VOV4.Jarai- Thun blah wang rơgao sui laih, samơ\ tơlơi truh sat mơng jrao hret ăt do\ na nao amăng tơlơi hơdip mơda mơng lu rơnuk djuai ania Việt Nam ta.

Khă hnun hai, rim hrơi, [ing djơ\ jrao hret ăt gir hrưn đ^ hơdip mơda, jing mơnuih ngă gru hiam kơ lu mơnuih djơ\ jrao hret pơko\n dong lăng tui.

Tơdơi hrơi rơngai lo\n ia, tơhan hơđăp Nguyễn Văn Thiệu, do\ [ơi thôn 8, să Ea Đar, tơring glông Ea Kar, tơring ]ar Daklak, hơmâo tơlơi ruă amăng drơi jăn yua djơ\ jrao hret ngă.

~u duăm ruă na nao, 2 amăng 5 c\ô ană `u le\ rơwen rơwô jô găng, amăng anun sa c\ô djai lơm phrâo tơkeng, sa c\ô dong prong ako\, bôm mơta, tơngil kơmlô laih anun drơi jăn pe` kơle`.

Pơphun bơwih [ong soh sel, hơmâo hơget ôh amăng tơngan, laih dong hơmâo tơlơi ruă amăng pran jua hăng amăng drơi jăn dong yua jrao hret ngă, samơ\ `u ăt [u pơdơi pơdă gir hơyak pơgao abih tơlơi tơnap tap, gir ngă hmua pla pơjing c\i pơhlôm tơlơi hơdip mơda hăng c\em rông ană bă truh prong.

Yua tơlơi gir run [u thâo gleh glar tui hăng anun, 3 c\ô ană `u hrăm hră truh anih, ră anai glăk ngă bruă [ơi anom bruă kơnuk kơna tơring ]ar Daklak.

Ơi Thiệu hăng pô ană djơ\ jrao hret hơmâo kơnuk kơna djru ba. Ră anai sang ano\ `u glăk do\ amăng sang cấp 4 hơmâo nua giăm 300 klăk prăk laih anun hơmâo 2,5 ar đang kơphê hăng đang pla boh troh.

Hơdor glăi thun blan tơnap tap, ơi Nguyễn Văn Thiệu lăi le\, năng ai `u pran kjăp Ling tơhan rơnuk Wa Hồ yơh djru `u dưi găn rơgao abih tơlơi hning rơngôt, hrưn đ^ hơdip mơda.

‘’Kâo [uh soh mơta laih bruă arăng pơnah phao kơtoang amăng thun blah ngă, anai le\ tơlơi lông lăng kiăng ta kjăp pran jua.

Hăng pran jua tui anun ta kho\m hơyak pơgao tơlơi rin [un,[u hơmâo ano\ hiam hloh kơ rơkơi bơnai pơlir hơbit ha pran jua, pơsir abih tơlơi tơnap tap kiăng hơdip tui hăng anai. Pơhmu hăng hlâo adih jing plai [iă mơng tơlơi gleh tơnap 80% yơh’’.

Lu tơhan hơđăp Daklak găn rơgao tơlơi hing rơngôt yua thun blah wang pioh glăi, c\i pơđ^ kyar tơlơi hơdip mơda

Ơi Nguyễn Lưu Đoàn, [ơi thôn 3, să Ea Đar, tơring glông Ea Kar, Daklak le\ sa c\ô tơhan hơđăp mơn, djơ\ jrao hret amăng rơnuk blah wang.

Ană tal dua `u lơm phrâo tơkeng prong ako\, tơkai tơngan rua` anet, rơbêh 20 rơgao, rơwen jing do\ ha anih đôc\, [u thâo wai lăng mă pô ôh.

{u tơdu pran ôh [ơi anăp tơlơi hơdip tui anun, rơkơi bơnai `u gir bơwih [ong huă pla boh `ông, kơphê [ơi đang hmua găp anet mơn.

Yua pran jua triăng kơtang, gir hrăm tui arăng, hơbô| bruă ngă hmua mơng sang ano\ `u juăt pơhrui glăi prăk lu hloh pơhmu hăng sang ano\ pơko\n amăng tơring glông.

Tui anun [ư [rư\ ngă hơbô| bruă pla plah phun anai phun adih. Ră anai, sang ano\ ơi Nguyễn Lưu Đoàn hơmâo 5 ar hăng 2 ektar đang ngă tiu, kơphê pla plah nao boh vải, boh `ông, rim thun ba glăi 500 klăk prăk:

 ‘’Lơm nao c\ông jah jơnah glai, [ing adơi đeh kâo do\ anet, kâo gir ngă bruă yơh c\i pơđ^ kyar amăng sang ano\.

Truh ră anai, sang do\, đang hmua kâo hơmâo laih. Tơlơi hơdip sang ano\ kâo tui hăng anai djơ\ pran kâo laih’’.

Ơi Thiệu do\ mă bruă [ơi đang kơphê sang `u.

Ră anai tơring ]ar Daklak hơmâo giăm 6.000 c\ô mơnuih djơ\ jrao hret. Hơdôm thun laih rơgao, hăng jơlan hơdră mơng Ping gah, Kơnuk kơna, tơlơi gleng nao mơng djo\p gưl, anom bruă, anom bơwih [ong huă hăng [ing hơmâo pran jua c\ơmah djru ba sang ano\ djơ\ jrao hret hơđong [iă amăng pran jua, plai [iă tơnap tap.

Lu [ing djơ\ jrao hret rim hrơi yak pơgao tơlơi rơngot hning hrưn đ^ hơdip mơda. {ing gơ`u le\ gru kơnuih hiam, [u hu\i tơnap tap gleh glar ôh, nao pơ lu anih iâu pơthưr mơnuih mơnam djru prăk kăk lăng ba [ing [u hiam dơi, laih anun [ing gơ`u jing mơnuih to\ tui pơtrut đ^ pran jua kơ [ing bưp tơlơi tơnap tui anun hrưn đ^ hơdip hiam.

 Ơi Ngô Song Hào, Khoa Khul [ing djơ\ jrao hret tơring ]ar Daklak brơi thâo:

‘’Truh ră anai, [ơi tơring ]ar hơmâo lu tơhan pơtrut đ^ klă biă pran jua ling tơhan rơnuk Wa Hồ amăng bruă mă bruă, pơplih phrâo tơlơi hơdip amăng sang ano\ ăt kah hăng amăng tơlơi hơdip mơnuih mơnam.

Hơdôm gru hiam tui anai le\ jing boh hră hiam kiăng ta hla tui, iâu pơthưr, pơ pơblang [ing bưp tơlơi truh [u klă gir hrăm tui [ing ba jơlan hlâo anai. Truh ră anai, lu mơnuih hrăm tui, laih anun tơlơi hơdip hiam klă biă’’.

Rơkơi bơnai ơi Đoàn hăng pô ană rơwen rơwô.

Thun blah wang rơgao sui laih, samơ\ tơlơi ruă amăng drơi jăn pran jua do\ na nao amăng djo\p rơnuk.

Khă hnun, hăng pran jua ling tơhan rơnuk Wa Hồ, Tơhan sông kơtang amăng bruă blah wang, kơtang amăng rơnuk rơngai, tơhan hơđăp tui hăng ơi Nguyễn Lưu Đoàn, Nguyễn Văn Thiệu sit nik ngă gru hiam kiăng abih bang hrăm hăng hla tui.

                                                                            Siu H’Mai: Pô c\ih hăng pôr