bruă pơke\ apui lơtrik kơ mơnuih [on sang yua [ơi Daklak hơmâo bơblih pơđ^ tui, pơgang tơlơi rơnuk rơnua hơđong, djru pơtrut đ^ tơlơi bơwih [ong huă, tơlơi hơdip mơda kơ mơnuih [on sang.

Nay Jek: Pô ]ih hăng pôr