VOV4.Jarai - Rơwang bruă Sang măi pơke\ apui lơtr^k mơng pơ-iă yang hrơi SRÊPÔK 1,  tơring ]ar Daklak amra mă yua lông lăng amăng ako# blan 1 hăng sit nik mă yua amăng 3 blan tal 2 thun 2019.

Rơwang bruă Sang măi pơke\ apui lơtr^k mơng pơ-iă yang hrơi SRÊPÔK 1 dưi pơdo\ng [ơi thôn 9, să Ea Wer, tơring glông {ôn Đôn, tơring ]ar Daklak hmâo abih bang prăk tuh pơ plai 1.200 klai prăk, jua kơtang dưi pơke\ rai 50 MWp, hăng rơbêh kơ 151 rơbâo tơn pil, mrô apui pơke\ rai ha thun pơkă hlâo 73 klăk kWh.

Truh ră anai, hơdôm anung prăk phun mơng rơwang bruă ngă giong laih 70% mrô bruă, pơkă hlâo 1 thun pơ\ anăp amra pơke\ lông lăng, hăng mă yua sit nik amăng 3 blan tal 2 thun 2019.

Phrâo anai, [irô apăn bruă apui lơtr^k mơng tơring ]ar Daklak hmâo pơ phun pel e\p rơnoh rơwang bruă hăng rơkâo pô tuh pơ plai Sang măi pơke\ apui lơtr^k mơng pơ-iă yang hrơi SRÊPÔK 1 khom hơdor pơhlôm, kơja\p djơ\ hăng tơlơi kiăng yua măi mok hmâo pơsit.

Pô tuh pơ plai khom lăng ba truh bruă pơhlôm tu\ yua mơnuih mơnam mơng rơwang bruă kah hăng: apui yua pơke\ mơng pơ-iă yang hrơi hăng rơhuông adai, hro\ trun tơlơi [u klă truh amăng bruă pơke\ apui, ngă plai [ia\ ano# pơplih ayuh hyiăng, pơsir bruă mă [ơi plơi pla, djru pơđ^ kyar bơwih [ong mơnuih mơnam kơja\p./.

Siu H’ Prăk: Pô ]ih pơblang hăng pôr