VOV4.Jarai – Bơyan phang khôt djơh hăng ră anai, [ơi Daklak hăng hơdôm tơring ]ar amăng kual Dap kơdư glăk amăng bơyan phang khôt mơtam yơh hăng adai pơ-iă sui hrơi, ayuh hyiăng hlor kơtang [ơi lu anih amra amu` biă apui [ong glai.

Anom bruă pơgang glai klô djop tơring glông, djop plơi pla glăk dik dăk pok pơhai ngă tui lu hơdră pơhlôm, pơgang hlâo apui [ong glai.

Tuấn Long pô mă tơlơi pơhing phrâo gong phun jua pơhiăp Việt Nam do\ [ơi kual Dap kơdư hơmâo tơlơi ]ih lăi nao kơ tơlơi anun tui anai.

Anih pơgang glai klô hlô mơnong dêh ]ar wai lăng, Ea Sô (Ea Sôr), tơring glông Ea Kar, tơring ]ar Daklak hơmâo rơbêh 24 rơbâo ektar glai rưng.

Bruă mă pơhlôm, pơgang glai rưng hu\i apui [ong glai mơ\ng djop pô glai [ơi Daklak ngă tui kho\p mơtam

{ơi kual anai lu biă mă `u kyâo pơprong, kyâo amăng plao, rok tok kơpal, amu` biă hơmâo tơlơi truh apui [ong glai, boh nik `u amăng bơyan phang khôt.

Ơi Nguyễn Kim Anh, Kơ-iăng khua anom bruă tơhan wai lăng glai klô mrô 4, anih pơgang glai klô Ea Sô brơi thâo, kiăng pơgăn ano\ răm [ăm yua kơ apui [ong glai ngă, tơdơi kơ pơdơi ngă yang thun phrâo [ong tết Kỷ Hợi 2019, Khua mua tơhan wai pơgang glai klô Ea Sô, hơmâo pơpha lu hơdră pơhlôm, pơgang apui [ong glai:

‘’{ing gơmơi pok pơhai lu bruă mă pơhlôm pơgang glai rưng hăng ba nao lu mơta rơdêh, măi mok, jah kai h^ ngă jơlan pơgăn apui [ong rôk hyu;

 brơi tơhan do\ găk amăng sang gak ngă rơnưh hrơi mlam e\p lăng, kiăng ta` [uh hăng pơgăn apui [ong glai;

rơngiao kơ anun, [ing adơi ayong ăt hyu pơtô pơblang ngă hrom mơnuih [on sang amăng kual giăm klai klô, kiăng pơtrut bruă ngă pơhlôm pơgang apui [ong glai’’.

Tơlơi hu\i rơhyưt kơtang biă mă apui [ong glai [u djơ\ kơnong amăng kual glai klô đô] ôh, wơ\t amăng glai klô kyâo pơtâo arăng pla hai [ơi Daklak, hu\i biă apui jă [ong glai.

Tơlơi hu\i rơhyưt apui [ong glai [ơi Daklak kơtang biă mă

Ơi Bùi Văn Hưng, Khua anom wai lăng glai pơgang plơi, sang bruă sa ding kơna wai lăng glai rưng Krông Bông brơi thâo, sang bruă gơ`u wai pơgang 32 rơbâo ektar glai rưng, amăng anun rơbêh 2 rơbâo ektar glai rưng, kyâo pla.

Lu kơ đơ đam lo\n glai pla le\, ]ư\ ]an, giăm anih ngă hmua mơ\ng mơnuih [on sang anun amu` biă mă hơmâo apui [ong, biă mă `u amăng bơyan không phang khôt.

Yua kơ anun, bruă mă pơhlôm pơgang apui [ong glai, anom bruă gơ`u pok pơhai kho\p mơtam:

‘’Ră anai, anom bruă gơmơi ako\ pơjing 5 grup hyu e\p lăng, 5 grup mă bruă je] ame] kiăng pơgang apui [ong glai.

Bruă mă ]uk, kai h^ glông, ngă jơlan pơgăn apui [ong rôk hyu, ră anai ngă giong laih. Gơmơi glăk jak iâu mơnuih [on sang ngă hrom hăng pơtô pơblang brơi kơđiăng, pơhlôm, pơgang apui [ong glai’’.

Daklak ră anai, hơmâo 500 rơbâo ektar glai rưng, amăng anun hơmâo giăm 20 rơbâo ektar glai rưng kyâo arăng pla.

Ơi Mai Văn Kiện, Kơ-iăng khua anom bruă tơhan pơgang glai rưng tơring ]ar Daklak brơi thâo, djop tơring glông, plơi pla amăng tơring ]ar hơmâo gum hrom ngă tui hơdră bruă je] ame] hloh, ako\ pơjing grup, tơhan mă bruă kơsung nao pơhlôm, pơgang apui [ong glai:

‘’{ing gơmơi lăi pơthâo kơ khua tơring ]ar, khua gơnong bruă đang hmua hăng pơđ^ kyar [on lan brơi git gai djop pô anom bruă, mơnuih [on sang tu\ mă wai lăng đang glai pơpha, khom hơmâo hơdră pơhlôm, pơgang apui [ong glai, ngă tui tong ten, kjăp phik.

Laih dơ\ng, jao kơ tơhan wai lăng glai rưng ngă hrom djop tơring glông, brơi hyu sem lăng na nao, e\p bruă pok pơhai ngă tui pơgang glai klô mơ\ng djop anom bruă anai’’.

                                                          Nay  Jek: Pô c\ih hăng pôr